അപരാജിതൻ -39 5203

“അല്ല ഇതെന്താ നിന്റെ കൈയിൽ ?” ബാലു തിരക്കി

“ഇത്തിരി ഫ്രൂട്സ് ആൻഡ് വെജിറ്റബിൾസ് ”

“ഇതൊക്കെയെന്തിനാ ?”

“എല്ലാം എന്റെ സന്തോഷം കടമ അവകാശം ” മനു മറുപടി കൊടുത്തു.

അപ്പോളേക്കും ചിന്നു ബാലുവിന്റെ ദേഹത്ത് വെള്ളം ഒഴിച്ച് തുടങ്ങിയിരുന്നു.

“ബാലുച്ചേട്ടാ ”

“എന്താടാ ?”

“നിങ്ങള് ഈ പെൺകുഞ്ഞിനെ വിവാഹം ചെയ്‌തില്ലേ ,, അതങ്ങു വേഗം ചെയ്തേക്കൂ , ഇല്ലേ നാട്ടുകാർ നാറികൾ വല്ലതുമൊക്കെ  ആരോപിക്കും, എല്ലായിടത്തും സദാചാരതെണ്ടികളാണ്,,ബ്ലഡി കൺട്രികൾ, അവനവന് കിട്ടാത്തത് ആവതുള്ളവന് കിട്ടുന്നത് കാണുമ്പോ ഈ നായിന്റെ മക്കൾക്ക് കുരു പൊട്ടി കടിയിളകി സദാചാരം ഒലിക്കും, പിന്നെ ധാർമ്മികമായി ആങ്ങളയും അമ്മാവന്മാരുമൊക്കെ ആകും” മനു രോഷം പ്രകടിപ്പിച്ചു. ”

 

“പോടാ പോടാ ,,നിന്റെ നാട്ടിലെ ആളുകളല്ല ഇവിടെ ”

“എങ്കിൽ കുഴപ്പമില്ല ,,എന്നാ നിങ്ങള് നീരാടിക്കൊ , അല്ല ചിന്നുച്ചേച്ചി , കൂട്ടാന് വല്ലതും അരിയാനുണ്ടേ തന്നാൽ മതി ,,എല്ലാ പണിയും ഞാനൊരു അടിമയെ പോലെ എടുക്കും ”

മനു അലക്കു കല്ലിൽ ഇരുന്നു കൊണ്ട് പറഞ്ഞു

“ഒരു പണിയുമില്ല ,, മോൻ അവിടെ തന്നെയിരുന്നോ” ചിന്നു പറഞ്ഞു

“ഉവ്വ് ,,ഈ സ്നേഹവും പരിചരണവും  കാണുമ്പോ എനിക്ക് പെട്ടെന്ന് തന്നെ അനുവിനെ കെട്ടാൻ തോന്നുന്നു ”

അത് കേട്ട് ഇരുവരും ചിരിച്ചു .

“കുളിപ്പിക്ക് കുളിപ്പിക്ക് ,,നന്നായി തേച്ചൊരപ്പിച്ചു കുളിപ്പിക്ക് ” മനു ഒരു ചിരിയോടെ പറഞ്ഞു.

“തേങ്ങയുടെ മടൽ എടുത്തു ഉരച്ചു കൊടുക്ക് അതാ നല്ലത് ”

ചിന്നു ഒന്ന് കണ്ണുരുട്ടി മനുവിനെ നോക്കി.

“ഓ,,,ബാലു ചേട്ടാ,,വേണമെങ്കിൽ ഞാൻ മാറിത്തരാം,,വേണേ ഈ ചിന്നുചേട്ടത്തിയമ്മയെ അങ്ങോട്ട് കുളിപ്പിച്ചോ”

“മിണ്ടാതിരിയെടാ,,” ചിന്നു അല്പം ചൂടായി.

“ഓ,,ഞാൻ പറയുന്നതാ കുറ്റം,,”

എല്ലാം കേട്ട് ബാലു ചിരിച്ചു.

“മനൂ ,,,,,,,,,,,”

“എന്താ ബാലുച്ചേട്ടാ ”

“നീ വന്നപ്പോ എനിക്ക് വല്ലാത്ത സമാധാനവും സന്തോഷവും , ഒരു ആധിയും മനസ്സിൽ തോന്നുന്നില്ലെടാ ”

“ആണോ ,,,ആയിരിക്കും ബാലുച്ചേട്ടാ,,ആയിരിക്കും ,, എന്റെ മമ്മ പലപ്പോഴും പറയാറുണ്ട് , പക്ഷെ നേരെ തിരിച്ചാ,,ഞാൻ വീട്ടിലില്ലെങ്കിൽ അവർക്ക് മനഃസമാധാനമാണ് എന്ന് ,,ഇനിയാ അനു എന്ത് പറയുമോ എന്തോ കണ്ടറിയാം ,,അതെ എന്റെ കല്യാണം വിളിച്ചാൽ വരോ രണ്ടു പേരും ,,”

“സാഹചര്യങ്ങൾ അനുകൂലമെങ്കിൽ ഉറപ്പായും വരും മനൂ ” ബാലു മറുപടി പറഞ്ഞു