അപരാജിതന്‍ 33 [Harshan] 8008

“ഉവ്വപ്പുവെട്ടാ ,, പളനിയണ്ണന്‍റെ അനിയനെ ചന്തയില്‍ വെച്ചു കഴിഞ്ഞകൊല്ലം നല്ലമുത്ത് മുതലാളി തച്ചു , അങ്ങനെയാ അസുഖം വന്ന്  ആ അണ്ണന്‍ മരിച്ചത് , അതുപോലെ ഈ നല്ലമുത്തു മുതലാളിയുടെ കഞ്ചാവ് തോട്ടത്തില്  കുറെ നാള് മുന്പ് നമ്മുടെ നാട്ടുകാരെ തല്ലിപണിയെടുപ്പിച്ചിരുന്നു “

“ആഹാ ,,അപ്പോ അത്രക്കും നല്ലവനാണല്ലേ ഈ നല്ലമുത്തുസ്വാമി ,,, അപ്പോ അവന്‍ നല്ലപോലെ മെല്ലെ വന്നാ മതി “

ആദി ആ ഇടുങ്ങിയ വഴിയിലൂടെ കുറച്ചു കൂടി സാവധാനത്തിൽ വണ്ടിയോടിച്ചു കൊണ്ട് വിസ്താരമുള്ള വഴിയിലേക്ക് പ്രവേശിച്ചു.

ആ സമയം നോക്കി  ഡ്രൈവർ സ്കോർപിയോ റെയ്‌സ് ചെയ്തുകൊണ്ട് ആദിയുടെ ജീപ്പിന്‍റെ മുൻപിൽ തന്നെ കൊണ്ട് വന്നു നിർത്തി.

കോപം പൂണ്ട നല്ലമുത്തു  ചാടിയിറങ്ങി.

ആദിയുടെ സൈഡിലേക്ക് കോപത്തോടെ നടന്നടുത്തു

കോപത്തോടെ തന്നെ ആദിയുടെ കോളറിൽ മുറുകെ പിടിച്ചു.

“യാരോടെ വണ്ടി എൻട്രത് ഉനക്ക് തെരിയാതെ,, നായെ ” അയാൾ ആദിയെ പുറത്തേക്ക് വലിച്ചിറക്കാൻ നോക്കി.

അതുകണ്ടതോടെ ഭയന്ന് ശങ്കരൻ “അയ്യാ വിട്ടിടുങ്കോ ” എന്ന് പറഞ്ഞു നിലവിളിച്ചു കൊണ്ട് പുറത്തേക്കിറങ്ങി.അയാളുടെ അരികിലേക്ക് തൊഴുതു പിടിച്ചു കൊണ്ട് ഓടി വന്നു

അപ്പോളേക്കും കരുത്തനായ ഗുണ്ട പുറത്തേക്കിറങ്ങി.അങ്ങോട്ടേക്ക് നടന്നു

ശിവാനി ആകെ ഭയം കൊണ്ട് വിറച്ച് തുടങ്ങിയിരുന്നു.

നല്ലമുത്തുവും പുറത്തിറങ്ങി

കോപം കൊണ്ട് തിളക്കുകയായിരുന്നു  നല്ല മുത്തു.

“കൈ എടുക്കെടാ ,,,,,,” ആദി മര്യാദയോടെ ഡ്രൈവരോട്  പറഞ്ഞു

“ഇല്ലേനാ നീ എന്നാ സെയ്വേണ്ടാ  തിരുട്ട് നായെ ,,,,,,” അയാൾ കോപത്തോടെ പറഞ്ഞു

ആദി ചിരിച്ചു കൊണ്ട് പുറത്തേക്കിറങ്ങി

“നായ ,,,,,നായെ ഇല്ലെയാ ,,,,,” എന്ന് പറഞ്ഞു കൊണ്ട് ആദി രണ്ടു വശത്തും നോക്കി

“ഉന്നുടെ തന്ത നായ ഇങ്കെ ഇല്ലയെ ,,,,,നായ പുള്ളെ ” എന്നൊരു ചിരിയോടെ പറഞ്ഞു

(നിന്‍റെ അച്ഛൻ പട്ടി ഇവിടെ ഇല്ലല്ലോ ,,നായിന്‍റെ മോനെ )

അത് കേട്ടതും “തേവിടിയാ പുള്ളെ ,,,,,” എന്നുപറഞ്ഞു കൊണ്ട് ഡ്രൈവർ പിന്നിൽ നിന്നും നീളനൊരു വാള്‍  എടുത്തു ആദിയുടെ നേരെ കുതിച്ചു.

“അയ്യോ ,,അപ്പുവേട്ടാ ,,,,,” എന്ന് ശങ്കരൻ അലറി വിളിച്ചു

അയാള്‍ ശക്തിയില്‍ വാളോങ്ങി ആദിക്ക് നേരെ കുതിച്ചു.

അത് കണ്ടവൻ മെല്ലെയൊന്നു പുഞ്ചിരിച്ചു.

“ശങ്കരാ നീ കാണെടാ ,,,,, ” എന്ന് ഭയന്ന് വിറച്ചു നിൽക്കുന്ന ശങ്കര൯ കേൾക്കെ പറഞ്ഞു കൊണ്ട്  അതിവേഗം ബോണറ്റിൽ ഇടം കൈയമർത്തി ദേഹത്തെ മുകളിലേക്ക് ഉയർത്തി കാലു മടക്കി പാഞ്ഞുവരുന്ന ഡ്രൈവറുടെ നെഞ്ചിന്‍റെ മധ്യഭാഗം നോക്കി ആഞ്ഞു ചവിട്ടു കൊടുത്തു.