അപരാജിതന്‍ 33 [Harshan] 8008

“പപ്പാ ,, അതൊക്കെ വെറുതെ പറഞ്ഞതാണെങ്കിലോ,,ഒരുപക്ഷെ ഡൈവേർട്ട് ചെയ്യിക്കാൻ വേണ്ടി ,, അപ്പു പറഞ്ഞത് വെച്ചുള്ള അറിവനുസരിച്ച് ആ അച്ഛന് അധികം സുഹൃത്തുകളൊന്നുമില്ലായിരുന്നു, അമ്മ ട്രീറ്റ്മെന്റിൽ ആയിരുന്നതിനാൽ ജോലി കഴിഞ്ഞാൽ വേഗം വീട്ടിലെത്തും, ആ അമ്മയെ ഒരു കുറവും വരുത്താതെ പരിചരിച്ചു കൊണ്ടിരുന്നത് അപ്പുവിൻറെ അച്ഛനാ,, അങ്ങനെ ഒരു മനുഷ്യൻ പെട്ടെന്നു ഒരു ദിവസം കാശും കൊണ്ട് ഏതോ ഒരു സ്ത്രീയെയും കൊണ്ട് നാട് വിട്ടു എന്ന് പറഞ്ഞാൽ ,, എങ്ങനെ വിശ്വസിക്കും പപ്പാ,, അങ്ങനെ കാശിനോട് ആർത്തിയുള്ള ആളാണെങ്കിൽ ആ വീടും പറമ്പും വരെ വിറ്റു കാശു ബാങ്കിൽ ഇടില്ലേ ,, അതുപോലും ആ അമ്മയുടെ പേരിലല്ലായിരുന്നോ ,, അപ്പു പറഞ്ഞിടത്തോളം കിട്ടുന്ന ശമ്പളം പോലും ലക്ഷ്മിയമ്മയെ ഏല്പിക്കും ,,അത്യാവശ്യത്തിനു മാത്രം അമ്മയിൽ നിന്നും വാങ്ങിക്കും ,അപ്പുവിന്‍റെ പഠിത്തം , അമ്മയുടെ ട്രീറ്റ്മെന്റ് ഒക്കെ അങ്ങനെ അല്ലെ നടത്തികൊണ്ടിരുന്നത് ,,അങ്ങനെ ഒരു മനുഷ്യൻ ,,,,,,,,,,ഇല്ല പപ്പാ ,,,എന്തോ സംഭവിച്ചിട്ടുണ്ട് ,, ആരോ ഇതിൽ നല്ലപോലെ കളിച്ചിട്ടുണ്ട് ,, അങ്ങനെ തന്നെയാ എനിക്ക് തോന്നണേ ,,, “പാര്‍വ്വതി പറഞ്ഞു

എല്ലാം കേട്ടപ്പോൾ രാജശേഖരൻ ആകെ വിയർക്കാൻ തുടങ്ങി.

അയാൾ എല്ലാവരെയും നോക്കി

“സത്യമാകുമോ?” എന്ന് ചോദിച്ചു

“പപ്പാ ,,എന്നെക്കാളും അധികം ആ അങ്കിളിനെ പപ്പയ്ക്കല്ലേ അറിയൂ ,, പക്ഷെ അന്ന് അവരിൽ നിന്നും ആ സ്ഥലം കിട്ടിയപ്പോൾ നഷ്ടത്തേക്കാൾ കൂടുതലുള്ള മുതൽ കിട്ടിയപ്പോൾ പിന്നെ പപ്പയ്ക്കും അതൊക്കെ അന്വേഷിക്കാനുള്ള  താല്പര്യം കുറഞ്ഞില്ലേ ,,അപ്പോളേക്കും അവിടെ ഷോപ്പിങ് കോംപ്ലക്സ് കെട്ടാനുള്ള വർക്കുകളും  തുടങ്ങി ,,പപ്പാ ,,, ആ അങ്കിളിനെ കുറിച്ച് ഒരാളും മോശം അഭിപ്രായം പറയുന്നത് കേട്ടിട്ടില്ല ,, അങ്ങനെ പറഞ്ഞിട്ടുള്ളവർ കൃഷ്ണചന്ദ്രൻ അങ്കിളും പിന്നെ ആളുടെ സെക്രട്ടറി വർമ്മാജിയുമാണ് .. ” ശ്യാ൦ ചൂണ്ടി കാട്ടി

രാജശേഖരൻ തലയനക്കി

“പപ്പാ ,,എനിക്കും സംശയമുണ്ട് ഈ കൃഷ്ണചന്ദ്രൻ അങ്കിളിനു ഇതിൽ എന്തേലും ബന്ധമുണ്ടോ എന്ന് ,,,മൂപ്പർക്ക് ആദിയോടും പലപ്പോഴും നീരസം കണ്ടിട്ടുണ്ട് ,,,പപ്പാ നമ്മളറിയാതെ നമ്മുടെ കമ്പനിയിൽ പലതും നടക്കുന്നുണ്ടോ എന്നൊരു സംശയമുണ്ട് ,, ”

“അതെന്താ മോനെ ,,, ” രാജശേഖരൻ ശ്യാമിനോട് ചോദിച്ചു

“പപ്പാ ,,നമ്മുടെ തേയില ബിസിനസ് സെയിൽസ്  ഡിപ്പ് ചെയ്തത് ഓർക്കുന്നുണ്ടോ ?”

“ഉവ്വ്,,, അന്ന് നമ്മൾ ഡിസ്കസ് ചെയ്തതല്ലേ ,,അന്നത്തെ മീറ്റിങ്ങിൽ ”

“അതെ ,, അത് തന്നെ ,, കഴിഞ്ഞ കുറച്ചധികം കാലമായി ആ ബിസിനസ് നമുക്ക് ലോസ് തന്നെയാണ് ”

“രണ്ടു മൂന്നു ദിവസം മുൻപ്   ആദിയുടെ നല്ല മൂഡ് നോക്കി ഞാൻ ഇതേ കുറിച്ച് സംസാരിച്ചു”

“എന്നിട്ട് ,,”

“അപ്പോൾ ആദി പറഞ്ഞത്  നിലവിൽ സെയിൽസ് കുറയേണ്ട ഒരു സാധ്യതയും കാണുന്നില്ല , ഡിമാൻഡ് എന്ത്  കൊണ്ട് കുറയുന്നു എന്നറിയാനായി നമ്മുടെ ഹോൾ സെയിലേർസ് നോട്  അന്വേഷിക്കാൻ പറഞ്ഞു ,,