അപരാജിതന്‍ 20 [Harshan] 10041

ഇത്രയും പറഞ്ഞുകൊണ്ട് ബാലു അവസാനിപ്പിച്ചു

എന്നിട്ട് കുപ്പിയിൽ ഇരുന്ന വെള്ളം കുടിച്ചു

“സമയം എത്ര ആയി ” കണ്ണട നേരെ വെച്ച് കൊണ്ട് ബാലു ചോദിച്ചു

“എട്ടരയായി ബാലുച്ചേട്ടാ ”

“അയ്യോ ,,പറഞ്ഞു പറഞ്ഞു നേരം പോയതറിഞ്ഞില്ല , നമുക്കെന്നാ ഇറങ്ങിയാലോ ”

“ആ ഇപ്പോ ഇറങ്ങാം ബാലുച്ചേട്ടാ ,, ” അവൻ വേഗം പോയി ഡ്രെസ് ഒക്കെ മാറി

ബാലു അപ്പോളേക്കും ഒന്ന് വാഷ്‌റൂമിൽ ഒക്കെ പോയി വന്നു

“ബാലു ചേട്ടാ ”

“എന്താ മനു ”

“ഇത് ബാലുച്ചേട്ടനായി വാങ്ങിയതാ ?”

“എന്താ ഇത് ”

അവൻ കയ്യിൽ കവർ തുറന്നു കാണിച്ചു നല്ല സ്വെറ്റർ ,കട്ടി കൂട്ടിയത്

“ഇതുപോലെ ഒരെണ്ണം വാങ്ങണമെന്ന് കരുതിയതാ ,, എത്രയായി മനൂ?” ബാലു ചോദിച്ചു

“സമ്മാനം തരുന്നതിനു കാശ് ചോദിക്കണ്ട ബാലുച്ചേട്ട ”

ബാലു ഒന്ന് പുഞ്ചിരിച്ചു തലയാട്ടി

അവൻ വണ്ടിയുടെ താക്കോൽ എടുത്തു

“ചോദ്യം ഒന്നും ഇല്ലേ മനു ?”

“ഇനി ചോദ്യങ്ങൾ ഇല്ല ,, ഇനിയെല്ലാം ഉത്തരം തേടലാണ് ബാലുച്ചേട്ട ”

അവൻ ചിരിച്ചു കൊണ്ട് പറഞ്ഞു

അവർ മുറി പൂട്ടി ഇറങ്ങി

താഴെ മയൂരി നിൽക്കുന്നുണ്ടായിരുന്നു

ബാലുവിനെ കണ്ടവൾക്കു മനസിലായില്ല

മനുവാണു അവൾക്കു പറഞ്ഞു കൊടുത്തത്

അവൾ ബാലുവിന്‍റെ ആ രൂപം കണ്ടു ആകെ വിഷമിച്ചു പോയിരുന്നു

പിന്നെ കാണാം എന്ന് പറഞ്ഞു ചിരിച്ചു കൊണ്ട് ബാലു അവിടെ നിന്നും ഇറങ്ങി

മനു കാർ എടുത്തു തിരിച്ചു

ബാലു ഒരു സൈഡിൽ ഇരുന്നു

കാർ അവിടെ നിന്നും ഇറങ്ങി

“അന്നേരം ബാലുവിന്‍റെ മൊബൈലിൽ ഒരു കോൾ വന്നു

“ആ ചിന്നു ,,ഞാനിപ്പോ ഇറങ്ങിയേ ഉള്ളു ,,മനുവുണ്ട് കൂടെ ,, അവൻ എന്നെ കൊണ്ടാക്കും ,,ആ ശരി ,, എത്തീട്ടു വിളിക്കാട്ടോ ” ബാലു ഫോൺ വെച്ചു

“ഹും ഹും ,,,,പ്രണയിനിക്ക് ഇരിപുറക്കുന്നുണ്ടാവില്ല ,,അതാ ,,, വിളിക്കണേ ”

“പോടാ ,,,,,,,,,,അവൾ ഇടയ്ക്ക് വിളിക്കണതല്ലേ ,,”

“അറിയാവെ ,,,,,,,,”

അങ്ങനെ കുറച്ചു നേരം കൊണ്ട് മനു ബാലു പറഞ്ഞയിടത്തു നിർത്തി കൊടുത്തു

നാളെ കാണാമെന്നു പറഞ്ഞു അവനോടു ഗുഡ് നൈറ്റ് പറഞ്ഞു ബാലു ഇരുളിൽ നടന്നകന്നു

മനു കാർ എടുത്തു ഹോട്ടലിലേക്ക് തിരിച്ചു

<<<<<<<<O>>>>>>>>

21 ഇല്‍ തുടരും