അപരാജിതന്‍ 20 [Harshan] 10041

പുലര്‍ച്ചെ അഞ്ചരമണിക്ക് 

 

അമ്രപാലിയുടെ അന്തപുര മുറിയില്‍

തളര്‍ച്ചയോടെ ഇന്ദര്‍രാജ ജജോറിയ ഉണ൪ന്നു.

അയാള്‍ കിടക്കയില്‍ നോക്കി

അമ്രപാലി എവിടേയും ഇല്ല

അന്നേരം ഒരു മുലകച്ചയണിഞ്ഞു തലയിൽ ടർക്കി ചുറ്റി കെട്ടി അമ്രപാലി പുറത്തേക്കിറങ്ങി

അവളെ കണ്ടയാൾക്ക് സ്വയം നാണം തോന്നി

അമ്രപാലിയെ അനുഭവിക്കാൻ എത്തി

ലക്ഷങ്ങൾ മുടക്കിയിട്ടു പോലും അയാൾ ഒരു ഉന്മാദലോകത്തെത്തിപ്പെട്ടു എന്നല്ലാതെ അമ്രപാലിയെ അനുഭവിക്കാൻ അയാൾക്ക് സാധിച്ചില്ല

അവൾ വന്നു ആ വേഷത്തിൽ തന്നെ അയാൾക്കരികിൽ ഇരുന്നു

അയാൾ അവളുടെ കൈ എടുത്തു മുത്തി

“എനക്ക് ,,, ഒരു നഷ്ടം വരനില്ല ,,എന്റ ലൈഫിലെ ആദ്യ അനുഭവം ,,അത് നീ എനക്ക് തന്നു , ശുക്രിയ അമ്രപാലി ,,, ഇന്നലെ നീ എന്റ കൂടെ  ഓരോ സമയ൦ എനക്ക്  സ്വർഗ്ഗം പോലെ .. നീ എന്നെ പരാജയപ്പെടുത്തി നാൻ ,, നിന്‍റെ ദാസൻ ,,, ”

അവളുടെ ചിരി അയാളുടെ ഹൃദയം കുളിർപ്പിച്ചു

അപ്പോളേക്കും വാതിലിൽ മുട്ടുകേട്ടു അമ്രപാലി വാതിൽ തുറന്നു

മുത്താരമ്മ വന്നു അയാൾക്ക് പോകാനുള്ള നേരമായി എന്ന് പറഞ്ഞു

മാനേജർ അമ്രപാലിയെ ആ വേഷത്തിൽ കണ്ടു ഭ്രമിച്ചു പോയിരുന്നു

അവൾ വാതിലടച്ചു

“സമയമായി ,,,” അവൾ പറഞ്ഞു

“നിനക്കു നാൻ എന്താ തരേണ്ടത് ,,,വരൂ ,,എന്‍റെ കൂടെ ,, നാൻ പഞ്ചാബിൽ കൊണ്ടുപോകാം ,,അവിടെ വലിയ മാളിക കെട്ടി തറാം ,,, എന്തും നിനക്ക് നാൻ സെയ്യാം …”

അവൾ പൊട്ടിച്ചിരിച്ചു കൊണ്ടിരുന്നു

“എങ്ങോട്ടുമില്ല ,, ഇവിടെ ഞാൻ ഉണ്ടാകും ,എന്നെ വേണ്ടവർക്ക് ഇങ്ങോട്ടു വരാം ”

അയാൾ എഴുന്നേറ്റു

വസ്ത്രം എടുത്തണിഞ്ഞു

അവളുടെ കാൽ ചുവട്ടിൽ മുട്ടുകുത്തിയിരുന്നു

അവളുടെ വലം കാൽ പാദം കൈയിൽ എടുത്തു പൊക്കി

തന്‍റെ തലയിൽ അമർത്തി വെച്ച് കൊണ്ട് പറഞ്ഞു

“മേ തേരാ ഗുലാം ഹൂം ,,തൂ മേരി മാലകീൻ ഹേ ,, മേ , മേരി സിന്ദഗി തേരി ചരണോം മേ സമർപ്പൻ കർ രഹാ ഹൂം ”

അവൾ വിരിച്ചു കൊണ്ടിരുന്നു

അവളുടെ കാൽ കൊണ്ട് അയാളുടെ നെറ്റിയിലും മൂക്കിലും കവിളിലും ചുണ്ടിലും കഴുത്തിലും മാറിലും വയറിലും അരക്കെട്ടിലും കാലിലും തലോടി അവൾ പാദം താഴെ വെച്ചു

അയാൾ എഴുനേറ്റു അവളെ കെട്ടിപ്പുണർന്നു

അവളുടെ മുലക്കച്ച അഴിഞ്ഞു വീണു

അയാളുടെ മുന്നിൽ അവളുടെ നഗ്‌നത വെളിവായി

പക്ഷെ അയാൾ പൂർണ്ണമായും ക്ഷീണിതനായിരുന്നു

അവളുടെ നഗ്നമേനിയിൽ അയാൾ ഭ്രമിച്ചു പോയിരുന്നു

 

അവൾ വേഗം അഴിഞ്ഞു വീണ വസ്ത്രം എടുത്തണിഞ്ഞു

അയാൾ ചിരിച്ചു കൊണ്ട് അവളുടെ ചുമലിൽ തട്ടി പുറത്തേക്കിറങ്ങി

അവൾ വസ്ത്രം മാറി

കിടക്ക പൊക്കി  അതിൽ നിന്നും അവൾ വരച്ചു കഠാരി കൊണ്ട് കുത്തി തുളച്ച അവളെ കീഴ്പ്പെടുത്തിയ യുവാവിന്‍റെ ( ആദിയുടെ ) ചിത്രമെടുത്തു  കിടക്കയിലേക്ക് വെച്ചു.

ഒപ്പം തലയിണക്കടിയിൽ നിന്നും കഠാരിയും

ആ കഠാരി  കൊണ്ട് ആ ചിത്രത്തിൽ മെല്ലെ അവൾ ഓടിച്ചു

“നിന്നെ ,,,നിന്നെയാണ് ഞാൻ കാത്തിരിക്കുന്നത് ,, നിനക്കായി കരുതിയതാണ് ഞാനീ കഠാരി ,, ജീവിതത്തിൽ എന്നല്ല സ്വപ്നത്തിൽ പോലും എന്നെ ആരും കീഴ്‌പ്പെടുത്താൻ പാടില്ല ,,പക്ഷെ നീയത് ചെയ്തു ,, ഈ കഠാരി  നിനക്കുള്ളതാണ് ,,നിന്‍റെ ഹൃദയത്തിൽ ആഴ്ത്തി ഇറക്കാൻ ,,,”

എന്ന് പറഞ്ഞു കൊണ്ട് ആ ചിത്രത്തിന്‍റെ ഹൃദയഭാഗത്തു അവൾ ആഞ്ഞു കുത്തി

ആ കഠാരി  കിടക്കയിൽ തറഞ്ഞിരുന്നു

അപ്പോളും അവളുടെ കലി അടങ്ങിയിരുന്നില്ല ,,

<<<<<O>>>>>>

 

രാവിലെ

 

ഒരു എട്ടുമണിയോടെ ആദി ഉണർന്നു.

അവൻ എഴുന്നേറ്റു കയറു കട്ടിലിൽ ഇരുന്നു

ഇല്ലത്തു കൃത്യ സമയത്തു ബെഡ് കോഫി കിട്ടിയിരുന്നതായിരുന്നു

ഇവിടെ അതൊന്നും ഇല്ലാത്തതിനാൽ ഇനി ഇവിടത്തെ ജീവിതരീതിയുമായി പൊരുത്തപ്പെടണം

അവൻ എഴുന്നേറ്റു വാതിൽ തുറന്നു പുറത്തേക്കിറങ്ങി

നോക്കുമ്പോൾ ചിരിച്ചു കൊണ്ട് മൺകുടത്തിൽ വെള്ളം കൊണ്ട് വെക്കുന്ന കസ്തൂരിചേച്ചിയെ ആയിരുന്നു

“എന്തിനാ ചേച്ചി ഇതൊക്കെ കൊണ്ടുവന്നത് ?” അവൻ ചിരിച്ചു കൊണ്ട് ചോദിച്ചു

“രാവിലെ മുഖം കഴുകാൻ ഒക്കെ വെള്ളം വേണ്ടേ , വെള്ളം കൊണ്ട് വരാൻ പോയപ്പോൾ ഇവിട വന്നു നോക്കി , ഈ കുടത്തിൽ വെള്ളം തീർന്നിരിക്കയിരുന്നു ,,അതാ ഇങ്ങോട്ടു കൂടെ കൊണ്ട് വന്നത് ”

“എന്തിനാ ചേച്ചി ,,ഇങ്ങനെ ബുദ്ധിമുട്ടുന്നത് ,,അല്ല ഇവിടെ ഉള്ളിൽ കിണറൊന്നും ഇല്ലേ..”

“ഇല്ല അനിയാ ,,”

“അപ്പൊ ഈ പുഴയിലെ വെള്ളമാണോ എടുക്കുന്നത് ”

“അല്ല ,, ഒരല്പം മാറി ഈ പുഴയിലേക്കുള്ള ഒരു ഉറവ ഉണ്ട് , നല്ല ശുദ്ധമായ വെള്ളമാണ് ,, അവിടെ നിന്നുമാണ് ഈ ഗ്രാമത്തിലേക്കുള്ള വെള്ളം കൊണ്ടുവരുന്നത് ”

അവൻ നോക്കുമ്പോൾ അവിടത്തെ സ്ത്രീകളും കുട്ടികളും തലചുമടായി വെള്ളം കൊണ്ട് വരുന്നത് കണ്ടു

“എത്ര ബുദ്ധിമുട്ടാണ് ചേച്ചി  ഇങ്ങനെ വെള്ളം കൊണ്ട് വരാൻ ”

“ഇതൊക്കെ ഞങ്ങളുടെ ദിനകൃത്യങ്ങൾ അല്ലെ അനിയാ ,ശരി ഞാൻ എന്നാൽ പോകട്ടെ ,, മോൾ ഉണരാറായി ”

“ശരി ചേച്ചി ,,,,,”

അവൾ അവിടെ നിന്നും നടന്നു നീങ്ങി

“കഷ്ടമാണല്ലോ ഈ പാവങ്ങളുടെ കാര്യമൊക്കെ ”

അവൻ മനസ്സിൽ ചിന്തിച്ചു

കുറച്ചു കഴിഞ്ഞപ്പോൾ ശൈലജ അങ്ങോട്ട് വന്നു

വീടിന്‍റെ പുറത്തു നിന്നു

വാതിലിൽ മുട്ടി

മുട്ടുകേട്ടു അവൻ പുറത്തേക്ക് വന്നു

ഒരു കോപ്പയിൽ പാലുണ്ടായിരുന്നു

“എന്തിനാ ഇത് ?”

“അച്ഛൻ ഇവിടെ തരാൻ പറഞ്ഞതാ ”

അവനതു വാങ്ങി

“നിങ്ങൾ ഇത് പുറത്തു വിൽക്കുന്നതല്ലേ ”

“ഇവിടത്തെ എല്ലാ വീടുകളിലേക്കും ആവശ്യത്തിനുള്ളത് എടുത്തിട്ടു ബാക്കി കൊണ്ടുപോയി വിൽക്കും ”

“എങ്കിൽ എനിക്കിതു പണത്തിനു തന്നാൽ മതി ”

“അതെല്ലാം അച്ഛനോട് സംസാരിച്ചോളൂ ”

“ശൈലജെ ,, ഉള്ളിൽ അടുപ്പു കണ്ടു , സടൗ ഒന്നുമില്ലേ ,, ഗ്യാസ് സടൗ,ഒക്കെ ,, ഞാൻ എന്തിൽ വെച്ചാ ഇത് തിളപ്പിക്കണ്ടേ ,, അത് മാത്രവുമല്ല തേയിലയും പഞ്ചസാരയും ഒന്നും ഇവിടെ ഇല്ലല്ലോ ”

“ഇവിടെ സ്ടൗ ഒന്നുമില്ല ,,ആകെ ഒരു മാസം ഒരു വീട്ടിലേക്ക് മൂന്നു ലീറ്റർ മണ്ണെണ്ണ കിട്ടും , അത് വിളക്ക് കൊളുത്താനെ തികയു ,,ഞങ്ങൾ ഇവിടെ വിറകും വരളിയും കൊണ്ട അടുപ്പ് കൂട്ടുന്നത് ”

“ഹോ ,,,ഹൊറിബിൾ ,,, ”

“എന്ന് വെച്ചാ ” അവൾ സംശയതോടെ ചോദിച്ചു

“അല്ല ,,ഭയങ്കരം ആണെന്ന് പറഞ്ഞതാ ”

“ഇവിടെ ഇങ്ങനെയൊക്കെയാ ,,,”

“എന്നാൽ ഒരു കാര്യം ചെയ്യൂ ,, ശൈലജ എനിക്ക് ഈ അടുക്കള ഒന്ന് തയാറാക്കി തരാമോ ,, അതുപോലെ ഇപ്പോ ചായ ഉണ്ടാക്കാൻ എനിക്കല്പം തേയിലയും പഞ്ചസാരയും കൂടെ വേണം ,, ഞാൻ പുറത്തു പോയി വരുമ്പോ ആവശ്യമുള്ളതൊക്കെ കൊണ്ട് വരാം ,, ”

അവൾ ഒരല്പം നേരം ആലോചിച്ചു

അപ്പോളേക്കും ഉമാദത്തൻ അങ്ങോട്ടേക്ക് വന്നു

“ഉറക്കമൊക്കെ ബുദ്ധിമുട്ടായി കാണുമല്ലേ അറിവഴകന് ”

“ഒരിക്കലുമില്ല , നല്ല ഉറക്കം കിട്ടി ,, ഇടയ്ക്കു വിശന്നതു കൊണ്ട് എഴുന്നേറ്റു , പക്ഷെ പുറകിലെ കൂവളം എനിക്ക് രണ്ടു കൂവള കായ ഇട്ടു തന്നു ,,അത് കഴിച്ചു വിശപ്പടക്കി ”

ഉമാദത്തനും ശൈലജയും അത്ഭുതം കൂറി പരസ്പരം നോക്കി

“കൂവളഫലമോ ,,,ഇവിടെയോ ”

“അതെ ,,,,,,,,,,,,കൂവളഫലം തന്നെ ,,,ഈ പുറകിലത്തെ കൂവള മരത്തിൽ നിന്നും ”

അവർ അതുകേട്ടു വേഗം വീടിനു പുറകിലുള്ള വലിയ കൂവള മരച്ചുവട്ടിൽ വന്നു നോക്കി

കൂവളത്തിന്‍റെ ഏറ്റവും മുകളിലുള്ള ചില്ലയിൽ പാകമായ കൂവളഫലങ്ങൾ

അയാൾ കൈകൾ കൂപ്പി

മോളെ സ്വാമിയെ വിളിച്ചുകൊണ്ടു വാ എന്ന് പറഞ്ഞു

ശൈലജ പോയി സ്വാമി അയ്യയെ വിളിച്ചു കൊണ്ട് വന്നു

അവരാ കൂവളമരത്തിലേക്ക് നോക്കി

സ്വാമി അയ്യാ അത്ഭുതം കൊണ്ട് കൈ കൂപ്പി

അവനൊന്നും മനസിലാകാതെ ഇവരെന്താ ചെയ്യുന്നത് എന്ന് നോക്കി നിന്നു

“ഉമാദത്താ ,,,എന്താ ഇതിപ്പോ ഇങ്ങനെ ,,,ഒരിക്കൽ പോലും സംഭവിക്കാത്ത കാര്യമാണല്ലോ ”

വിറയലോടെ അദ്ദേഹം ചോദിച്ചു

“അതെ ,,,അതെ സ്വാമിയയ്യാ ,,,”

സ്വാമി അയ്യ,,,ആ കൂവളവൃക്ഷത്തെ സാഷ്ഠാ൦ഗം നമസ്കരിച്ചു

ഒപ്പം ഉമാദത്തനും

ശൈലജ മുട്ടുകുത്തി നമസ്കരിച്ചു

“ഇവർക്കിതെന്താ വട്ടായോ ” ആദി മനസിൽ ചിന്തിച്ചു

സ്വാമി അയ്യ നമശിവായ ചൊല്ലി അവിടെ നിന്നും തിരിഞ്ഞു നടന്നു

“ദത്തൻ മാമാ ” ആദി പെട്ടെന്ന് വിളിച്ചു

“അയ്യോ സോറി ,,,സർ ”

“വേണ്ട ,,വേണ്ട ,,എല്ലാരും എന്നെ ഇവിടെ മാമാനെന്നാണ് വിളിക്കുന്നത് ,,അറിവഴകനും അങ്ങനെ വിളിച്ചോളൂ ”

അതുകേട്ടു അവനു ഒരുപാട് സന്തോഷമായി

“എന്താ ,, സംഭവം ,, കൂവളത്തിൽ നിന്നും ഫലം പൊഴിയുന്നത് ഇത്ര വലിയ കാര്യമാണോ ?”

“ഇവിടെ അത് വലിയ കാര്യമാണ് അറിവഴകാ ,,,,,,,,കാരണം ഈ ഗ്രാമത്തിൽ ഉള്ള ഒരു കൂവളമരങ്ങളും നൂറ്റാണ്ടുകളായി പൂക്കുകയോ കായകൾ ഉണ്ടാകുകയോ ചെയ്തിട്ടില്ല ,, ഈ ഗ്രാമചരിത്രത്തിൽ ആദ്യമായി ആണ് ഒരു കൂവളത്തിൽ ഫലങ്ങൾ ഉണ്ടായിരിക്കുന്നത് ,,അത് ഞങ്ങളെ സംബന്ധിച്ച് ഒരുപാട് ശ്രേഷ്ടമായ കാര്യമാണ് ,,,”

“അല്ല ഈ വീട് മാത്രമെന്താ ഗ്രാമത്തിനു വെളിയിൽ ,,?’

“അതെല്ലാം സ്വാമി അയ്യ സമയം പോലെ പറഞ്ഞു തരും അറിവഴകന് ,,ഈ ഗ്രാമവുമായി ബന്ധപ്പെട്ട എന്ത് കാര്യവും സ്വാമി അയ്യക്കോ ഇവിടത്തെ വൈദ്യരയ്യക്കോ മാത്രമേ പറയാൻ അധികാരമുള്ളൂ ,, വേറെ ആരും ഒന്നും പറയില്ല,,പറയാൻ അനുവാദമില്ല  ”

“ഓ ,അങ്ങനെ ആയിരുന്നല്ലേ ,, എന്ന പോട്ടെ ,, ദത്തൻ മാമാ ,, ഞാൻ ഇപ്പോ ശൈലജയോട് ഒരു കാര്യം പറഞ്ഞിരുന്നു ,, പാൽ എനിക്ക് വേണം ദിവസവും അതിനു ഞാൻ വിലയും തരാം ,,പിന്നെ ,,ഇപ്പോ എന്‍റെ ഈ അടുക്കള ഒന്ന് നേരെയാക്കാൻ സഹായിക്കണമെന്നും ,, അതിനു ശൈലജയെ ഒന്നനുവദിക്കാമോ ”

അയാൾ മകളെയൊന്നു നോക്കി

“ഒന്ന് സഹായിക്കൂ ,,മോളെ ,,,”

അതുകേട്ടു ശൈലജ തല കുലുക്കി വീടിനുള്ളിൽ കയറി

അടുക്കയൊക്കെ അടുക്കി പെറുക്കി മൺപാത്രങ്ങൾ ഒക്കെ ൻറെ വെച്ച് അവൾ പോയി ഒരു കയറിൽ കൊരുത്തു വെച്ചിരുന്ന ചാണക വരളിയും പിന്നെ അല്പം ചായപൊടിയും പഞ്ചസാരയും എല്ലാം കൊണ്ട് വന്നു

അവിടെ ഇരുന്നു ചാണക വരളി കത്തിച്ചു അടുപ്പിൽ വെച്ചു

ഒരു മൺകലത്തിൽ പാലും  ഒഴിച്ച്  പഞ്ചസാരയും തേയിലയും ഇട്ടു തിളപ്പിക്കാൻ വെച്ചു

ആദ്യം വീടിനുള്ളിൽ പുക നിറഞ്ഞു എങ്കിലും വർളിക്ക് തീ പിടിച്ചപ്പോൾ പുക കുറഞ്ഞു വന്നു

“ഉമാദത്തൻ മാമാ ,,എനിക്ക് ഒരു ലീറ്റർ പാല് വേണം എന്നും ,,അതിനെത്രയാ വില തരേണ്ടത് ?

“അറിവഴകാ ,,, അഞ്ചുറുപ്പികക്കാ  ഞങ്ങൾ വൈശാലിയിൽ പാല് കൊടുക്കുന്നത് ”

“അഞ്ചുരൂപയോ ,,,,എന്താ ഈ പറയുന്നത് പാലിന് ലിറ്ററിന് ഇരുപത് രൂപയുണ്ടല്ലോ ”

“ഞങ്ങൾക്ക് അത്രയൊന്നും ചോദിയ്ക്കാൻ പാടില്ല ,,, ”

“അതെന്താ ,,,,?”

‘അതെങ്ങനെയാ ,,,,,,,,,,,” അയാൾ മറുപടി പറഞ്ഞു

“ഇവിടത്തെ ഗോശാലയിലെ പശുക്കൾ എല്ലാം ശിവശൈലത്തിന്‍റെ പൊതുസ്വത്താണ് ,,എല്ലാവരും അവയെ പരിപാലിക്കും ,, ഗ്രാമത്തിനു വേണ്ട ആവശ്യത്തിനുള്ള പാൽ എടുക്കും , ബാക്കി ഉള്ളത് പുറത്തേക്ക് വിൽക്കും ,,അത് അഞ്ചു റുപ്പിക നിരക്കിൽ ആണ് വിൽക്കുന്നത് , പശുക്കളിൽ നിന്നുമുള്ള പാൽ തൈര് നെയ് വെണ്ണയൊക്കെ വിൽക്കുന്ന തുക എല്ലാം സ്വാമി അയ്യയെ ഏൽപ്പിക്കും ,,അദ്ദേഹം ആണ് ആ തുക കൊണ്ട് ഇവിടത്തെ പൊതുവായ ആവശ്യങ്ങൾ നിറവേറ്റുന്നത് ,, ”

അദ്ദേഹം അവനു വിശദീകരിച്ചു

അന്നേരം ഒരു ചെറിയ മൺകോപയിൽ ചായ നിറച്ചു കൊണ്ട് ശൈലജ കൂടെ വന്നു

അവനു നേരെ നീട്ടി

അവനാ കോപ്പ വാങ്ങി ഉമദത്തന് നീട്ടി

അയാൾ നിരസിച്ചു

അവൻ ശൈലജയെ നോക്കി

അവൾക്കും വേണ്ട എന്ന് പറഞ്ഞു

അവനതു ചൂടോടെ ഒരു കവിൾ കുടിച്ചു

നല്ല ശുദ്ധമായ പാൽ ആയതു കൊണ്ട് ആ ചായക്ക്‌ രുചി ഏറെ ആയിരുന്നു

“ഹമ് ,,,,,,,,,,,,,,,,,ഫന്റാസ്റ്റിക് ,,,നല്ല  ചായ ,,,

“ഉമാദത്തൻ മാമാ ,,,,,,എന്തായാലും പൊതു വിപണിയിൽ ലിറ്ററിന് ഇരുപതു രൂപയുണ്ട് ,, എനിക്ക് ആ തുകക്ക് മതി  എന്നും ഓരോ ലീറ്റർ പാൽ ,, ” അവൻ വേഗം മുറിയിൽ പോയി ഒരു അഞ്ഞൂറിന്‍റെ നോട്ട് എടുത്തു കൊണ്ട് വന്നു ,, അയാൾക്ക് നേരെ നീട്ടി ,,”ഇത് മുൻ‌കൂർ ആയി ഇരുന്നോട്ടെ ,,,”

അയാൾ ഇതൊക്കെ കണ്ടു പകച്ചു പോയി

മകളായ ശൈലജയെ നോക്കി

“മടിക്കണ്ട ,, എന്തിനാ മടിക്കുന്നത് ”

“അറിവഴക൯ കൈയിൽ വെച്ചൊളൂ ,,,പാൽ എന്നും എത്തിച്ചോളാ൦ ,,കുഞ്ഞിന് വേണ്ടിയൊക്കെ ഒരുപാട് പണം മുടക്കിയതല്ലേ ,, ഇത് ഞങ്ങൾ വാങ്ങാൻ പാടില്ല ”

“അത് നല്ല കാര്യമായല്ലോ ,, അതൊരു പുണ്യ പ്രവർത്തി മാത്രം ,, അതും ഇതും കൂടെ കൂട്ടി കുഴക്കണ്ട ,, ”

അവൻ നിർബന്ധമായി അഞ്ഞൂറ് രുപ അയാളുടെ കൈയ്യിൽ പിടിപ്പിച്ചു

“ആദ്യമായി ആണ് ഇങ്ങനെ മുൻകൂർ ആയും ഇത്രയും ഉറുപ്പികയുമൊക്കെ ഞങ്ങൾക്ക് തരുന്നത് ”

അവൻ ശൈലജയെ നോക്കി

ചായ അസ്സലായിട്ടുണ്ട് ,,പാലിന്‍റെ മാത്രമല്ല ,,അതുണ്ടാക്കിയ കൈയിന്‍റെ കൂടെയാണ് ,,,,,,”

അതുകേട്ടു അവളുടെ ചുണ്ടിൽ ഒരു പുഞ്ചിരി വിടർന്നു

Pages 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62