അപരാജിതന്‍ 20 [Harshan] 10038

പോകുന്ന വഴിക്കവനോർക്കുകയായിരുന്നു

അടുത്ത വരവിനു കാർ കൊണ്ട് വരണം ,,

ബസിലെ യാത്രയൊക്കെ  സുഖമാണ് പക്ഷെ ഹോട്ടലിൽ വന്നാൽ ഇഷ്ടത്തിന് പോകാൻ ടാക്സി വിളിക്കുന്നതൊരു ബുദ്ധിമുട്ട് തന്നെയാണ്

അങ്ങനെയവൻ ബസ് സ്റ്റാൻഡിൽ എത്തി

അവന്‍റെ പ്രദേശത്തേക്കുള്ള ബസ്  വരാന്‍ കുറഞ്ഞതൊരു മണിക്കൂർ സമയമെടുക്കുമെന്ന്  കൗണ്ടറിൽ അന്വേഷിച്ചപ്പോളറിയാൻ സാധിച്ചു

അവനവിടെയുണ്ടായിരുന്ന ഒരു സിമന്റ് ബെഞ്ചിലിരുന്നു.

കുറച്ചു നേരം കഴിഞ്ഞപ്പോള്‍

“അണ്ണാ … എന്‍ .കിളി ഉണ്‍മൈ ചൊല്ലും,,ഇത് കടവുളോടെ കിളി  ”

എന്ന് ഉള്ള ഒരു ചൊല്ല് കേട്ട് തല തിരിച്ചു

പത്തോ പന്ത്രണ്ടോ വയസ് പ്രായമുള്ള ഒരു പെണ്കുട്ടി  കൈയിൽ തത്ത കൂടും പിടിച്ചു നിൽക്കുന്നു

അപ്പു പണ്ട് പക്ഷി ശാസ്ത്രം നോക്കിയ കാര്യം അവനോർമ്മ വന്നു

എന്നാലും അവനൊരു മടി പോലെ

അവൻ ആ കുട്ടിയെ ഒഴിവാക്കി

“അണ്ണാ എന്‍ കിളി   പൊയ് ചൊല്ലമാട്ടേ ,,,ഇത് കടവുളോടെ കിളി  ”

അവള്‍  വീണ്ടും പറഞ്ഞു

അവനവളെ വേണ്ട എന്നു പറഞ്ഞു വിലക്കി

“പസിയിരുക്ക് അണ്ണാ ,,, കാലയിലെ ഒന്നുമേ സാപ്പിടറുതില്ലയെ ”

ആ കുട്ടി  അല്പം ദയവിനായി വയറു തടവി പറഞ്ഞു

അതുകേട്ടപ്പോള്‍ അവനല്‍പ്പം സഹതാപ൦ തോന്നി

“പോട്ടെ ,, വിശപ്പകറ്റാനല്ലേ ,,, എന്തേലുമാകട്ടെ എന്നു ചിന്തിച്ച് കൊണ്ട് അവനാ പെണ്കുട്ടിയോട്

ഇരിക്കാ൯ പറഞ്ഞു

അവള്‍  സന്തോഷത്തോടെ ബെഞ്ചിന് ഒരു വശത്തു ഇരുന്നു

ആ കുട്ടി നീള൯ ബ്ലൌസും പാവടയും ആണ് ധരിച്ചിരിക്കുന്നത്.

അവന്‍റെ മുഖത്തേക്ക് അല്പ്പം  നോക്കി

“അണ്ണാ,നീങ്കയാരെയോ തേടി കൊണ്ടിറുപ്പത് ,,,ഇല്ലയാ ?’ അവള്‍ ചോദിച്ചത് കേട്ടു പെട്ടെന്നവൻ അത്ഭുതത്തോടെ അവളുടെ മുഖത്തേക്ക് നോക്കി

അവള്‍  തത്തയുടെ കൂട്ടിൽ ഒന്ന് മുട്ടി

“റുക്ക്‌മണി ,,,ഇന്ത അണ്ണനുക്ക് ഉളിലെന്ന തേടലിരുക്കൊ അതുക്ക്  വേണ്ടിയ ശീട്ടെ എടുത്തു പോടുങ്കമ്മാ ” തത്തയോട് പറഞ്ഞു

തത്ത കൂട്ടിൽ നിന്നും പുറത്തിറങ്ങി

എന്നിട്ട് ചിലച്ചു ചിറകടിച്ചു കൊണ്ട് ഒരു ചീട്ട് എടുത്തു

എന്നിട്ടു വീണ്ടും ശബ്ദമുണ്ടാക്കി ആ  കൂട്ടിലേക്ക് കയറി

ആ കുട്ടി  ആ ചീട്ടു തുറന്നു

“അണ്ണാ,,,നാൻ ഉങ്കളോട്  ഒരു വാര്‍ത്തൈ  കേക്കട്ടുമാ”

“ഹും ,,, ചോദിച്ചോ ” വലിയ ശ്രദ്ധയൊന്നും കൊടുക്കാതെ അവ൯ പറഞ്ഞു

“നീങ്ക ഇപ്പോ തേടികൊണ്ടിരുക്കരുത് ഒരു ആൺ ഒരു പെൺ ,,,,ഇല്ലെയാ ?”

അത്ഭുതം കൊണ്ട് അവന്‍റെ കണ്ണൊക്കെ വിടർന്നു വന്നു

“അതേ,,, എന്‍റെ മനസിലിപ്പോ ഒരു ആണും പെണ്ണും തന്നെയാ”

“അണ്ണാ,, അവരു വന്ത് സിവനും പാര്‍വ്വതിയും പോലെയാ”

അവന് വല്ലാത്തൊരു ആകാംക്ഷ  നിറഞ്ഞു

“അതേ ,,എനിക്കങ്ങനെയൊക്കെ തന്നെയാ ,, എനിക്കവരെ കാണാന്‍ പറ്റുമോ ,,,എനക്കു അവരെ പാര്‍ക്കമുടിയുമാ?”

അവള്‍ തത്തയെ നോക്കി

തത്ത അവളെ നോക്കി ചിറകടിച്ചു പ്രത്യേകശബ്ദമുണ്ടാക്കി

“രുക്കുമണി ,,, ഇന്ത അണ്ണനുക്ക്  അവരെ പാര്‍ക്കമുടിയുമാ?” അവള്‍ ആ തത്തയോട് ചോദിച്ചു

തത്ത അവളെ നോക്കി ചിറകടിച്ചു ചിലച്ചു കൊണ്ടിരുന്നു

അവള്‍ മനുവിനെ നോക്കി

“മുടിയും അണ്ണാ  ,,, നിജമാ അവരെ സന്ധിപ്പോ൦ ,,,ഇത് കടവുൾ ഉൺമൈ ”

അവരെ എന്തായാലും കാണും എന്ന് അയാൾ ഉറപ്പായി പറഞ്ഞത് കേട്ട് മനു ആകാംഷയോടെ അയാളോട് ചോദിച്ചു

“എപ്പടി ,,,എപ്പടി ഉങ്കളുക്ക് തെരിയും ?”

“എനക്ക് ,,,ഒന്നുമേ തെരിയാത്  ,,ആനാ ,,എൻ റുക്ക്‌മണിക്കു എല്ലാമെ തെരിയും,,എന്‍ രുക്കുമണി കടവുളോടെ  കിളി  ,,  അതിനാലെ താൻ ഇന്ത ശീട്ട് ഇവൾ ഉങ്കളുക്കാകെ എടുത്തെ കൊടുത്താര്  ,,,”

എന്ന് പറഞ്ഞു ആ കുട്ടി തത്ത യെടുത്ത ചീട്ടു അവനു നേരെ കാണിച്ചു

ആശ്ചര്യത്തിന്‍റെ പരകോടിയിൽ എന്ന പോലെ ആ ചിത്രം കണ്ട് അവൻ വേഗം എഴുന്നേറ്റു

സ്വയമറിയാതെ  തലയ്ക്ക് കൈ കൊടുത്തു പോയി

ആ ചിത്രം എല്ലാം അവനോടു പറഞ്ഞിരുന്നു

 

 

പാർവ്വതിയും ശങ്കരനും

സാക്ഷാൽ ഉമാമഹേശ്വര൯മാർ