അപരാജിതന്‍ 20 [Harshan] 10038

അവന്‍റെ കാറിനു നേരെ ഹോട്ടൽ ബോർഡ് കാണിച്ചു

അവൻ കൈ കൊണ്ട് എവിടെയെന്നു ചോദിച്ചപ്പോൾ അയാൾ കൈചൂണ്ടി ഹോട്ടൽ കാണിച്ചു കൊടുത്തു

“വല്ലതുമൊക്കേ കഴിക്കൂ ചേട്ടാ , കാറ്റടിച്ചാ ഒടിഞ്ഞു പോകുമല്ലോ”

അവന്‍ അയാളോട് ചിരിച്ചു കൊണ്ട് പറഞ്ഞു

മെലിഞ്ഞ സെക്യൂരിറ്റി അത് കേട്ടു തലയാട്ടി ചിരിച്ചു

അവൻ വേഗം വണ്ടി റൈറ്റ് തിരിച്ചു ഹോട്ടലിലിന്‍റെ ഭാഗത്തേക്ക് കയറി

അവിടെ പാർക്ക് ചെയ്തു

ഉള്ളിലും പുറത്തും ഇരുന്നു കഴിക്കാൻ ഉള്ള സൗകര്യ൦ ഉണ്ട്

അവിടെ അവൻ പുറത്തിരുന്നു

വെയിറ്റർ വന്നു എന്താണ് വേണ്ടത് എന്ന് ചോദിച്ചു ?

അവൻ തണുത്ത ഫ്രൂട്ട് ജ്യൂസ് പറഞ്ഞു

അതും രണ്ടെണ്ണം

അയാൾ ഓർഡർ എടുത്തു ഉള്ളിലേക്ക് പോയി

ഒരു പത്തു മിനിട്ടു കൊണ്ട് അവനുള്ള ജ്യൂസ് കൊണ്ട് വന്നു

അവൻ അതും കുടിച്ചു

ബില്ലും പേ ചെയ്തു അവിടെ നിന്നും കാർ എടുത്തു

കാറും കൊണ്ട് റോഡിലേക്കു കടന്നപ്പോൾ സെക്യൂരിറ്റി അവനെ നോക്കി നെറ്റിയിൽ കൈവെച്ചു സലൂട്ട് കാണിച്ചു

അവനാ കാണിക്കുന്നത് കണ്ടു ചിരിവന്നു പോയി

അവൻ വണ്ടി ഇടത്തേക്ക് തിരിച്ചു

അല്പം മുന്നോട്ടു കൊണ്ടുപോയി

അതെ ശിവകാമിയമ്മൻ കോവിലിനു മുന്നിൽ കൊണ്ട് വന്നു കാർ ഇട്ടു

എന്നിട്ടു പുറത്തേക്കിറങ്ങി

അവിടെയൊരു ആൽമരം ഉണ്ടായിരുന്നു

അവിടെ വന്നുനിന്നു

ബാലുച്ചേട്ടനെയും കാത്തുകൊണ്ട്

നാലുമണി ആയി

അവൻ ചുറ്റും നോക്കുകയാണ്

ബാലുച്ചേട്ടന്‍റെ കാർ കാണുന്നെ ഇല്ല

അവൻ റോഡിലേക്കിറങ്ങി നിന്നു

അപ്പോളേക്കും വെയിൽ അൽപ്പം ചാഞ്ഞിരുന്നു

മനു , ഫോണ്‍ എടുത്തു ബാലുവിനെ വിളിച്ചു

ഭാഗ്യത്തിന് ഫോണ്‍ റിങ്ങ് ചെയ്യുന്നുണ്ട്

അല്പം കഴിഞ്ഞപ്പോ ബാലു ഫോണ്‍ എടുത്തു

“എന്‍റെ പൊന്നു ബാലുചേട്ടാ , എവിടെയാ ?”

“ഞാന്‍ വരാണ് ,പത്തുമിനിറ്റ് ”

അവന്‍ ഫോണ്‍ എടുത്തു ഡിസ്പ്ലേ യില്‍ നോക്കി

ഇത് ബാലുചേട്ടന്‍ തന്നെയല്ലേ എന്നറിയാന്‍ ,,കാരണം ശബ്ദമാകെ മാറിയിരിക്കുന്നു ”

“ബാലുചേട്ട ,,,”

“ആ ,,,പറഞ്ഞോ മനു ”

“ഇതെന്താ ,,ശബ്ദമൊക്കെ ,,,ഒരു വല്ലാത്ത പോലെ ,,മുന്‍പത്തെ ആ മുഴക്കവും ബാസും ഒക്കെ എവിടെ ?”

സംശയതോടെ അവന്‍ ചോദിച്ചു

“അത് തൊണ്ട ശരിയല്ലെടാ ,,അതോണ്ടാ ,,,,,”

“ആണോ ,,,എന്ന ഞാന്‍ ഇവിടെ ഈ ആലിഞ്ചുവട്ടില്‍ നില്‍ക്കുന്നുണ്ട് ,, ”

പെട്ടെന്നു ബാലു ഫോണ്‍ ഡിസ്കണക്ട് ചെയ്തു

എന്നിട്ട് കാറില്‍ കയറിയിരുന്നു

മെല്ലെ കണ്ണുകളടച്ചു

അറിയാതെ മയക്കത്തിലേക്ക് വീണുപോയി

അല്പം കഴിഞ്ഞു കാറിന്‍റെ ചില്ലില്‍ മുട്ടുന്ന കേട്ടാണ് അവന്‍ കണ്ണു തുറന്നത്