അപരാജിതന്‍ 20 [Harshan] 10041

എല്ലാ ദിവസവും മനുവും അനുപമയും ഫോണ്‍ വിളികളുമായൊക്കെ മുന്നോട്ട് പോയികൊണ്ടിരുന്നു , ഇരുവര്‍ക്കും ഒരേ സമയം ഒരേ മനസ് തന്നെയായിരുന്നു , പ്രത്യേകിച്ചും ബാലുച്ചേട്ടനെ കുറിച്ച്,

അനുപമ എന്നും പ്രാര്ഥനയായിരുന്നു ബാലുച്ചേട്ടൻ പെട്ടെന്ന് വരുവാൻ വേണ്ടി.

അന്ന് രാത്രി മനുവും അനുപമയും ഫോണിൽ സംസാരിക്കുകയായിരുന്നു

“മനുവേട്ടാ ,,,”

“പറ അനു ”

“നമ്മളിപ്പോ കുറെ ആയില്ലേ ഈ കഥ കേൾക്കുന്നു ”

“അതെ ”

“നമുക്കൊന്ന് റീവൈൻഡ് ചെയ്യണ്ടേ ”

“വേണോ ,,,”

“വേണോന്നു ചോദിച്ചാ ,, നമുക്കൊരു റൂട്ട് ക്ലിയർ ആക്കാൻ വേണ്ടി മാത്രമാ ,,എന്‍റെ മനസിൽ തോന്നിയ കാര്യങ്ങളാ”

“ആ എന്ന പറഞ്ഞോ ,, ”

“അപ്പുവേട്ടൻ പാലിയത്ത് നിന്നും ഇറങ്ങി കഴിഞ്ഞിട്ടാണ് നമ്മുടെ കഥയിലേക്ക് ശിവശൈലത്തെ സാധുക്കളെ കുലോത്തമൻ ഉപദ്രവിക്കുന്നതും അവർ മരിക്കാൻ പോകുന്നതും അഘോരിസ്വാമി വന്നു നൂറ്റിഎട്ടു ദിവസങ്ങൾക്കകം അടിമത്വത്തില്‍ നിന്നും മോചിപ്പിക്കപ്പെടും എന്ന് പറഞ്ഞതും ”

“അതെ ,,,,അങ്ങനെയാണ് അനു ”

“നമ്മൾ കഥ കേൾക്കുന്നത് ഒറ്റയടിക്കല്ല ,, കാരണം ഇടയ്ക്കു ബാലുചേട്ടൻ യാത്രപോകുന്നതൊക്കെ  കൊണ്ടാണ് ,,, പക്ഷെ ഇതിനിടയിൽ ഒരുപാട് സംഭവങ്ങൾ നടന്നിട്ടുണ്ട് ,,അപ്പുവേട്ടൻ മാലിനീ കൊച്ചമ്മയെ രക്ഷിച്ചിട്ടുണ്ട് ,  ശ്യാം ചേട്ടനെ തീപിടിത്തത്തിൽ നിന്നും രക്ഷിച്ചിട്ടുണ്ട് ,, ഫോട്ടോ ഷൂട്ട് ചെയ്തിട്ടുണ്ട് ,,ജീപ്പ് വാങ്ങിയിട്ടുണ്ട് ,,  നാഗമണി കിട്ടിയിട്ടുണ്ട് ,,കള്ളസ്വാമിയേ പാമ്പുകൾ കൊത്തി കൊന്നിട്ടുണ്ട് ,, അപ്പുവേട്ടൻ കാട്ടിലെ അമ്പലത്തിൽ മഹാദേവന്‍റെ തേജസ് കണ്ടിട്ടുണ്ട് ,, പിന്നെ പാറുവിന്‍റെ നിശ്‌ചയം കഴിഞ്ഞിട്ടുണ്ട് ,, ലക്ഷ്മി ‘അമ്മ സ്വപ്നത്തിൽ വരാതെ ഇരുന്നിട്ടുണ്ട് ,,ശൈവിക് ബ്രാഹ്മി ലിപി കണ്ടെത്തിയിട്ടുണ്ട് ,, മിഥിലയിൽ വന്നിട്ടുണ്ട് ,, അവിടെ യക്ഷിയെ തളച്ചിട്ടുണ്ട് ,, കാളയെ കീഴ്പെടുത്തിയിട്ടുണ്ട് ,,കറുവാടികളെ കൊന്നിട്ടുണ്ട് ,,ഉപനയനം നടന്നിട്ടുണ്ട് ,, അതുപോലെ തിരുശിവതിരുമരം എന്ന കൂവളവുമായി ബന്ധപ്പെട്ട എന്തോ ഒന്നിന്‍റെ രഹസ്യമാണ് കയ്യിലുള്ള താക്കോൽ എന്ന് മനസിലാക്കിയിട്ടുണ്ട് ,   ഗുരുനാഥനും പുലി സ്വാമിയും ആയോധനകലകൾ അഭ്യസിപ്പിച്ചിട്ടുണ്ട് ,, ഒടുവിൽ ശിവശൈല൦ ആണ് തന്‍റെ രക്തത്തിന്‍റെ ആരംഭമെന്നു മനസിലാക്കി ശിവശൈലത്തേക്ക് ലക്ഷ്യമാക്കി പോകുകയാണ് അപ്പുവേട്ടൻ ”

“അതെ ,,,,കറക്ടാണ് “”

“പക്ഷെ ഇതിനിടയിൽ ,, കാലകേയൻ ആ പെൺകുട്ടിയെ കത്തിച്ചു കൊല്ലുന്നു ,, ഒരു യതീന്ദ്രൻ ചേട്ടൻ ചാര്ജെടുക്കുന്നു ,, ആ കുട്ടിയുടെ അച്ഛനും അമ്മയും ആത്മഹത്യ ചെയ്യുന്നു ,, ശിവാനിയെ ഉപദ്രവിക്കാൻ വന്നവരെ കാള കുത്തികൊല്ലുന്നു  പിന്നെ ചാരുലത അനുഭവിക്കുന്ന പീഡനങ്ങൾ ,,  അമ്രപാലി കാണുന്ന സ്വപ്നങ്ങൾ ,, ഗന്ധ൪വ്വക്ഷേത്രത്തിലെ പൂജ ,, പിന്നെ കലാഹികളെ കൊണ്ടുപോകാൻ കുലോത്തമൻ നാഗാലാ‌ൻഡ് പോകുന്നു ,, ഇന്ദുവിനെ മാവീരൻ ഉപദ്രവിക്കുന്നു ,, എന്തോ ഉടമ്പടിയുടെ പേര് പറഞ്ഞു ആയി തള്ള മക്കളെ പ്രതികാരം ചെയ്യാൻ തടയുന്നു ,,

പിന്നെ ,, പിന്നെ ,,, ശിവശൈലം ഒഴിപ്പിക്കാൻ ഉള്ള സൂര്യസേനന്‍റെ ശ്രമങ്ങൾ ,, അവരുടെ ബുദ്ധിമുട്ടുകൾ ,,ചാരുലതയുടെ അമ്മമ്മയുടെ സങ്കടങ്ങൾ , ശിവാനിയുടെയും ശങ്കരന്‍റെയും സങ്കടങ്ങൾ , ചാരുവിനെ ഉപദ്രവിക്കാൻ വന്ന താളക൯ ഇടിവെട്ട് കൊണ്ട് മരിക്കൽ ,,അതേപോലെ പ്രധാനപെട്ട ആൾ ആണ് ചുടലചേട്ട൯ ,,, അതുപോലെ സ്വാമി അയ്യാ അപ്പൂപ്പന്‍റെ ഗുരുനാഥൻ ഇപ്പോ എവിടെ ആണെന്നറിയില്ല .,,.അതേപോലെ ആ നന്ദികേശ്വരനെന്ന കാള ശാംഭവി നദിയിലേക്ക് പോയി മറഞ്ഞു ,, അമ്രപാലി ശിവനിലേക്ക് അടുക്കുന്നു ,, ഒപ്പം അവൾ വരഞ്ഞെടുത്ത ചിത്രത്തിലെ അപ്പുവേട്ടനോട് പകയും ,, അതിനിടയിൽ പാറുവേച്ചിയുടെ ആരും കാണാത്ത നൃത്തം , ജ്വാലാമുഖി  അല്ലെ ,,,,,,,,,,മനുവേട്ടാ ,,”

“അതെ , അതെ ,,,”

“മാത്രവുമല്ല ,, അപ്പുവിന് ഇപ്പോൾ എതിരിടാനുള്ളത് ,, സൂര്യസേനൻ , കാലകേയനും സഹോദരങ്ങളും  , പിന്നെ രാക്ഷസ൯മാരായ മിഹിരൻമാർ , കലാഹികൾ , മാവീരൻ , തിമ്മയ്യൻ , കുലോത്തമൻ , പോലീസുകാരൻ ഗുണശേഖരൻ , മുത്യരമ്മ, എന്തിനു അമ്രപാലി പോലും ,,, അല്ലെ ”

“അനൂ  ,,, അപ്പു ഒറ്റയ്ക്കാണ് ,,, പക്ഷെ അപ്പുവിന്‍റെ കൂടെ എന്തായാലും ചുടല സ്വാമി ഉണ്ടാകുമെന്നുറപ്പാണ് ”

“അപ്പുവേട്ടന് ,,നാരായണൻ ആ യുദ്ധമത്സരങ്ങളിൽ തോൽക്കാതെ ഇരിക്കണം ,, ശിവശൈലത്തെ സാധുക്കളെ അടിമത്വത്തിൽ നിന്നും മോചിപ്പിക്കണം ,,പിന്നെ അപകടത്തിൽ ആകുന്ന പാറുവിനെ സംരക്ഷിക്കണം ,  സൂര്യസേനനെ ഒതുക്കണം ,, ബാക്കിയുള്ള ശത്രുക്കളെ ഒക്കെ പീസാക്കണം ,,,അപ്പൊ വലിയ ഒരു ടാസ്ക് തന്നെയാണ് ,,, പക്ഷെ മറന്നു പോയ രണ്ടു കാര്യങ്ങൾ കൂടെ ഉണ്ട് ,, കുവലയൻ എന്ന കുതിര രക്‌തദന്തൻ എന്ന ആന ,, ഇതൊക്കെ ഈ കഥയിൽ ഒരുപാട് പ്രധാന്യം ഉള്ളവർ ആണ് ,, ”

“അനു ,,,ഒരു കാര്യം ഒരു സംശയം പോലുമില്ലാതെ പറയാം ,, അപ്പു ഇതെല്ലാം ഭംഗിയായി തീർത്തിട്ടുണ്ട് , കാരണം അവന്‍റെ കൈയിൽ നാഗമണിയും അതുപോലെ അഭ്യസിച്ച വിദ്യകളും പിന്നെ മഹാദേവന്റെയും നാരായണന്‍റെയും അനുഗ്രഹങ്ങളും ഉണ്ടാകും ,, പക്ഷെ അതെങ്ങനെയാണ് അപ്പു ചെയ്തു തീർത്തത് എന്നറിയാനാ എനിക്കിപ്പോ ഒടുക്കത്തെ ക്യൂരിയോസിറ്റി ,,”

“എനിക്കും അതെ ,,, മനുവേട്ടാ ,,, ആ ബാലുച്ചേട്ടൻ ഒന്ന് വേഗം വന്നിരുന്നെകിൽ ,, ഞാനിപ്പോ അതാ പ്രാർത്ഥിക്കുന്നത് ,,,അതുപോട്ടെ മനുവേട്ടാ ,,,ചിന്നു ചേച്ചിയുടെ ഫോൺ എങ്ങാനും വന്നിരുന്നോ ?

“ഇല്ല ,,,ഞാൻ പലവട്ടം വിളിച്ചിരുന്നു ,, പക്ഷേ  ആ നമ്പ൪ സ്വിച് ഓഫ് ആണ് ”

“മനുവേട്ടാ ,,അപ്പോ ആ നമ്പർ ചിന്നുവെച്ചിയുടെ സ്പെയർ നമ്പർ ആയിരിക്കും ,, ഒറിജിനൽ നമ്പർ വേറെ എന്തെങ്കിലുമാകാനാണ് സാധ്യത ,,”

‘എനിക്കും അതുതന്നെയാ തോന്നുന്നേ ,,, എന്തൊക്കെയോ രഹസ്യങ്ങൾ ഇവർ സൂക്ഷിക്കുന്നുണ്ടാകും ,, അതായിരിക്കും ,,ആ ,,,എന്തായാലും ബാലുചേട്ടൻ വരട്ടെ ,,,കാത്തിരിക്കാം അല്ലെ അനു ”

“അതെ ,,മനുവേട്ടാ ,,,,നമുക് കാത്തിരിക്കാം ,,അതല്ലേ ഉള്ളു വഴി ”

<<<<<<<O>>>>>>