അനുരക്തി✨ PART-05 [ȒὋƝᾋƝ] 508

രാവിലെ അല്പം വൈകിയാണ് ഞാൻ ഉറക്കമ്മുണർന്നത്. എണീറ്റശേഷം വാച്ചിൽ നോക്കുമ്പോൾ സമയം 9 മണിയായിട്ടുണ്ടാരുന്നു. ഇത്രയും നേരം കിടന്നോയെന്ന് വിചാരിച്ചു ഞാൻ പെട്ടെന്ന് തന്നെ എണീറ്റു. അവൾ കിടന്ന റൂമിലേക്ക് നോക്കുമ്പോൾ റൂമിലെ വാതിൽ തുറന്ന് കിടക്കുന്നുണ്ടായിരുന്നു. ഞാൻ ചെന്ന് റൂമിൽ നോക്കിയപ്പോൾ അവളെ അവിടെ കണ്ടില്ല. പിന്നെ ബാത്റൂമിലും കൂടി നോക്കി, അവിടെയും കണ്ടില്ല….

വീണ്ടും പറയാതെ പോയോയെന്ന് വിചാരിച്ചിരിക്കുമ്പോൾ നിള ബാൽക്കണിയിൽ ഇരിക്കുന്നത് കണ്ടത്…

അത് കണ്ടപ്പോലെന്റെ മനസ്സിൽ അൽപ്പം സന്തോഷം തോന്നി. വേഗം തന്നെ ഒരു കോഫിയുണ്ടാക്കി അത് അവളുടെ അടുത്ത് കൊണ്ടു വെച്ചു. അവളോട് ഒന്നും മിണ്ടാതെ തിരികെ വന്ന് ഒന്ന് ഫ്രഷ് ആവാനായി ഞാൻ ബാത്റൂമിൽ കയറി.