അനാർക്കലി – 1 19

നീ പോയി മണ്ഡപത്തിൽ ഇരിക്ക് പെണ്ണേ…
ഞാനിവിടെയിരുന്ന് നിന്റെ മാര്യേജ് കണ്ടോളാം… എന്റെ മനസ്സിൽ കേട്ടോടീ
വർഷ എന്തെങ്കിലും പറയും മുൻപേ ശ്രുതി വേഗം കോൾ കട്ട് ചെയ്തു.
താൻ പൊട്ടിക്കരഞ്ഞു പോകുമെന്ന് തോന്നിയപ്പോൾ അവൾ റെസ്റ്റ് റൂമിലേക്ക് നടന്നു. തണുത്ത വെള്ളത്തിൽ മുഖം കഴുകിയപ്പോൾ ശ്രുതിക്ക് വല്ലാത്ത ആശ്വാസം തോന്നി. മുഖം പഴയ പടിയാക്കി പുറത്തേക്ക് ഇറങ്ങുമ്പോഴാണാ വിളി….
ശ്രുതീ……
അവൾ തിരിഞ്ഞു നോക്കി.അറിയാതെ അവളുടെ മുഖം മങ്ങി.
മുന്നിൽ നിൽക്കുന്നയാളെ അപ്പോഴവിടെ
കാണാൻ അവളൊട്ടും ആഗ്രഹിച്ചിരുന്നില്ല.
“ക്രിക്കറ്റ് ബാറ്റ് കൊണ്ട് അർജുൻ ഒരു യുവാവിനെ ആഞ്ഞടിക്കുന്നത് അവളുടെ മനസിൽ തെളിഞ്ഞു”
“ആദി….അവൾ പതിയെ പറഞ്ഞു
“ഓ…അപ്പോ എന്നെ മറന്നിട്ടില്ല അല്ലേ?? ആദി അവളോട് ചോദിച്ചു
“എങ്ങിനെ മറക്കും? ശ്രുതി പെട്ടെന്ന് ചിരിച്ചു കൊണ്ട് ചോദിച്ചു
“മുറിവിന്റെ പാട് പോലും മായും മുൻപേ അങ്ങനങ്ങു മറക്കാൻ പറ്റുമോ?”
ഓ…ഹ് ആദി ചിരിച്ചു കൊണ്ട് നെറ്റിയിലെ മുറിവിന്റെ പാടിൽ വിരലോടിച്ചു.
എനിവേ…. നൈസ് മീറ്റിങ് യു എഗൈൻ ശ്രുതീ…. കോളേജിൽ നിന്നും പോന്നു കഴിഞ്ഞിട്ട് ആദ്യമായ്ട്ടാ നമ്മൾ കാണുന്നത്…. ആദി അവളുടെ കൈ പിടിച്ചു കൊണ്ട് പറഞ്ഞു.
അതേ…. ആഫ്റ്റർ ലോങ് ടൈം… ശ്രുതി ചിരിച്ചു.
അതിരിക്കട്ടെ ശ്രുതി എവിടേക്കാണ്?