അകലെ 7 [Rambo] 1847

“‘ഹാ…അന്ന് പത്തില് പടിക്കുമ്പോ..കണക്കിന്റെ ടീച്ചർ പ്രസവത്തിന് പോയി…

അങ്ങനെ കുറെ ദിവസം പകരക്കാരെ കിട്ടാണ്ടായപ്പോ ഒരു msc മാത്‌സ് കഴിഞ്ഞ സർ വന്നു..ഗസ്റ്റ് ആയി…

ഹോ…എന്നാ പറയാനാ…മുടിഞ്ഞ ഗ്ലാമറായിരുന്ന്..””

“”ഏഹ്…എന്നിട്ടിഷ്ടം പറഞ്ഞോ???””

തെല്ലൊരാശങ്കയോടെ ഞാനത് ചോദിച്ചു..

“”നില്ലെടാ…ഞാനൊരു ഫ്ലോയിലങ്പറഞ്ഞു വരുമ്പോ എടേ കേറാതെടാ പൊട്ടാ..””

“”ഓഹ്..എന്ന പറ ഒന്ന്””

”””എന്നിട്ടെന്താ..പിന്നീടൊറ്റ ദിവസമ്പോലും ഞാൻ ലീവാക്കാണ്ട് പോയി…മൂപ്പർടെ ക്ലാസ്സിൽ നല്ലോണം ശ്രദ്ദിച്ചിരിക്കാനുമായിരുന്നു ആദ്യ ശ്രമം…പിന്നെ മൂപ്പരുടെ ശ്രദ്ധ പിടിച്ച് പറ്റാനായി…

അങ്ങനെ സർ തരുന്ന എല്ലാ വർക്കും എന്നും ചെയ്തു കൊണ്ടുവെക്കും…

എന്നിട്ടൊരിക്കെ അങ്ങേര് പിറ്റേന്ന് വരൂല ന്നും പറഞ്ഞു രണ്ടുമൂന്ന് കണക്ക്‌ തന്നേച്ചും പോയി…..””

“”എന്നിട്ട് മിസ് എന്ന ചെയ്തേ…???””

“”ഇനിയെടെ കേറിയ..സത്യായും ഞാമ്പറയൂല…

എന്നെക്കാളും ആകാംക്ഷ നിൻക്ക് ആണല്ലോ…””

അതും പറഞ്ഞു മുഖം വീർപ്പിച്ചോണ്ട് നിൽപ്പാണ്….

എന്നേം നോക്കിക്കൊണ്ട്..!!!