അകക്കണ്ണ് – 1[**SNK**] 195

അമ്മ: നിങ്ങളിങ്ങനെ തല്ലു കൂടല്ലേ

കുഞ്ചു: (വിഷമത്തോടെ) ഏട്ടന് നമ്മളോട് ഒരു സ്നേഹവുമില്ല; അതോണ്ടല്ലേ ഇങ്ങനെ വിഷമിപ്പിക്കുന്നത്. ഒരു മരുമോളെ വേണം എന്നില്ലേ വല്യമ്മക്ക്, ഞാനും കൊതിക്കുന്നുണ്ട് ഒരു ചേച്ചിയുടെ സ്നേഹം . ഏട്ടനതൊന്നും അറിയണ്ടല്ലോ ….

ഞാൻ: ഹാ നീ ഇങ്ങനെ വിഷമിക്കല്ലേ; നിനക്കെല്ലാം അറിയുന്നതല്ലേ ?

കുഞ്ചു: എന്ന് വച്ച് ദേവദാസ് ആവാനാണോ ഏട്ടന് പ്ലാൻ ?

ഞാൻ: (വിഷമത്തോടെ) എനിക്കറിയില്ല മോളേ, എന്താ വേണ്ടത് എന്ന് ? നിങ്ങളുടെ ഒക്കെ സങ്കടം എനിക്കറിയാം, പക്ഷേ …….

കുഞ്ചു: ഒരു പക്ഷേയുമില്ല, ഏട്ടൻ ഒന്നും അറിയണ്ട; എൻ്റെ ഏടത്തിയെ ഇന്ന് കാണിച്ചു തന്നോളണം

ഞാൻ: എനികിഷ്ടപെടുന്ന ആരും ആ കൂട്ടത്തിലില്ലെങ്കിലോ ?

കുഞ്ചു: രാവിലെ തന്നെ ഇങ്ങനെ നെഗറ്റീവ് അടിക്കല്ലേ ചേട്ടാ …..

അമ്മ: അല്ല മോളെ, എപ്പോഴാ ബ്രോക്കർമാരു വരുന്നത് ?

കുഞ്ചു: പത്തു മണിയാവുമ്പോഴേക്കും വരും എന്ന അച്ഛൻ പറഞ്ഞത്

ഞാൻ: എന്നിട്ടു ഈ അച്ഛൻ എവിടെ ?

കുഞ്ചു: അച്ഛനും അമ്മയും ഇപ്പൊ ഇങ്ങോട്ടു വരും; ഇന്നത്തെ ഫുഡ് ഇവിടെ നിന്നാ ….

അമ്മ: എന്നാ ഞാൻ ദേവുനോട് പറഞ്ഞിട്ട് വരാം, അവർക്കു കൂടി ഉണ്ടാക്കാൻ

കുഞ്ചു: അതൊക്കെ ഞാൻ പറഞ്ഞു വല്യമ്മേ

അമ്മ: ആണോ, നന്നായി ….

അങ്ങനെ അവരു തമ്മിൽ ഓരോന്ന് പറയാൻ തുടങ്ങി, അപ്പോഴാണ് ഗേറ്റ് തുറന്നു രാധിക കുഞ്ഞമ്മയും ഉണ്ണി മാമനും വരുന്നത്

ഞാൻ: ആ വന്നല്ലോ വനമാല

ഉണ്ണിമാമ: വന്നടാ വന്ന് …

ഞാൻ: എന്നാലും രാധു എന്നോടീ ചതിചെയ്യും എന്ന് കരുതിയില്ല

രാധു: എൻ്റെ മോൻറെ നല്ലതിനാ എന്ന് കരുതിയാ മതി