അകക്കണ്ണ് – 1[**SNK**] 195

ഞാൻ: എന്താടി ?

കുഞ്ചു: ജോലി ഗൂഗിളും വായിക്കുന്നത് മാതൃഭൂമിയും

ഞാൻ: അതെന്താടി കുഞ്ഞു ഗൂഗിളിലുള്ളവർക്കു മാതൃഭൂമി വായിക്കാൻ പാടില്ലേ ?

കുഞ്ചു: എൻ്റെ ഏട്ടാ, മാതൃഭുമിയിലുള്ളവർ പോലും ഫുൾ ടൈം ഗൂഗിളിലായിരിക്കും …..

ഞാൻ: അത് പോട്ടേ, നീ എന്താ ഇത്ര കാലത്തു ഇങ്ങോട്ടു, നിനക്ക് പഠിക്കാനൊന്നും ഇല്ലേ ?

കുഞ്ചു: ദേ ഒരു മാതിരി ടിപ്പിക്കൽ ഏട്ടന്മാരുടെ സ്വഭാവം എൻ്റെ കുട്ടന് ചേരില്ല ….

ഞാൻ: അതല്ലടി കുഞ്ചു, പരീക്ഷ അടുക്കാറായില്ലേ? കൊറോണ കാരണം നേരാം വണ്ണം ക്ലാസ്സും എടുത്തിട്ടില്ല, പിന്നെ മാർക്ക് കുറഞ്ഞാൽ നമ്മുടെ ഇഷ്ടത്തിന് അലോട്ട്മെന്റ് കിട്ടാൻ പാടാവും മോളു …..

കുഞ്ചു: അതോർത്തു എന്റേട്ടൻ ടെൻഷൻ അടിക്കേണ്ട; ഏട്ടനെ പോലെ ഒരു എഞ്ചിനീയർ ആവാൻ ഉള്ളതാ എനിക്ക്, അതുകൊണ്ടു തന്നെ പഠിത്തത്തിൽ നോ കോമ്പ്രോമിസ് ….

 

അപ്പോഴേക്കും ഞങ്ങളുടെ സംസാരം കേട്ട് അമ്മയും അങ്ങോട്ട് വന്ന് അടുത്തുള്ള കസേരയിലേക്കിരുന്നു.

 

അമ്മ: എന്നിട്ടാണോ രാവിലെ ഇരുന്നു പഠിക്കുന്നതിനു പകരം ഇങ്ങോട്ടു ഓടിപ്പോന്നത് ?

കുഞ്ചു: എൻ്റെ വല്യമേ; I am on a mission

ഞാൻ: എന്ത് മിഷൻ

കുഞ്ചു: അതോ, എൻ്റെ ഈ പുന്നാരയേട്ടൻ എങ്ങോട്ടും മുങ്ങാതെ നോക്ക;  that’s my mission for the day ……….

അമ്മ: അതെന്തിനാ ?

കുഞ്ചു: അതോ; ഞായറാഴ്ചകളിൽ എൻെറ ഏട്ടനൊരു കറക്കമില്ലേ, അതൊഴിവാക്കാൻ; പിന്നെ ……….

ഞാൻ: പിന്നെ …..

കുഞ്ചു: പിന്നെ ഒരു ടോപ്പിക്ക് എടുക്കുമ്പോൾ ഉള്ള ഒരു മുങ്ങൽ ഇല്ലേ, അതും ഒഴിവാക്കാൻ

അമ്മ: എന്ത് ടോപ്പിക്ക്

കുഞ്ചു: അതോ, രണ്ടു കൊല്ലം മുമ്പ് നഷ്ട്ടപെട്ട ഈ വീടിന്റെ സന്തോഷം തിരിച്ചു കൊണ്ടുവരാൻ ഒരു മാലാഖയെ കൊണ്ടു വരുന്ന കാര്യം

ഞാൻ: മാലാഖയോ ?

കുഞ്ചു: ആ; എൻ്റെ ഏട്ടനെ പൊന്നു പോലെ നോക്കുന്ന എൻ്റെ ഏടത്തിയമ്മ എനിക്കെന്നും ഒരു മാലാഖയായിരിക്കും ….

ഞാൻ: അതൊന്നും നടക്കില്ല മോളെ ………

കുഞ്ചു: ഞങ്ങള് നടത്തും മോനേ ………

ഞാൻ: നീ ഇന്ന് എൻ്റെ കെട്ട് നടത്താൻ പൂവാണോ ?

കുഞ്ചു: കെട്ട് ഇന്ന് ഏതായാലും ഇല്ല, അതെൻറെ പരീക്ഷ തീയതി നോക്കിട്ടു തീരുമാനിക്കാം. ഇന്ന് നമുക്ക് പെണ്ണിനെ തീരുമാനിക്കണം ….