അകക്കണ്ണ് – 1[**SNK**] 195

 

അമ്മ: എൻ്റെ മോള് പറഞ്ഞ പോലെ, മുറി റെഡി ആകാത്തത് കൊണ്ട് അവൻ വരുന്നതിനനുസരിച്ചു രണ്ടായ്ച്ച കഴിഞ്ഞുള്ള ഒരു മുഹൂർത്തം നോക്കിക്കോട്ടെ ?

അച്ഛൻ: അല്ല ഇത്ര പെട്ടെന്ന് വേണോ ?

അമ്മ: വേണം; ഞാൻ കണ്ണിലെണ്ണ ഒഴിച്ച് കാത്തിരിക്കാൻ തുടങ്ങിയിട്ട് ഒരു പാട് നാളായി . ഇനിയും നീട്ടി കൊണ്ട് പോകാൻ വയ്യ. എന്താവശ്യത്തിനും ഞങ്ങളുണ്ടാകും; എനിക്കെന്റെ മോളേ ഇനി കാണാണ്ടിരിക്കാൻ പറ്റില്ല. ഇതൊരു അപേക്ഷയായി കാണണം.

അച്ഛൻ: അയ്യോ …. അതൊന്നും വേണ്ടാ; നിങ്ങളുടെ ഇഷ്ട്ടം പോലെയാകട്ടെ. ഏറ്റവും അടുത്ത മുഹൂർത്തം തന്നെ നോക്കാം. ഈ പുഞ്ചിരി എൻ്റെ മോളുടെ മുഖത്തെന്നും ഉണ്ടായാൽ മാത്രം മതി.

അമ്മ: ആ ഉറപ്പു ഞാൻ തരുന്നു; ഈ കണ്ണ് നിറയാൻ ഇടവരില്ല, പൊന്നു പോലെ നോക്കിക്കോളാം .

അച്ഛൻ: വളരെ സന്തോഷം !!!!!

അമ്മാവൻ: അപ്പോ അങ്ങനെയാവട്ടെ, രണ്ടാഴ്ചക്കുള്ളിലെ നല്ല ഒരു മുഹൂർത്തം നോക്കി ഇന്ന് വൈകിട്ട് തന്നെ അറിയിക്കാം; അല്ലേ രാജാ ?

അച്ഛൻ: അങ്ങനെ ആയിക്കോട്ടെ ……

ഉണ്ണിമാമ: എന്നാ നമുക്കിറങ്ങിയാലോ ? വേറേ എന്തെങ്കിലും ഉണ്ടെങ്കിൽ വിളിച്ചാൽ മതി …..

അച്ഛൻ: ശരി

കുഞ്ചു: അതേ ഒരു മിനുട്ടു

കുഞ്ഞമ്മ: എന്തെടി ?

കുഞ്ചു: ഏട്ടനും നിങ്ങളെല്ലാവരും ഏട്ടത്തിയോട് സംസാരിച്ചു, ഏട്ടന്റെ ഒരേ ഒരു പെങ്ങളല്ലേ ഞാൻ; ഞാൻ ഒരു ചോദ്യം ചോദിച്ചോട്ടെ ?

അമ്മ: എന്താ മോൾക്ക് ചോദിക്കാൻ ഉള്ളത് ?

 

ഞങ്ങളെല്ലാവരും ആകാംഷയോടെ അവളുടെ മുഖത്തേക്ക് നോക്കി. അത് കണ്ടു അവൾക്കു കുഞ്ഞു പരിഭവം വരാൻ തുടങ്ങി. അത് മനസ്സിലാക്കിയ അമ്മ, ഒരു ചെറു പുഞ്ചിരിയോടെ ചോദിച്ചു

 

അമ്മ: പറയടാ മോളു, എന്താ മോൾക്ക് ചോദിക്കാൻ ഉള്ളത് ?

കുഞ്ചു: (ചെറു പരിഭവത്തോടെ) അത് …. അതിന്നലത്തെ സന്തോഷത്തിൽ ഈ അങ്കിളിനോട് ചോദിക്കാൻ മറന്നു, എനിക്കാരും പറഞ്ഞും തന്നില്ല, ഇവിടാരും വിളിച്ചും കേട്ടില്ല ……………;

ഏടത്തിയുടെ പേരെന്താ ?

****************************

തുടരും …..

****************************

അഭിപ്രായങ്ങളും നിർദേശങ്ങളും പറയാൻ മറക്കരുത്. ഹൃദയം ഒന്ന് ചുവപ്പിക്കാനും.