അകക്കണ്ണ് – 1[**SNK**] 195

ഉണ്ണിമാമ: എന്താ ഉദ്ദേശിച്ചത് ?

അച്ഛൻ: അല്ലാ … ബ്രോക്കർ പറഞ്ഞു കാണുമല്ലോ ? ഞങ്ങളുടെ ഇപ്പോഴത്തെ സാഹചര്യം കുറച്ചു മോശമാണ്. എന്ന് വച്ച് വെറും കൈയോടെ വിടും എന്നൊന്നും കരുതേണ്ട. എന്നെകൊണ്ട് ആകുന്നത് ഞാൻ ചെയ്യാം, കുറച്ചു സാവകാശം വേണം എന്ന് മാത്രം.

ഉണ്ണിമാമ: ചേട്ടൻ പറഞ്ഞതൊന്നും ഞങ്ങൾക്ക് വേണ്ട, പക്ഷേ ചേട്ടൻ ചോദിച്ചത് മാത്രം തരാനാണ് കുറച്ചു വിഷമം.

അച്ഛൻ: മനസ്സിലായില്ല !!!!

ഉണ്ണിമാമ മറുപടി പറയാൻ തുടങ്ങുമ്പോഴേക്കും അമ്മ എഴുന്നേറ്റു അവളുടെ അടുത്ത് ചെന്ന് അവളുടെ കൈ പിടിച്ചു തോള് ചേർത്ത് നിർത്തി പറഞ്ഞു

അമ്മ: നിങ്ങൾ കടം മേടിച്ചോ, വീട് വിട്ടോ പണയം വച്ചോ കിട്ടുന്ന ഒരു പൊന്നും പണ്ടവും ഞങ്ങൾക്ക് വേണ്ട. ഞങ്ങൾക്ക് വേണ്ടത് ഈ മോളെയാണ് എൻ്റെ മോൻറെ പെണ്ണായി. അതീനിമിഷം കൈപിടിച്ചു തന്നാൽ പൂർണ മനസ്സോടെ കൊണ്ടു പോവാൻ ഞങ്ങള് തയ്യാറാ … അല്ലേ മോനെ ?

ഞാൻ: അതേ, തരുവാണെങ്കിൽ ഇപ്പൊ തരണം നാളെ ഉച്ചക്ക് എനിക്ക് പോകാനുള്ളതാ; വരുമ്പോഴേക്കും ഒന്നര ആഴ്ച കഴിയും പിന്നെ അപ്പോഴേ കൊണ്ടുപോകാൻ പറ്റുള്ളൂ ……….

എൻ്റെ മറുപടി കേട്ട് അവൾക്കു നാണം വന്നു …. ബാക്കി എല്ലാവരും ഞങ്ങളെ കളിയാക്കി ചിരിച്ചു. കുഞ്ചു ഞാൻ പറഞ്ഞത് കേട്ട് ഞെട്ടി എൻ്റെ കയ്യിൽ പിച്ചി . പ്രതീക്ഷിക്കാതെ ഒരു പിച്ച് കിട്ടിയപ്പോൾ ഞാൻ ചെറിയ ശബ്‌ദം ഉണ്ടാക്കി കൈ വലിച്ചു, അത് കണ്ടു കുഞ്ഞമ്മ ചോദിച്ചു

കുഞ്ഞമ്മ: എന്തിനാടി അവനെ പിച്ചുന്നതു ?

കുഞ്ചു: അല്ല ഇന്നുതന്നെ കൊണ്ട് പോകുവാ എന്ന് പറഞ്ഞപ്പോ

കുഞ്ഞമ്മ: അതിനെന്താ ?

കുഞ്ചു: മുറി റെഡി ആകിയിട്ടില്ല

കുഞ്ഞമ്മ: എന്ത് ?

കുഞ്ചു: ഏടത്തിക്കു മുകളിൽ കയറാൻ ബുദ്ധിമുട്ടാവും എന്നുള്ളതോണ്ട് താഴത്തെ മുറി റെഡിയാകണം എന്ന് ഏട്ടൻ പറഞ്ഞിരുന്നു. അത് ശരിയാകാതെ കൊണ്ടുപോയാ ഏടത്തി എവിടെയാ കിടക്കാ ?

അനുപമ: അത് ശരി; ഏട്ടനും അനിയത്തിയും കൂടി അതുവരെ ചിന്തിച്ചു കൂട്ടിയോ, കൊള്ളാലോ !!!!

അത് കേട്ട് അവിടെ വീണ്ടും ഒരു കൂട്ടചിരിയുയർന്നു. ഇപ്രാവശ്യം നാണിക്കാൻ എനിക്കും കുഞ്ചുവിനും കൂടെ കൂടേണ്ടി വന്നു. ചിരി ഒന്ന് അടങ്ങിയപ്പോൾ അമ്മ പറഞ്ഞു ….