അകക്കണ്ണ് – 1[**SNK**] 195

ഞാൻ: നടന്നത് തന്നെ ………….

കുഞ്ചു: എന്താ നടക്കാതെ, ചേച്ചി വരട്ടേ, ചേച്ചിയേ കാണിക്കാതിരിക്കാൻ പറ്റില്ലാലോ? അപ്പോ ചേച്ചിയെ സോപ്പ് ഇട്ടു ഞാനും കാണും

ഞാൻ: നോക്കാം ………

കുഞ്ചു: എന്തേ, ചേച്ചിക്ക് കാണിച്ചുകൊടുക്കില്ലേ ?

ഞാൻ: അത് കൊടുക്കും, എന്റേതാവുമ്പോൾ …………….

കുഞ്ചു: അതിപ്പോ രണ്ടാഴ്ചത്ത പ്രശ്നം അല്ലേ ഉള്ളു ?

ഞാൻ: കല്യാണത്തിന്റെ കാര്യമല്ല

കുഞ്ചു: പിന്നെ ?

ഞാൻ: മനസ്സ് കൊണ്ട് പൂർണമായും എന്നവൾ എന്റേതാകുന്നോ, അന്ന് അവളതു കാണും, എൻ്റെ സ്വർഗ്ഗം, എൻ്റെ സന്തോഷം, എൻ്റെ മനസ്സ് ………….

 

അങ്ങനെ ഓരോന്ന് സംസാരിച്ചു ഞങ്ങൾ പൂമുഖത്തെത്തി. അവിടെ എല്ലാവരും എന്നെ കാത്തിരിക്കുകയായിരുന്നു .

കുഞ്ഞമ്മ: ദേ നോക്കിയിരുന്ന ആളെത്തി, ഇനിയെങ്കിലും പറ എന്താ ഉണ്ടായേ ?

ഞാൻ: എന്താ സംഭവം ?

കുഞ്ഞമ്മ: എൻ്റെ മോനെ, ഒരു ഫോൺ വന്നു, എന്തൊക്കെയോ പറയുന്നുണ്ടായിരുന്നു എല്ലാം മൂളി കേട്ടു, പിന്നെ എഴുന്നേറ്റു ബാത്‌റൂമിൽ പോയി ഫ്രഷായി ഞങ്ങളെയും കൂട്ടി ഇങ്ങോട്ടു വന്നു. ഒന്നും പറയുന്നില്ല, ഈ മോന്തേയും കേറ്റി പിടിച്ചിരിക്കുന്നു. ചോദിച്ചപ്പോൾ നീ വരട്ടെ എന്നിട്ടു പറയാം എന്ന്. ഇനി നീ തന്നെ ചോദിക്ക്.

ഞാൻ: എന്താ മാമ പ്രശ്‌നം ?

ഉണ്ണിമാമ: (സങ്കടമുഖഭാവത്തോടെ) എടാ നീ വിഷമിക്കരുത്, എല്ലാം ഒരു പരീക്ഷണമായി കരുതി സമാധാനിക്കാൻ പറ്റണം …………….

ഞാൻ: മാമ, കാര്യം പറയൂ ?

ഉണ്ണിമാമ: (സങ്കടമുഖഭാവത്തോടെ) എടാ ആ ബ്രോക്കർ വിളിച്ചിരുന്നു ………

ഞാൻ: (നിസ്സംഗതയോടെ) ഊഹിച്ചു …….

കുഞ്ഞമ്മ: (ആകംക്ഷയോടെ) ഹേ …., ബ്രോക്കർ വിളിച്ചോ ? എന്നിട്ട് …., എന്നിട്ടു എന്താ പറഞ്ഞേ ?

ഉണ്ണിമാമ: (സങ്കടമുഖഭാവത്തോടെ) അത് …. അത് ……

കുഞ്ഞമ്മ: നിങ്ങളിങ്ങനെ തത്തി കളിക്കാതെ കാര്യം പറയു മനുഷ്യാ ?

ഉണ്ണിമാമ: (ശ്വാസം നല്ലവണ്ണം വലിച്ചു വിട്ട്) അവനു …… അവനു …… പൈസ മുഴുവൻ ക്യാഷ് ആയി വേണം എന്ന് ……….

ഞാൻ: ഹേ ……….. എന്താ ?

ഉണ്ണിമാമ: (ഒരു പുഞ്ചിരിയോടെ ) എടാ പൊന്നു മോനെ, അവനു കമ്മീഷൻ ചെക്ക് വേണ്ട, ക്യാഷ് ആയി മതി എന്ന് ……….