ഹൃദയസഖി…❤ 1 [മഞ്ഞ് പെണ്ണ് ] 106

*ഹൃദയസഖി…♥*

“നിലാ…!!”പിറകിൽ നിന്ന് ആരോ വിളിക്കുന്നത് പോലെ തോന്നിയപ്പോൾ *വെണ്ണില* തിരിഞ്ഞ് നോക്കി… തന്നെ ലക്ഷ്യം വെച്ച് ചിരിയോടെ അടുത്തേക്ക് വരുന്ന ഹർഷനെ കണ്ടതും ചുണ്ടുകൾ അതിമനോഹരമായി ഒന്ന് പുഞ്ചിരിച്ചു..

“എങ്ങോട്ട് പോയി വരുവാ നീ…?!”അവളുടെ ഒപ്പം നടന്ന് കൊണ്ട് ഹർഷൻ ചോദിച്ചു…

“ഞാൻ ഒന്ന് സത്യമാമന്റെ ചായക്കട വരെ പോയതാ… നിവ്യേച്ചി വന്നിട്ടുണ്ട്… ആൾക്ക് ഇഷ്ട്ടപ്പെട്ട മാമന്റെ ഉണ്ണിയപ്പം വാങ്ങാൻ പോയതാ… എന്റെ കൂടെ ചേച്ചിയും വരാൻ നിന്നതാ… ബാംഗ്ലൂരിൽ പോയിട്ട് മുടിക്ക് എണ്ണ ഒന്നും ഇടാറില്ലേ എന്നും പറഞ്ഞ് അമ്മ എണ്ണ തേച്ച് കുളിപ്പിക്കുന്നുണ്ട്…”കയ്യിലെ പൊതി ഉയർത്തി കാണിച്ച് കൊടുത്ത് കൊണ്ട് അവൾ ചിരിയോടെ പറഞ്ഞു…