❣️താലികെട്ട് ❣️ 4[Akku ✨️] 93

അവിടെചെന്നതും എന്തോ ഭാഗ്യത്തിനു ഒരൊറ്റ മനുഷ്യൻ ഇല്ലയവിടെ.. എല്ലാരും ഹാളിൽ ആണെന്ന് സാരം.. ?ഗുണ്ടമ്മയോട് ആദ്യം തന്നെ അടുക്കളയുടെ റൂട്ട് മാപ് ചോദിച്ചത് നന്നായി.വഴിക്കണ്ടുപ്പിടിക്കാൻ ബുദ്ധിമുട്ടേണ്ടി വന്നില്ല…അവൾ സാരിതുമ്പിൽ ഒളിപ്പിച്ചു വെച്ച സ്ലീപ്പിങ് പിൾസിന്റെ പാക്കറ്റ് പുറത്തേക്കെടുത്തു… മോനെ രാമൻകുട്ടി ആദ്യം തന്നെ വലിയ പണികൾ തന്നു ഞാൻ ബുദ്ധിമുട്ടിക്കുന്നില്ല. തൽക്കാലം ഇതൊക്കെ ധാരാളം.. വലിയ കൃത്യനിഷ്ഠയുള്ള പോലീസ് അദ്ദേഹം അല്ലെ?? ?ഇത് രണ്ടെണ്ണം ചേർത്ത് പാല് കുടിച്ചാൽ നാളെ 10 മണിയാവാതെ മോൻ താലപ്പൊക്കില്ല.. ?കല്യാണം കഴിഞ്ഞ പിറ്റേ ദിവസം കോളേജിൽ വിടുന്ന കഷ്മളാ… ഇതു വെറും തുടക്കം.. ഇനിയെന്റെ കളികൾ നിങ്ങൾ കാണാൻ കിടക്കുന്നെ ഒള്ളൂ മിഷ്ടർ..?അവൾ ഇത്രയും സ്വയം മൊഴിഞ്ഞുകൊണ്ട് ഫ്രിഡ്ജിൽ നിന്ന് പാലെടുത്തു വേഗം തിളപ്പിച്ചു ഗ്ലാസ്സിലാക്കി… എന്നിട്ട് രണ്ടെണ്ണം പൊടിച്ചു നല്ലപോലെ കലക്കി ചേർത്തു സ്പൂൺ കൊണ്ടുപോയി കഴുകിവെച്ചു…അങ്ങനെ തിരിഞ്ഞുപ്പോവാൻ നിന്നപ്പോളാണ് അവളാ കാര്യം ഓർത്തത്..

“ഈശ്വരാ.. ഈ കൈകൊണ്ടല്ലേ ഞാൻ സ്ലീപ്പിങ് പിൽസ് പൊടിച്ചിട്ടത്.. ?പണിയാവോ??? വഴിയിൽ കൂടിപ്പോവുമ്പോ എന്തെങ്കിലും അറിയാതെ എടുത്ത് തിന്ന് പ്രശ്നമാവണ്ടാ… കൈ നല്ലപ്പോലെ സോപ്പ് തേച്ചു കളയാം.. ഇനിയതായിട്ട് കുറക്കണ്ട…പോവുന്നതിനു മുമ്പ് അവൾ ആഹ് പാലെടുത്തു ഫ്ലാസ്കിലേക്ക് പകർത്തി.. ചൂട് പോവരുതല്ലോ?? ?അങ്ങനെ കുട്ടി കൈ കഴുകാൻ വേണ്ടി ഹാളിലേക്ക് പോയി.. ?അടുക്കളയിൽ എന്താ വെള്ളമില്ലേ എന്ന ചോദ്യം ഇവിടെ ബഹിഷ്‌ക്കരിച്ചിരിക്കുന്നു.. ?കാരണം നമ്മുടെ കുട്ടിയ്ക്ക് കൈ കഴുകാൻ ഡെറ്റോൾ ഹാൻഡ്‌വാഷ് അത് നിർബന്ധാ… ?അങ്ങനെ ഹാളിൽ പോയി കൈ ഒക്കെ വൃത്തിയാക്കി അടുക്കളയിൽ എത്തിയാ നിച്ചു കാണുന്നത് ഹൃദയം പിടക്കുന്ന കാഴ്ചയായിരുന്നു… അതാ അതാ താൻ തിളപ്പിച്ചു വെച്ച പാലിന്റെ ഫ്ലാസ്ക് എടുത്ത് നിൽക്കുന്ന ഒരു കുട്ടിചെക്കൻ..മോശം പറയരുതല്ലോ കവിളൊക്കെ വീർത്തു ഒരു കുഞ്ഞു ഉണ്ണിവയറൊക്കെയുള്ള ഉണ്ടപ്പൻ.. കണ്ടപ്പൊ നിച്ചുവിനു എടുത്തുതപ്പൊക്കി ഉമ്മ കൊടുക്കാൻ ഒക്കെ തോന്നിയെങ്കിലും ആഹ് ചെറുക്കന്റെ കയ്യിലിരിക്കുന്ന തന്റെ ഫ്ലാസ്ക് കണ്ടതും ആകെ ടെൻഷനായി…

“അയ്യോ മോനെ… അത് ഇങ് താ ചേച്ചി മോന് കുടിക്കാൻ ജ്യൂസ്‌ ഉണ്ടാക്കി തരാലോ?? ?നിച്ചു സമാധാനം ഉണ്ടാക്കാൻ വേണ്ടി കൊച്ചിന്റെ അടുത്ത് ചെന്നു..

“ഞാൻ ജ്യൂസ്‌ കുടിക്കാറില്ല ചേച്ചി.. എനിക്ക് പാല് മതി… ?.. പാവം കൊച്ചു നിഷ്കളങ്കമായി മറുപടി കൊടുത്തു..