ആറ് വയസ്സായിട്ടും ചലനം വക്കാത്ത ആ കാലിൽ അവൻ പയ്യെ തലോടി.
ആ കാലുകൾക്ക് അപ്പോഴും തണുപ്പുണ്ടായിരുന്നു.
ഇന്നലെ മുഴുവനും മഴചാറലും കൊണ്ട് കിടപ്പായിരുന്നു.
തണുപ്പകറ്റാൻ ഒരു കീറിയ ചാക്ക്കുപ്പായമല്ലാതെ ഇന്ന് രാത്രിയും അവന്റെ കയ്യിലൊന്നുമില്ലെന്ന് അവൻ വേദനയോടെയോർത്തു.
ഓരോ രാത്രിയും കടന്നുപോകുന്നത് അതേ വേദനയിലൂടെയാണ്. തണുത്തു വിറങ്ങലിച്ച ആ കാലിൽ അമർത്തി ചുണ്ടമർത്തുമ്പോൾ അവൻ അമ്മയെ ഓർത്തു..
അവളെ ചേർത്ത് പിടിച്ചുറങ്ങുമ്പോൾ മഴ ഒന്ന് ശമിച്ചിരുന്നു.
പിറ്റേന്ന് അവനാദ്യം ചെന്നത് ആ കടയിലേക്ക് തന്നെയായിരുന്നു.
കടക്കാരൻ വരുവോളം അവിടെ കാത്തുനിൽക്കുമ്പോൾ ഇന്നലത്തെ ഓരോ സംഭവങ്ങളും മനസ്സിൽ മിന്നിമാഞ്ഞു.
“എനിക്ക്..എനിക്കിവിടെ ഒരു ജോലിതരോ..?”
രാവിലെ തന്നെ കണ്ടപാടെ നെറ്റിചുളിച്ചു നോക്കി കൊണ്ട് നിൽക്കുന്ന കടക്കാരനോടായി അവൻ ചോദിച്ചു.
” പത്തു വയസ്സ് പോലും തികയാത്ത നിനക്ക് ന്തിനാട ജോലി.. ”
പരിഹസിച്ചു കൊണ്ടയാൾ ചോദിച്ചു..
” നിക്കൊരു ജോലി വേണം..
പൈസ വേണം..”
അവൻ മറുപടിയായി തലതാഴ്ത്തി കൊണ്ട് പറഞ്ഞു..
” പുതിയ മോഷണശ്രമം വലതുമാണോടാ..? ”
അവനു തലയുയർത്താൻ കഴിഞ്ഞില്ല…
” ആട്ടെ എത്ര പണം വേണം നിനക്ക്..? ”