ഒരു വേശ്യയുടെ കഥ – 29 3932

Oru Veshyayude Kadha Part 29 by Chathoth Pradeep Vengara Kannur

Previous Parts

“കൂട്ടുകാരന്റെ ഭാര്യയോ……”

സംശയത്തോടെ ചോദിക്കുമ്പോൾ കണ്ണടയ്ക്കുള്ളിലെ ആന്റിയുടെ മിഴികൾ ചെറുതാകുന്നതും പുരികക്കൊടികൾ വില്ലുപോലെ വളയുന്നതും അവൾ കണ്ടു.

“എന്റെ ആന്റി …….
പറയുമ്പോൾ ഒരക്ഷരം മാറിപ്പോയതാണ്…..
കൂട്ടുകാരന്റെ ഭാര്യയല്ല പെങ്ങളാണ്…….
വിസ്മയയിൽ ഒരാളെ വേണമെന്നു പറഞ്ഞിരുന്നു അവിടേക്ക് കൊണ്ടുപോകുന്നതാണ്……”

ചെറിയ കുട്ടികളെപ്പോലെ ശുണ്ഠിയോടെ അയാൾ പറഞ്ഞതു കേട്ടതും ആന്റിയുടെ ചുണ്ടിൽ ചിരിയൂറിയപ്പോഴാണ് അവളുടെ മനസും തണുത്തത്.

“അതെക്കെ കൊള്ളാം…..
പക്ഷേ…..
എന്താ നിന്റെ പരിപാടി…..
സ്ഥലത്തില്ലാത്തത് കൊണ്ടാണ് ഓഫീസിൽ വരാത്തതെങ്കിൽ ശരിതന്നെ…..
മൂന്നു ദിവസം തൊട്ടടുത്ത ലോഡ്ജിലുണ്ടായിട്ടും നീ ഇങ്ങോട്ടു വന്നില്ലല്ലോ…
ഉത്തരവാദിത്വങ്ങൾ മറക്കുവാൻ നീ ചെറിയ കുട്ടിയൊന്നുമല്ല…. …
അതുകൊണ്ടാണ് ഞാനും വിളിക്കാതിരുന്നത്..
പഴയ പോലെയല്ല ഇപ്പോൾ കാര്യങ്ങൾ…..
തീർക്കുവാൻ പറ്റുന്നതാണെങ്കിലും ചില ബാധ്യതകൾ കൂടെയുണ്ട്……
ശ്രദ്ധിച്ചില്ലെങ്കിൽ അതുമതി ഇതുവരെ ഉണ്ടാക്കിയതൊക്കെ നഷ്ടപ്പെടുത്തുവാൻ…..
കടലിലെ വെള്ളമാണെങ്കിൽപ്പോലും കോരിക്കൊണ്ടിരുന്നാൽ തീർന്നുപോകുമെന്നു മറന്നേക്കരുത് പറഞ്ഞേക്കാം……
നിന്റെ അച്ഛൻ വളരെ കഷ്ടപ്പെട്ടാണ് ഇതുവരെ എത്തിച്ചത്……