MOONLIGHT VII

മാലാഖയുടെ കാമുകൻ

Previous part 

 

---

 

 

Moonlight

“ട്രിനിറ്റി.. വിളിക്ക്.. ഡെൽറ്റയെ വിളിക്ക്..!”

ഡിസംബർ പറഞ്ഞത് കേട്ടതും ട്രിനിറ്റി ഒന്ന് പുഞ്ചിരിച്ചു.. മീനാക്ഷിയും പുഞ്ചിരിച്ചു..

“അപ്പോൾ യുദ്ധം തന്നെ ആണോ..?”

ജെയിംസ് അത് ചോദിച്ചപ്പോൾ ഡിസംബർ തല കുലുക്കി..

“അവൾ ഉടനെ ഭൂമിയെ ആക്രമിക്കും.. ഇവിടെ നിന്നും ജീവനോടെ പോകുകയാണ് എങ്കിൽ അവളുടെ പുറകിൽ ഉള്ളത് ആരാണെന്ന് പറഞ്ഞു തരാം..”

ഡിസംബർ അത് പറഞ്ഞപ്പോൾ ജെയിംസ് തല കുലുക്കി..

“ഞാൻ.. ഞാൻ എന്ത് ചെയ്യും..? എനിക്ക് ഈ ആയുധം ഒന്നും ഉപയോഗിക്കാൻ അറിയില്ല..”

ജൂഹി ആകുലതയോടെ അവരെ നോക്കി..

“നീ.. ഒന്നും ചെയ്യേണ്ട..”

ഡിസംബർ പുഞ്ചിരിയോടെ അവളുടെ കവിളിൽ ഒന്ന് തൊട്ടു.. അവൾക്ക് ഒരു സമാധാനം തോന്നി..

മെറിനും ലിസയും വേസ്റ്റുകൾ ഇട്ട ശേഷം അരയിൽ വേണ്ട ആയുധങ്ങൾ എടുത്തു..

“ആദ്യമായിട്ടാണ് ഞാൻ എലിയൻസിനോട് യുദ്ധം ചെയ്യാൻ പോകുന്നത് അല്ലേടാ..? ഐ മീൻ.. യുദ്ധം.. നീ വിക്ടോറിയയെ നേരിട്ടിട്ട് ഉണ്ടല്ലോ..”

“അത് ശരിയാണല്ലോ..”

മെറിൻ ചിരിയോടെ അവളെ നോക്കി.. അവർക്ക് യാതൊരു പേടിയും ഇല്ലാത്തത് ജെയിംസും കൂട്ടരും ശ്രദ്ധിച്ചു..
ഒലിവർ മിനി ഗൺ ആണ് എടുത്തത്.. ജാക്ക് ശക്തമായ ഒരു മെഷീൻ ഗൺ എടുത്തു. വേറെ ഒരണ്ണം പുറകിൽ തൂക്കി..

ആലിസും എമ്മയും രണ്ട് വലിയ തോക്കുകൾ തന്നെയാണ് എടുത്തത്..

ആകാശത്ത് എന്തോ ഒരു അനക്കം കേട്ടപ്പോൾ അവർ മുകളിലേക്ക് നോക്കി.. ട്രിനിറ്റി വന്നത് പോലെ മറ്റൊരു സ്പേസ് ഷിപ് മുകളിൽ വന്നു നിൽക്കുന്നു..

അത് താഴേക്ക് ഇറങ്ങി വന്നു.. ട്രിനിറ്റിയെ പോലെ മറ്റൊരു പെണ്ണ് തിളങ്ങുന്ന വലിയ ഒരു സ്പിയറും ആയി പുറത്തേക്ക് ഇറങ്ങി വന്നു..