മാവേലി ഇൻ ക്വാറന്റൈൻ [ആദിദേവ്] 116

മധ്യകേരളത്തിലെത്തിയ അദ്ദേഹത്തെ പതിവ് കാഴ്ചകൾ തന്നെയാണ് വരവേറ്റത്. ഇവിടെ പക്ഷെ അത്യാവശ്യം തിക്കും തിരക്കുമൊക്കെ ഉണ്ട്. എല്ലാവരും എന്തോ തുണിക്കഷ്ണം ഉപയോഗിച്ച് മുഖം മറച്ചിരിക്കുന്നു. എന്താണത്? നമ്മുടെ മാവേലി ഒത്തിരി ആലോചിച്ചു നോക്കി.. പക്ഷെ ഒന്നും പുടികിട്ടിയില്ല. നീണ്ട യാത്രയിലായിരുന്നതുകാരണം കേരളത്തിലെ വാർത്തകളിൽ അദ്ദേഹം അപ്‌ഡേറ്റഡ് ആയിരുന്നില്ല. ഇവിടെയും അങ്ങിങ്ങായി പൂക്കളങ്ങളും ഓണപ്പാട്ടുകളും കേൾക്കാൻ കഴിഞ്ഞു.

ഇതിനിടയിൽ ദിവസങ്ങൾ കൊഴിഞ്ഞുപൊയ്ക്കൊണ്ടിരുന്നു… അത്തം, ചിത്തിര, ചോതി, വിശാഖം , അനിഴം തൃക്കേട്ട, മൂലം, പൂരാടം ഒക്കെ പിന്നിട്ട് ഉത്രാടപ്പുലരി പിറന്നു. മന്നൻ ഇപ്പോഴും നിരാശനാണ്. പതിയെ പുള്ളി മധ്യകേരളത്തിൽ നിന്നും ദക്ഷിണ കേരളത്തിലേക്ക് യാത്രതിരിച്ചു. അങ്ങനെ ഒടുവിൽ മാവേലി പത്മനാഭന്റെ മണ്ണിലെത്തി. ഇവിടെ ഇത്തിരി തിക്കും തിരക്കും ആൾക്കൂട്ടവും കാണാൻ മന്നന് സാധിച്ചു. പുള്ളി അത് ഓണാഘോഷമാണെന്ന തെറ്റിദ്ധാരണയിൽ പ്രജാക്ഷേമമന്വേഷിക്കാൻ തള്ളിക്കയറി. പിന്നീടാണ് മനസ്സിലാവുന്നത് അത് ഭരണപക്ഷത്തിനെതിരെ പ്രതിപക്ഷത്തിന്റെ സെക്രട്ടറിയേറ്റിന് മുന്നിലുള്ള മുദ്രാവാക്യം വിളിയായിരുന്നെന്ന്..

പെട്ടെന്നാണ് പോലീസിന്റെ ലാത്തിപ്രയോഗവും ജലപീരങ്കിപ്രയോഗവും നടന്നത്. വന്നവനെയും നിന്നവനെയുമെല്ലാം തൂത്തുപറക്കി എടുത്ത് പോകുന്ന പോക്കിൽ മാവേലിയെയും പൊലീസുകാർ വാരിക്കൊണ്ടുപോയി. ‘പുറത്തുനിന്നും’ വന്നതായതുകൊണ്ട് മാവേലി ഏഴു ദിവസത്തെ നിർബന്ധിത ഇൻസ്റ്റിറ്റ്യൂഷണൽ ക്വാറൻ്റൈൻ കഴിഞ്ഞ് പോയാൽ മതിയെന്ന് ആരോഗ്യ വിദഗ്ധർ മന്നനെ ഉപദേശിച്ചു. അങ്ങനെ നിരീക്ഷണത്തിലിരിക്കുമ്പോൾ മാവേലി മറ്റൊരാളെ കണ്ടുമുട്ടി.

എവിടെയോ കണ്ടുമറന്ന മുഖം..പക്ഷെ അങ്ങട് പിടിത്തം കിട്ടുന്നില്ല.

അജ്ഞാതൻ:  “സൂക്ഷിച്ചു നോക്കണ്ടെടാ ഉണ്ണീ! ഇത് ഞാനല്ല..?”

മാവേലി:  “ഓഹ് മൈ ഗോഡ്! വാമനൻ! എന്നെ പാതാളത്തിലേക്ക് ചവിട്ടിത്താഴ്ത്തിയ പുള്ളി..എന്താ ഇവിടെ?”

വാമനൻ:  “ഒന്നും പറയണ്ട മന്നാ… കേരളത്തിലേക്ക് വന്നിട്ട് കുറച്ചായില്ലേന്ന് വിചാരിച്ച് ഒന്നു നാട് ചുറ്റാൻ ഇറങ്ങിയതാ. വരണ വഴിക്ക് ഒരുത്തൻ തന്റെ പ്രജകളെ ബുദ്ധിമുട്ടിക്കാൻ നോക്കുന്നു. അപ്പൊ തന്നെ അവനെ പാതാളത്തിലേക്ക് ചവിട്ടി താഴ്ത്താൻ നോക്കിയതാ..പണി കിട്ടി..”

“ആരാ കക്ഷി?”