കണ്ണന്റെ ഏട്ടത്തിയമ്മ

Kannante Ettathiyamma | Author : Raja

ധീരവ് ഗേറ്റ് കടന്ന് വരുന്നത് കണ്ടതും ഉമ്മറക്കോലായിൽ നിന്നിരുന്ന മീനാക്ഷി ഓടി അവന്റെ അരികിലേക്ക് വന്നു…

“വരാൻ ലേറ്റ് ആകുന്നത് കണ്ടപ്പോൾ ഏട്ടത്തി കരുതി കണ്ണൻ ഈ ആഴ്ച വരില്ലന്ന്…”
ഒരു പുഞ്ചിരിയോടെ അവന്റെ കയ്യിലിരുന്ന ബാഗ് വാങ്ങി കൊണ്ട് മീനാക്ഷി പറഞ്ഞു…

“പതിവായി വരാറുള്ള ബസ് കിട്ടിയില്ല ഏട്ടത്തി അതാ ലേറ്റ് ആയെ….ദേവമ്മ എവിടെ…”

“മാർക്കറ്റ് വരെ പോയതാടാ… ഇപ്പൊ വരും…”

“എനിക്ക് നല്ല വിശപ്പ് ഉണ്ട്… എന്തെങ്കിലും കഴിക്കാൻ തായോ…”

“ആദ്യം മോൻ പോയി കുളിച്ചിട്ട് വാ… അപ്പോഴേക്കും ഞാൻ കഴിക്കാൻ എടുക്കാം…”‘
വന്ന പാടെ ഉമ്മറത്തെ കസേരയിൽ മടി പിടിച്ചിരുന്ന ധീരവിനെ മീനാക്ഷി ഉന്തിത്തള്ളി കുളിക്കാനായി അകത്തേക്ക് പറഞ്ഞു വിട്ടു…

പട്ടണത്തിലെ കോളേജിൽ ആണ് കണ്ണൻ എന്ന ധീരവ് പഠിക്കുന്നത്….ഹോസ്റ്റലിൽ നിന്നും എല്ലാ വാരാന്ത്യത്തിലും അവൻ വീട്ടിൽ വരാറുണ്ട്….മീനാക്ഷി ധീരവിന്റെ ഏട്ടത്തിയമ്മയാണ്…… ദത്തൻ എന്നാണ് ഏട്ടന്റെ പേര്….അവരുടെ വിവാഹം കഴിഞ്ഞിട്ട് നാല് വർഷമാകുന്നു… കുട്ടികളൊന്നുമായിട്ടില്ല….സുഹൃത്തിന്റെയൊപ്പം ചേർന്ന് ഹൈദരാബാദിൽ കാർ ഡീലർ ഷോപ്പ്, ഹോട്ടൽ ഉൾപ്പെടെയുള്ള സ്ഥാപനങ്ങൾ നടത്തുകയാണ് ദത്തൻ…..കണ്ണൻ ഹോസ്റ്റലിലേക്ക് മടങ്ങിയാൽ പിന്നെ വീട്ടിൽ ഏട്ടത്തിയമ്മയും അടുക്കളയിലും മറ്റും സഹായത്തിന് വരുന്ന അകന്ന ബന്ധത്തിലുള്ള ദേവമ്മ എന്ന സ്ത്രീയും മാത്രം….

“”ഇതെന്താ ഏട്ടൻ വരുന്നുണ്ടോ ഏട്ടത്തി…?”

രാത്രി കിടക്കുന്നതിന് മുൻപ് ഏട്ടന്റെ പാന്റ്സും ഷർട്ടുകളും ഏട്ടത്തി ഇസ്തിരിയിട്ട് എടുത്ത് വയ്ക്കുന്നത് കണ്ട് കണ്ണൻ ചോദിച്ചു….

അവന്റെ ചോദ്യത്തിന് മറുപടിയെന്നോണം ഒരു മങ്ങിയ ചിരിയോടെ മീനാക്ഷി ഒന്ന് മൂളി…

“”ഇതെന്താ പതിവില്ലാതെ…??””
അവന്റെ ചോദ്യത്തിൽ ഈർഷ്യ കലർന്നിരുന്നു….സാധാരണ മാസത്തിലൊരിക്കലാണല്ലോ വരവ്… പെട്ടെന്ന് എന്ത് പറ്റി….അവൻ ഓർത്തു….