”വാ… അമ്പലത്തില്‍ പോകാം” ചെറിയുമ്മ നടന്നു.
അഞ്ജലി മുറിയിലേക്ക് പോയി ടവല്‍ എടുത്ത് കുളിമുറിയില്‍ പോയി. ഞാന്‍ താഴേക്കും. താഴെ പോയപ്പോള്‍ അമ്മ ഒരുങ്ങി ഇരിപ്പുണ്ട്
“ജിത്തു… ഞാനും സുഭദ്രയുടെ കൂടെ കാവില്‍ ഒന്നു പോയിട്ട് വരാം. ഭക്ഷണം എടുത്ത് വച്ചിട്ടുണ്ട്. ചേറ് ഞാന്‍ വയിറ്റിട്ട് വെച്ചിട്ടുണ്ട്. അത് ഒരു പത്തു മിനിറ്റ് കഴിഞ്ഞ് ഓഫ് ചെയ്യണം. പിന്നെ കറി തിളക്കുന്നുണ്ട് അതു ഒരു അഞ്ചു മിനിറ്റ് കഴിഞ്ഞു ചെയ്യണം. മറക്കരുത് കേട്ടോ” അമ്മ ധൃതിയില്‍ എല്ലാം എന്നെ എല്‍പ്പിച്ചു. ഞാന്‍ എല്ലാത്തിനും തലയാട്ടി
ചായ ഉണ്ടാക്കുന്നതിനിടക്ക് രണ്ടു ഓഫ് ആക്കി. ചായയും എടുത്ത് പോയി പേപ്പര്‍ വായിച്ചു കൊണ്ടിരിക്കുന്നു…
“എനിക്ക് ചായ ഉണ്ടാക്കിയില്ല” അഞ്ജലിയുടെ ശബ്ദം
“വേണേല്‍ ഉണ്ടാക്കി കുടിച്ചോ” ഞാന്‍ പറഞ്ഞു
“നിനക്കെന്നോട് ഒരു സ്നേഹവുമില്ലല്ലെടാ..” അഞ്ജലി ചിണുങ്ങി കൊണ്ട് അടുക്കളയില്‍ പോയി
എന്താണ് ഇവള്‍ക്ക് ഒരു ചിണുങ്ങലും പരിഭവം പറച്ചിലും ഒക്കെ… ഒരാഴ്ച ചെറിയമ്മയുടെ വീട്ടില്‍ നിന്നപ്പോള്‍ അനുവിന്‍റെ സ്വഭാവം ഇവള്‍ക്ക് പകര്‍ന്നോ..
“ഇവിടെ ചായ ഉണ്ടല്ലോ… നീ ഉണ്ടാക്കിയതാ…?” അടുക്കളയില്‍ നിന്നും വരുന്ന വഴി അഞ്ജലി ചോദിച്ചു
“ഏയ്… ഇവിടെ ചായ മഴ പെയ്തിരുന്നു… അപ്പൊ ഞാന്‍ പാത്രത്തില്‍ പിടിച്ചതാ..” പത്രത്തില്‍ നിന്നും കണ്ണ് എടുക്കാതെ ഞാന്‍ പറഞ്ഞു. അഞ്ജലി ചിരിയുടെ മണിമുത്തുകള്‍ പൊഴിച്ചു.
“യൂ ആര്‍ ഫണ്ണി ഡാ…” എന്‍റെ കവിളില്‍ നുള്ളി അവള്‍ പറഞ്ഞു. അവിടെ ഉള്ള ഇംഗ്ലീഷ് പത്രം എടുത്ത് എന്‍റെ നേരെ മുന്നില്‍ ഇരുന്നു വായന തുടങ്ങി.
പത്രം വായിച്ചു കഴിഞ്ഞു കുളിക്കാനായി മുകളിലേക്ക് പോയി…
കാവില്‍ ഒക്കെ പോയി അമ്മയും ചെറിയമ്മയും മറ്റും തിരിച്ചെത്തി. ഊണൊക്കെ കഴിഞ്ഞ് സ്ത്രീജനങ്ങള്‍ എല്ലാവരും കൂടി സൊറ പറച്ചിലും കുശുമ്പു പറച്ചിലും ആയി താഴെ കൂടി. അര്‍ജുനും അവരുടെ ഇടയില്‍ കറങ്ങി… പുറത്ത് എങ്ങും പോവാന്‍ തോന്നിയില്ല.. അത്കൊണ്ട് ഞാന്‍ എന്‍റെ മുറിയില്‍ പോയി ഇത്തിരി പഠിക്കാം എന്നു വച്ചു.. ബുക്ക് തുറന്നിട്ട് കാലം കുറച്ചായി… പിന്നെ നോട്ട്സ് എല്ലാം പേപ്പറില്‍ ആയതുകൊണ്ട് അതെല്ലാം ഫയല്‍ ചെയ്തുവെക്കണം.. എല്ലാം കഴിഞ്ഞ് ഒന്ന് മയങ്ങിയാലല്ലോ എന്ന് ആലോചിക്കുമ്പോള്‍ ആണ് താഴെ നിന്ന് ചെറിയമ്മയുടെ വിളി…
“ജിത്തു… സുഭദ്രാമ്മ പോണു കേട്ടോ”
ഞാന്‍ താഴെക്കിറങ്ങി…. താഴെ ചെന്നപ്പോള്‍ അനു അവിടെ പമ്മി നില്‍പ്പുണ്ട്.
“ഒരു ദിവസമല്ലേ സുഭദ്ര… എല്ലാ ദിവസവും കുട്ടികളെ ഇങ്ങനെ എന്‍ട്രന്‍സ്‌ എന്നു പറഞ്ഞ് ഇരുത്തരുത്” അമ്മ പറഞ്ഞു…
“ചേച്ചിക്ക് അങ്ങനെ പറയാം… ജിത്തു എന്‍ട്രന്‍സ്‌ എഴുതി എടുത്തില്ല. ഇപ്പൊ മെഡിസിനാക്കെ സീറ്റ് കിട്ടാന്‍ പാടാണ്. ഇപ്പോഴേ പഠിച്ചില്ലെങ്കില്‍…” ചെറിയമ്മ അവരുടെ ഭാഗം ന്യായീകരിച്ചു.
“ഒരു ദിവസം നില്‍ക്കട്ടെടി അവളിവിടെ… ഇത്തവണ അവള്‍ ഇവിടെ നിന്നേതേ ഇല്ലല്ലോ”
അവസാനം ചെറിയമ്മ മനസ്സില്ലാമനസ്സോടെ സമ്മതിച്ചു. അര്‍ജുനെയും നിര്‍ത്താന്‍ ശ്രമിച്ചെങ്കിലും ചെറിയമ്മ സമ്മതിച്ചില്ല.. അവസാനം പിറ്റേന്ന് തന്നെ തിരിച്ചു കൊണ്ട് വിടാമെന്ന വൃവസഥയില്‍ അനുവിനെ അവിടെ നിര്‍ത്തി അര്‍ജുനെ കൊണ്ട് ചെറിയമ്മ പോയി. ഞായറാഴ്ച ഡ്രൈവര്‍ ഉണ്ടാവില്ല. അപ്പോള്‍ പിന്നെ കൊണ്ട് വിടാന്‍ ഞാന്‍ തന്നെ… ചെറിയമ്മ യാത്രയാക്കി മുകളില്‍ പോയി ഒന്ന് മയങ്ങി. എഴുന്നേറ്റ് നേരെ അടുക്കളയില്‍ പോയി അനുവിന്‍റെയും അഞ്ജലിയുടെയും അമ്മയുടെയും സംസരാത്തില്‍ പങ്കു ചോര്‍ന്നു.. കൂടെ അമ്മ വറക്കുന്ന പഴംപൊരി ചൂടോടെ തട്ടാനും തുടങ്ങി. വറത്തെടുക്കുന്ന പഴംപൊരി എല്ലാം നേരെ എന്‍റെ വയറ്റിലേക്ക് പോകുന്നത് കണ്ട അമ്മ എന്നെ അവിടെ നിന്നും ഓടിച്ചു…
രാത്രി ഊണു കഴിഞ്ഞ് നേരത്തെ കിടക്കനെന്നും പറഞ്ഞ് മുറിയിലേക്ക് പോയി. ലൈറ്റ് ഓഫ് ചെയ്തു. അധികം കഴിയും മുന്‍പേ ആരോ മുകളിലേക്ക് കയറി വരുന്നത് പോലെ
“ഉറങ്ങിയോടീ നിന്‍റെ കാമുകന്‍..?”അഞ്ജലി പതിഞ്ഞ സ്വരത്തില്‍ അനുവിനോടു ചോദിക്കുന്നത് രാത്രിയുടെ നിശബ്ദതയില്‍ ഞാന്‍ കേട്ടു.
പിറ്റേന്ന് രാവിലെ രവി നല്ല ചെത്തു കള്ള് കൊണ്ടുവന്നിട്ടുണ്ടെന്ന് പറഞ്ഞു സുനില്‍ വിളിച്ചു. ഞാന്‍ നേരെ താവളത്തിലേക്ക് പോയി കള്ളു കുടിച്ച്‌ സുനിലിന്‍റെ വീട്ടില്‍ പോയി കിടന്നു. വൈകുന്നേരം അനുവിനെ കൊണ്ട് വിടണം എന്ന് പറഞ്ഞു ഉച്ചിക്ക് വീട്ടിലേക്ക് പോന്നു.
Enthoru adhayadoo faisaleeee….
Ithinte bakki undooo undenkilll ethaa nameee……
Alla ithree ullengill ini ithupolathee kadha ezhutharathuuu……
Plzzzz apeksha anuuui………
ith kalyaani enna novelinte cipy alle
ഇത് വേറെ സൈറ്റിൽ വായിച്ചിട്ടുണ്ട് . അതിൽ നിന്നും മസാല ഭാഗങ്ങൾ എല്ലാം കട്ട്‌ ചെയ്ത post ചെയ്തതാണ് ഇത് . ഒറിജിനൽ
ഇത് മുമ്പ് വേറൊരു പേരിൽ വായിച്ചിട്ടുണ്ട്.
കഥാപാത്രങ്ങളുടെ പേരുകളിൽ മാത്രം മാറ്റം.
നല്ല നോവൽ ആയിരുന്നു….അവസാനം കൊണ്ടേ കളഞ്ഞു