ഫേസ്ബുക്ക് ആങ്ങള [റോണി വർഗ്ഗീസ്] 1270

ഇവന്മാർ ചുറ്റും ഒന്നു നോക്കും..അതിർത്തി കാക്കുന്ന പട്ടാളക്കാരെക്കാൾ ശുഷ്കാന്തി ഉള്ളൊരു നോട്ടം..അപ്പൊ ഇവർക്ക് ചുമ്മാ തോന്നും..

‘ദോ ആ കണ്ണുകൾ എന്റെ പെങ്ങടെ നേരെയല്ലേ വരുന്നത് ‘ എന്നവർ സ്വയം ചിന്തിക്കും..അവരിലെ സംരക്ഷക ബാഹുബലി ഉണരും .. പെങ്ങളെ നോക്കുന്നതും പെങ്ങളോട് വർത്താനം പറയുന്നതും പോലും ഇഷ്ടമല്ലാത്ത പ്രത്യേക  ഉന്നത തരം ഓണ്‍ലൈന്‍ ആങ്ങളമാരും ഇപ്പോൾ സുലഭമാണ്..!!

ഇനി പെങ്ങടെ നേരെ കണ്ണുകളൊന്നും വന്നില്ലേലോ.. പെങ്ങളെ സംരക്ഷിക്കാൻ പറ്റാതെ വിഷണ്ണരാകുമോ ഇവർ , തളരുമോ അവർ. ഇല്ല സൂർത്തുക്കളെ , ‘ സംരക്ഷണം മുഖ്യം ബിഗിലെ!! ” എന്നു നെഞ്ചത്ത് കൈ വെച്ച് രണ്ടു പ്രാവശ്യം ഉറക്കെ അങ്ങു പറയും..  അവർ സ്ട്രോങ്ങാണ്..!! എന്നിട്ട് അവർ തന്നെ രണ്ടോ മൂന്നോ വഷളൻ കണ്ണുകളെ അങ്ങുണ്ടാക്കും..അവർ ക്രിയേറ്റിവും ആണല്ലോ..!!  നേരെ ഗോദായിലേക്ക് ഇറങ്ങും.. സന്തോഷ് പണ്ഡിറ്റിന്റെ മനസിൽ ധ്യാനിച്ച് ഒരു പടം അങ്ങോട്ട് സംവിധാനം ചെയ്യും.. ഉടനെ ഒളിച്ചിരിക്കുന്ന നമ്മുടെ നായകൻ ഇറങ്ങും സംരക്ഷണം തുടങ്ങും..

ഇവരെപ്പറ്റി പറഞ്ഞാൽ ഒരു കഥ എഴുതിയാലും തീരില്ല..വലിയ മനുഷ്യരാണ്.. പിന്നെ ഇവർ സമൂഹത്തിലെ സകല അനീതിക്കും എതിരെ പ്രതികരിക്കുന്ന സ്ത്രീപക്ഷ ചിന്താഗതിക്കാർ ആണെന്ന് ഞാൻ പ്രത്യേകം പറയണ്ടല്ലോ അല്ലെ..അവർ പ്രക്ഷുബ്ധരാണ്..എന്തിന് എന്നു ചോദിക്കരുത്..ചുമ്മാ പ്രക്ഷുബ്ധരാണ്..ഒരുപക്ഷേ ഈ വിഭാഗത്തിൽ ഭൂരിഭാഗവും കലിപ്പന്റെ കാന്താരി യുഗത്തിൽ നിന്നും പരിവർത്തനപെട്ട് വന്നതായത് കൊണ്ടാവാം.. ക്ഷോഭിക്കൽ ഇവരുടെ ട്രേഡ് മാർക് ആണ്..!!

ഇതേ സ്ത്രീപക്ഷ ചിന്തകർ തന്നെ പെങ്ങന്മാർ ആറു മണികഴിഞ്ഞു പുറത്തിറങ്ങാൻ സമ്മതിക്കാത്തതും , പകൽ വെട്ടത്തിൽ പുറത്തു പോകുമ്പോൾ തന്നെ മിനുട്ടിൽ അറുപത് പ്രാവശ്യം സുരക്ഷ , റോഡ് ക്രോസ് ചെയ്യിപ്പിക്കൽ തുടങ്ങിയ കലാപരിപാടികൾ ഓണ്‍ലൈന്‍ ചെയ്യുന്നത് ശാസ്ത്രം.. ഓണ്‍ലൈന്‍ പെങ്ങളെ പ്രൈവറ്റ് ഇൻബോക്സിൽ കിട്ടിയാൽ സ്ത്രീപക്ഷ ചിന്തകരുടെ സംരക്ഷണ മോഡ് ചെറുതായിട്ട് ഒന്നു മാറുന്നതും വെറും കേട്ടുകേൾവി..!! പക്ഷെ ഇക്കാലത്തു ഡിമാൻഡ് ഇവർക്കാണ് എന്നുള്ളത് ഒരു സത്യം..!!

എല്ലാം കേട്ടുകഴിഞ്ഞു ഞാൻ ഞെട്ടലിൽ ആയി…ഇതൊക്കെ സത്യം തന്നെയോ?? പക്ഷെ പറഞ്ഞതാരാ..അങ്ങനെ ചുമ്മാ ഒരാളല്ല…എന്റെ ആത്മ മിത്രം..സത്യസന്ധൻ , സ്നേഹസമ്പന്നൻ , മാത്രമല്ല ബുദ്ധിജീവി…അറിഞ്ഞൂടാത്തതായി ലോകത്തിൽ എന്തെലുമുണ്ടോ..!!

ഭയം തോന്നുന്നോ??  ഞാനും അവന്റെ വാക്കുകൾ കേട്ട് അല്പം ഭയത്തോടെത്തന്നെയാണ് ഇതെഴുതിയത്..എന്നാൽ എഴുതാതെ ഇരിക്കാനൊക്കുമോ..വിജ്ഞാനമല്ലേ…മാത്രമല്ല സാമൂഹ്യ വിപത്തല്ലേ.. എല്ലാത്തിനും പുറമെ എന്റെ അനുഭവം നിങ്ങൾക്ക് ഉണ്ടാവരുതല്ലോ..!! ഇനി ഒന്നേയുള്ളൂ രക്ഷ. ഓൺലൈൻ ആങ്ങളമാരെ ഓണ്‍ലൈനായി വാഴ്ത്തുക…അവരുടെ മുദ്രാവാക്യം എന്റെ ആത്മമിത്രം എനിക്ക് പറഞ്ഞുതന്നത് ഞാൻ നിങ്ങൾക്കും പറഞ്ഞുതരാം..