Demon’s Way Ch-1 [Abra Kadabra] 457

” ഡോ പന്ന കിളവാ, താൻ എങ്ങനാ… എന്തിനാ എന്നെ ഇവിടെ കൊണ്ടു വന്നത്?? “

ആ ചെറുപ്പക്കാരൻ, ഇന്ദ്രജിത്ത് ദേഷ്യം കൊണ്ട് വിറക്കുകയായിരുന്നു. അവൻ തന്റെ റൂമിൽ കുളിക്കാൻ ഉള്ള തയ്യാറെടുപ്പിൽ ആയിരുന്നു. പെട്ടനാണ് ഒരു ശക്തമായ പ്രകാശം അവന്റെ കണ്ണിൽ അടിച്ചത്. അവൻ കണ്ണു തുറന്നപ്പോൾ ഈ വയസൻ അവന്റെ മുന്നിൽ ഉണ്ടായിരുന്നു. ” ജനന സമയം കൃത്യമാണ് ” അത്രയും പറഞ്ഞ് അയാൾ അവന്റെ കയ്യിൽ പിടിച്ചു അപ്പോഴേക്കും ഇന്ദ്രജിത്തിന്റെ ബോധം പോയി.

പിന്നീട് അവന്‌ ബോധം വരുമ്പോ അവൻ ഒരു ഇരുണ്ട സ്ഥലത്ത് ആയിരുന്നു ചുറ്റും മങ്ങിയ വെളിച്ചം മാത്രം ആകാശത്ത് ഒരുപാട് നക്ഷത്രങ്ങൾ, അവൻ നിന്നിരുന്നത് ചാരം മൂടിയ പോലെ ഉള്ള ഒരു പ്രഥലത്തിൽ ആയിരുന്നു. അവൻ ആ സ്ഥലം പടത്തിൽ ഒക്കെ കണ്ടിട്ടുണ്ട്, ചന്ദ്രൻ.

അവനെ ഏറ്റവും അമ്പരപ്പിച്ച കാര്യം ആ വയസ്സന് ഒരു മലയാളി ലുക്ക് ആയിരുന്നില്ല, അയാൾ പറയുന്നത് മലയാളവും അല്ല പക്ഷെ അവന്‌ അതൊക്കെ മനസ്സിലാവുന്നുണ്ട്, മാത്രവുമല്ല അവന്‌ ആവിശ്യതിന് ഓക്സിജൻ ഒക്കെ കിട്ടുന്നുണ്ട് ഒരു പക്ഷെ തങ്ങൾക്ക് ചുറ്റും ഉള്ള പർപ്പിൽ പ്രകാശതിന്റെ കഴിവ് ആവും എന്ന് അവൻ തിരിച്ചറിഞ്ഞു.

” ഞാൻ ഇന്ന്  ഇവിടെ വെച്ച് മൂന് പേരുമായി യുദ്ധം ചെയ്യും. ആ ബാറ്റിൽ എന്റെ cultivation സ്വർഗത്തിന്റേം നരകത്തിന്റേം നിയമങ്ങൾ തകർത്ത്, apex of evil – omen realm ത്തിൽ എത്തിക്കാൻ സഹായിക്കും. ഒറ്റക്ക് ആണേൽ ഇവർ മൂന്പേർക്കും എന്റെ രോമത്തിൽ പോലും തൊടാൻ പറ്റില്ല. പക്ഷെ… അവർ മൂന് പേരും ഒരുമിച്ച് നിന്നാൽ എനിക്ക് എത്രത്തോളം വിജയ സാധ്യത ഉണ്ടെന്ന് എനിക്ക് ഉറപ്പില്ല.

ആ കുറവ് നികത്താൻ, അല്ലേൽ ഒരു സേഫ്റ്റി മെഷർ ആയിട്ട്, എന്റെ അതേ ജന്മരാശിയിലും സമയത്തും ജനിച്ച ഒരാളെ, അതായത് നിന്നെ ഞാൻ ഇവിടേക്ക് കൊണ്ട് വന്നു. ഒരു പക്ഷെ ഈ യുദ്ധത്തിൽ ഞാൻ തോറ്റാൽ, അവരുടെ കൈ കൊണ്ട് ഞാൻ മരിക്കു എന്ന ഘട്ടം വന്നാൽ എന്റെ അറിവിലെ ഏറ്റവും mysterious magic ഞാൻ ആക്ടിവേറ്റ് ചെയ്യും, എന്റെ ആത്മാവിനെ നിന്റെ ശരീരത്തിലേക്ക് കടത്തും നിന്റെ ശരീരം ഉപയോഗിച്ച് ഞാൻ പുനർജനിക്കും. ” ആ വയസൻ, രുദ്ര ഭൈരവൻ വളരെ ശാന്തമായി ഇന്ദ്രജിത്തിനെ നോക്കി പറഞ്ഞു. പക്ഷെ അയാളുടെ വാക്കുകൾക്ക് മൂർച്ച കൂടുതൽ ആയിരുന്നു, ആ ചോര കണ്ണുകളിൽ വല്ലാത്ത ഒരു വന്യത കെട്ടിനി ന്നിരുന്നു