Crush 7[Naima] 165

ഹൌസ് ക്യാപ്റ്റൻ ഓരോന്ന് ചോദിക്കുന്നും പറയുന്നുമുണ്ട്…. നമുക്ക് ആകെ വാചകമടിക്കാൻ അല്ലാതെ ഒരു കഴിവും ഇല്ലാത്തോണ്ട് അവിടെ ഇരുന്നു എല്ലാരോടും സംസാരിച്ചിരുന്നു….

ഒരു അര മണിക്കൂർ കഴിഞ്ഞപ്പോ എന്തോ ഗ്ലാസ്‌ പൊട്ടുന്ന ശബ്ദവും എന്തൊക്കെയോ ബഹളവും കേട്ടു….എന്താ സംഭവമെന്നു അറിയാൻ അങ്ങോട്ടും ഇങ്ങോട്ടും നോക്കിട്ട് ആർക്കും ഒരു ഐഡിയയും ഇല്ല….

നോക്കിയപ്പോ എല്ലാരും ഹാളിന്റെ ഗ്ലാസ്സിലൂടെ പുറത്തേക് നോക്കുന്നുണ്ട്… പിന്നെ ഞങ്ങളും അങ്ങോട്ട് ഓടി എന്താ സംഭവം എന്നറിയാൻ…

നോക്കിയപ്പോ ഉണ്ടെടാ നല്ല കലക്കൻ അടി…. അടിപൊളി…. കുറേ നാളായി  ആഗ്രഹിച്ചതായിരുന്നു ഒരു അടി കാണാൻ….മുകളിന്ന് നോക്കിയാൽ ആരെണെന്നും എന്താണെന്ന് ഒന്നും അത്ര ക്ലിയർ അല്ല….

കുറേ ചെക്കന്മാർ ഓടുന്നുണ്ട്.. പിറകെ ക്രിക്കറ്റ്‌ സ്റ്റമ്പ് കൊണ്ട് വേറെ കുറേ എണ്ണം ഓടുന്നു…നല്ല നാടൻ തല്ല്..കുനിച്ചു നിർത്തി ഒക്കെ നല്ല ഇടിയും ചവിട്ടും ഒക്കെ കൊടുക്കുന്നുണ്ട്….ക്രിക്കറ്റ്‌ ബാറ്റ്, ഹോക്കി സ്റ്റിക്ക്, വടി ഒക്കെ വെച്ചു നല്ല ചാമ്പൽ ആണ്….

കുറേ പേര് കൈയിൽ കിട്ടുന്ന കല്ലൊക്കെ വെച്ച് എറിയുന്നുണ്ട്…എന്നാലും ഇതൊക്കെ ഇവന്മാർ കൈയിൽ കൊണ്ട് നടക്കുന്നുണ്ടാവോ….ആഹാ.. അടിപൊളി…

സിനിമയിലെത് പോലെ ഒന്നും അല്ല യഥാർത്ഥ അടിയെന്ന് അന്നാണ് മനസിലായത്…. അങ്ങോട്ട് അടി കൊടുക്കുന്നു തിരിച്ചും വാങ്ങുന്നു അതാണ് ശരിക്കുള്ള അടി…ആർക്കും കൊടുത്തില്ല കിട്ടിയില്ല എന്ന ഒരു കംപ്ലൈന്റും ഉണ്ടാവില്ല… എല്ലാവർക്കും കിട്ടുന്നുണ്ട്…….

അപ്പോ നോക്കിയപ്പോ ഞങ്ങളുടെ ഫസ്റ്റ് ഇയറിലെ മെക്കാനിക്സ് എടുക്കുന്ന സർനെ എടുത്ത് ചെക്കന്മാർ അവിടുത്തെ പോണ്ടിലേക് എറിയുന്നു..അടി തടയാൻ പോയ സർനും കിട്ടി നല്ല പണി…

അത്‌ എല്ലാർക്കും നന്നായി ബോധിച്ചിട്ടുണ്ട്…സംഭവം ‌കണ്ട് എല്ലാരും ചുണ്ടിൽ കൈ വെച്ച് ചിരിച്ചു പോയി…കണ്ടപ്പോ സത്യത്തിൽ കൈ അടിക്കാനാ തോന്നിയത്….

പുള്ളി ഞങ്ങളുടെ ഫസ്റ്റ് ഇയറിലെ പ്രധാന ശത്രു ആയിരുന്നു… ആൾടെ വിചാരം ബിടെക്കിന് വരുന്നവർ എല്ലാം മെക്കാനിക്സ് പടിച്ചിട്ടാണ് ജനിക്കുന്നതെന്നാണ്…

ഞങ്ങൾ എല്ലാരെയും മിക്കവാറും ക്ലാസ്സിൽ പുറത്താക്കും…. അന്നേ സർന് ഒരു പണി കിട്ടുന്ന കാണാൻ നോക്കി ഇരിക്കായിരുന്നു ഞങ്ങൾ എല്ലാരും…..

ഇതൊക്കെ കണ്ട് ആസ്വദിച്ചു ഇരുന്നപ്പോഴാ നമ്മുടെ ചെക്കന്മാർ ആണോവോ ഇനി അടി ഉണ്ടാകുന്നതെന്നു ഓർമ വന്നത്….

=======================================
ഒരുപാട് കാലം ആയിട്ടുള്ള ആഗ്രഹം ആയിരുന്നു ഒരു അടി നേരിട്ട് കാണണമെന്നു…അതോണ്ട് തന്നെ എല്ലാരും അവിടുത്തെ പെർഫോമൻസ് കണ്ട് കോരിത്തരിച്ചു നിക്കായിരുന്നു…

മുകളിൽ നിന്ന് നോക്കിട്ട് യൂണിഫോം ഇട്ട കുറെ പേരുടെ തല മാത്രെ കാണാൻ പറ്റുന്നുള്ളു…

അതിൽ ഒന്നും ശ്രീയെ കണ്ടതും ഇല്ല ….ഇനി ഇപ്പോ താഴെ പോയി നോക്കാമെന്നു കരുതി ഞങ്ങളും ഹാളിൽ നിന്നു ഇറങ്ങി..

സൈറയുടെ കൈ പിടിച്ചു എല്ലാരുടേം പിന്നാലെ ഞാനും ഓടി….ഒത്തിരി കഷ്ടപെട്ടാണ് സ്റ്റെയർ ഇറങ്ങിയത്… എല്ലാരും അടി കാണാൻ വേണ്ടി തിരക്കിട്ടാണ് ഓടുന്നത്…

നല്ല തിക്കും തിരക്കും ആയിരുന്നു….സ്റ്റെയർ വഴി കുറേ ഉന്തും തള്ളും കൊണ്ട് എങ്ങനെയൊക്കെയോ താഴെ എത്തി..

ഗ്രൗണ്ട് ഫ്ലോറിൽ എത്തിയതും നോക്കിയപ്പോ പുറത്തേക്കുള്ള മൂന്ന് ഗ്രില്ലുകളും… ഫ്രണ്ടിലെ ഗ്ലാസ്‌ ഡോറും ലോക്ക് ചെയ്തിട്ടുണ്ട്…..