ശിവശക്തി 3 [പ്രണയരാജ] 265

കുഞ്ഞിനെ ചിഞ്ചു എടുത്താൽ കാളി അതു കണ്ടാൽ . അതു മാത്രം ആണ് അവളുടെ പേടി . അവൾക്കു ലഭ്യമായ ദർശന, സ്പർഷന സ്വാതന്ത്ര്യം നഷ്ടമായാൽ, വാവയെ അവൾക്ക് നഷ്ടമാകും എന്നന്നേക്കും.

?????

നാഗ ലോകത്ത് ഇന്ന് ശിവപൂജയാണ്. നാഗഭൈരവിയുടെ അത്യപൂർവ്വ നാഗസമർപ്പണ പൂജ. ഇച്ഛാ രൂപിയായ നാഗം തൻ്റെ മാനവ – നാഗരൂപങ്ങൾ സമ്മിശ്രമായി ചെയ്യുന്ന താണ്ഡവം.

നാഗ ലോകത്തെ മരതകക്കല്ലിൽ തീർത്ത ശിവലിംഗത്തിനു മുന്നിലാണ് ഈ പൂജ ചെയ്യേണ്ടത്. കൂവള മാല ചാർത്തിയ ശേഷം ശിവപ്രിയ ഭസ്മം ദേഹമാസകലം തേക്കും പിന്നെ ആ വലിയ വൃത്തത്തിൽ നിറയെ ഭസ്മം നിറച്ച് അതിൽ താണ്ഡവം ആടണം, ഗംഗാപ്രവാഹം നിലയ്ക്കും വരെ.

ശിവലിംഗത്തിനരികിൽ വച്ചിരിക്കുന്ന ഡമുരുവിൽ ഉയർച്ചയിൽ നിന്നും വന്നു പതിക്കുന്ന ഗംഗ, അവൾ തുള്ളിയായും ശക്തിയോടെയും പല വിധത്തിൽ ഡമരു സ്പർഷിച്ചു കൊണ്ടേ ഇരിക്കും. ആ സമയം ഉണരുന്ന ശിവതാളത്തിനൊത്ത് ചുവടു വെക്കുക എന്നത് അതി കഠിനം . നാഗഭൈരവി നാലുവട്ടം തോൽവി നേരിട്ടതാണ്. എങ്കിലും അവൾ ശ്രമിച്ചു കൊണ്ടിരിക്കുന്നു.

നാഗ ഭൈരവി പുജാമുറിയിലേക്ക് വന്നിരിക്കുന്നു. പുലിത്തോലാൽ തീർത്ത ഉടയാടകൾ ധരിച്ച്, മുത്തുമാലകളും മുത്തുകളാൽ നിർമ്മിതമായ അലങ്കാരവും കൈയ്യിൽ കൂവളമാല, കാലിൽ ചിലങ്കയും അണിഞ്ഞ് മന്ദം മന്ദം ശിവലിംഗത്തിനരിക്കേവൾ അടി വെച്ചു.

കൂവളമാല ശിവനു സമർപ്പിച്ച ശേഷം അവൾ അവിടെ കരുതി വെച്ച ഭസ്മം തൻ്റെ ദേഹത്ത് ലേപനം ചെയ്തു. പിന്നെ ഭസ്മവൃത്തത്തിൽ പോയി നിന്ന് ഭൂമി വന്ദനം ചെയ്തു. ഈ പൂജയിൽ ചില നിയമാവലികളുണ്ട്. ആ വൃത്തത്തിനു വെളിയിൽ നർത്തക പോകരുത്. ഗംഗാ പ്രവാഹം നിലയ്ക്കുമ്പോൾ നൃത്തത്തിൽ തൻ്റെ കാലുകൊണ്ട് തീർത്ത ശിവരുപം ആ ഭസ്മ വൃത്തത്തിലുണ്ടാകണം. അതിന് പൂർണ്ണ വേണം , ഗംഗാ പ്രവാഹം നിലയ്ക്കും വരെ നൃത്തം ചെയ്യണം ചുവടുകൾ പിഴക്കാൻ പാടില്ല. വിജയിച്ചാൽ നാഗമണിയുടെ അംശമായ നാഗമാണിക്യം സ്വന്തം.

ഭസ്മ വൃത്തത്തിൽ നിന്ന നാഗഭൈരവി നാഗരൂപനെ നേക്കി മിഴകളാൽ സമ്മതം പറഞ്ഞതും ശഖുനാദം മുഴങ്ങി. അടുത്ത നിമിഷം ഡമരുവിൽ ആദ്യ ഗംഗാജലകണം താളം പൊഴിച്ചു. തുള്ളി തുള്ളിയും ഒന്നിച്ചും താളാത്മക സംഗിതം അലയടിച്ചു.

ടും … ടും ടും…. ടും….. ഡും…. ടും….
ടും … ടും ഡും…ടും…. ടും….. ഡും…. ടും….
ഡും … ടും ടും…. ടും….. ഡും…. ടും….

ആ താളത്തിനൊത്ത് അവൾ ആടി തുടങ്ങി, കാലുകൾ ശിവജഡ രചിക്കുവാനും. അവളിലെ ആവേശം മറ്റു നാഗങ്ങളെ ആശ്ചര്യചകിതരാക്കുമ്പോൾ, നാഗ റാണിയിൽ ആത്മവിശ്വാസവും വർദ്ധിച്ചു വന്നു.