ശിവശക്തി 3 [പ്രണയരാജ] 265

ഗ്ലോബീമ്സ് ഇവിടെ കാണുന്ന ചെറു ജീവിയാണ് . ഒന്നര ഇഞ്ച് മുതൽ രണ്ടര ഇഞ്ച് വരെ ഇവയ്ക്ക് വലിപ്പമുണ്ടാകും. വൃത്താകൃതിയാണ് ഇവയ്ക്ക്, അതിൽ നാല് നീളൻ കാലുകൾ ആണ് ഇവയുടെ പ്രത്യേകത. രാത്രി സഞ്ചാരിയാണ് ഇവ , ആയതിനാൽ തന്നെ മിന്നാമിനുങ്ങുകളെ പോലെ ഇവയും പ്രകാശം പരത്തും. ഒരു പന്തിൽ കണ്ണും മൂക്കും വായയും വരച്ചാൽ എങ്ങനെ ഇരിക്കുമോ അതാണ് ഇവയുടെ രൂപം , ഒപ്പം നാല് നീളൻ കാലുകളും.

?????

കുളിപ്പിച്ചു കഴിഞ്ഞ കാർത്തുമ്പി അവനെ പുത്തൻ ഉടുപ്പുകൾ അണിയിച്ചു. ശേഷം കാളിയെ നോക്കാൻ ഏൽപ്പിച്ച് അവൾ സ്വന്തം വീട്ടിലേക്കു മടങ്ങി. കളിക്കും കാർത്തുമ്പിയോടുള്ള മനോഭാവത്തിൽ കാര്യമായ മാറ്റങ്ങൾ വന്നുവെങ്കിലും കാളി പഴയ കാളി തന്നെ ആയിരുന്നു.

ശിവയെ നിലത്തിരുത്തി കാളി അവനരികിൽ ഇരുന്നു. അവനോടായി ഓരോന്നു പറയാൻ തുടങ്ങി.

അച്ഛൻ്റെ പൊന്നു മോൻ പാപ്പം കഴിച്ചോ.. .

ചക്കര കുട്ടാ….

തക്കുടു മണിയെ…

ഈ സമയം അവൻ ശിവയായിരുന്നില്ല , അപ്പുവായിരുന്നു. അവൻ്റെ മിഴികൾ തേടിയത് അവളെ ആയിരുന്നു. കർത്തുമ്പിയെ…..

ചച്ചി………

ഓ…. തൊടങ്ങി അവൻ്റെ ചച്ചി….

ടാ… ഇവിടെ നോക്കെടാ.. .

ശിവാ……

അവൾ പാവാ… ആ കാർത്തുമ്പി….

അവൾ മാലാഖയാടാ….. ചെക്കാ….

ശാപം കിട്ടി മനുഷ്യ സ്ത്രീ ആയതാ,….

അതും പറഞ്ഞ് കാളി പൊട്ടിച്ചിരിച്ചു, കാളിയുടെ ചിരി നോക്കി കുഞ്ഞു ശിവ നോക്കി നിന്നു.

അതാടാ… അവൾ ഇങ്ങനെ ഒക്കെ..

മോൻ കണ്ടത് അവളെ മാത്രമാ… അച്ഛൻ അങ്ങനെ അല്ല….

ശിവ നോക്കിയേ…. പെണ്ണിനെ വിശ്വസിക്കരുത് മോനെ ഒരിക്കലും

ശിവ ….. മോനെ അവര് ചതിക്കും…

സൗന്ദര്യം അവരുടെ ആയുധം

വശീകരണം അവർക്ക് കൈവന്ന കലയാ….

ടാ…. ചെക്കാ കേക്കുന്നുണ്ടോ നീ…

നിൻ്റെ ചച്ചി മാത്രമേ…. ഇങ്ങനെ ഉള്ളു……

അവളൊരു മാലാഖയാ.. വേറെ ആരെയും നീ വിശ്വസിക്കരുത്…

എൻ്റെ അവസ്ഥ എൻ്റെ കുഞ്ഞിന് വരരുത്.. ‘

കാളി അവനിൽ ലയിച്ചു ചേർന്ന സ്ത്രീകളോടുള്ള വൈരാഗ്യവും കാഴ്ച്ചപാടും തൻ്റെ മകനിലേക്കും പകരാൻ ശ്രമിച്ചു കൊണ്ടിരുന്നു. അവനെ കിട്ടിയ നാൾ മുതൽ കാളി ഈ കാര്യങ്ങൾ അവനോടു പറയാൻ തുടങ്ങി, ആ കുഞ്ഞു മനസിൽ ആ വിഷം പടർത്താൻ അയാൾ ശ്രമിച്ചു കൊണ്ടിരുന്നു.

(തുടരും….)