?എൻ്റെ ടീച്ചർ അഥവാ എൻ്റെ ചേട്ടത്തിയമ്മ 6 ?[ADM] 1699

 

അഭി റൂമിൽ നിന്നിറങ്ങി പോയതും എല്ലാവരും ഒരേ നിൽപ്പ് തുടർന്ന്…. കേട്ടതിൽ ഒന്നും ഒരു വ്യെക്തത അവർക്ക് കിട്ടിയില്ലേലും ഒന്ന് അവർക്ക് മനസിലായിരുന്നു…

 

“ശിവകുമാർ അഭിയെ കൊല്ലാൻ ആളെ അയച്ചിരുന്നു… അയാളെ പക്ഷെ ആദി അങ്ങ് കാലാപുരിക്ക് അയച്ചു… കാരണം ആർക്കും മനസിലായില്ലെങ്കിലും ഉത്തരം ഇതാണ്…

 

പക്ഷെ കത്തി ജ്വലിച്ചു നിൽക്കുന്ന സൂര്യ നേരെ ശിവകുമാറിന്റെ അടുത്തേക്ക് നടന്നു….

 

അയാൾ അവളുടെ നോട്ടം താങ്ങാൻ ആവാതെ തലകുനിച്ചു തന്നെ നിന്നു… എല്ലാവരും ഇവരെ തന്നെ നോക്കി നിന്നു…. എന്താ സംഭവിക്കുന്നതെന്നറിയാൻ…..

 

“ഞാൻ കേട്ടത് സത്യമാണോ അച്ഛാ…. അച്ഛൻ അഭിയെ കൊല്ലാൻ ആളെ അയച്ചോ…?”

 

അയാൾ ഒന്നും സംസാരിക്കാൻ ആവാതെ തലകുനിച്ചു തന്നെ നിന്നു…

 

“അച്ഛാ…. അച്ഛനോടാ…. അച്ഛൻ അവനെ കൊല്ലാൻ ആളെ അയച്ചോ എന്നു….”

 

തല കുനിച്ചു നിന്ന അയാൾ കുറ്റം ഏറ്റ പോലെ തലയാട്ടി….

 

അത് കണ്ടതും അമ്മ വീണ്ടും ബെഡിലേക്ക് ഇരുന്നു പോയി…

 

ആര്യയും തന്റെ അച്ഛൻ ചെയ്ത കാര്യം ഓർത്തു ലജ്ജിച്ചു തല തിരിച്ചു..

 

കുഞ്ഞിനേയും എടുത്ത് നിൽക്കുന്ന ശ്രീയുടെ തോളിലേക്ക് അമ്മു തലപ്പൂയ്തി…

 

അയാളുടെ ഭാര്യയും അപമാനത്താൽ തലകുനിച്ചു

 

അഖിക്കും അതൊരു അപമാനം പോലെ തോന്നിയെങ്കിലും… സൂര്യയോടുള്ള ദേഷ്യം അവനെ അത് പുറത്തു കാണിക്കാൻ സമ്മതിച്ചില്ല…

 

“ചെ… അവൾ പുച്ഛത്തോടെ മുഖം തിരിച്ചു…

 

സംഗടം കൊണ്ടും വിഷമം കൊണ്ട് ചുവന്നു തടിച്ചിരുന്ന സൂര്യയുടെ മുഖം ദേഷ്യം കൊണ്ട് ചുവക്കുന്നത് അവിടെ ഉള്ളവർ കണ്ടു…