💘 സ്വർഗ്ഗം 💘 7[ꫝ𝚓𝚎𝚎𝚜𝚑] 373

 

ഞാനും, കീത്തുവും, അമ്മയും, അച്ഛനും, ചേച്ചിയുമൊക്കെയായി… Wow സ്വർഗ്ഗം…!

 

ഇനി രണ്ടാമത്തേത്… ആ കഷ്ട്ടക്കാലം അതെന്റെ ഉച്ചിയിൽ തന്നെ വന്ന് വീണിരുന്നു…!

 

 

“പൊന്നാ…”

 

“മ്മ്…”

 

“പൊന്നു എണീക്ക്…”

 

“കെഞ്ചി ചോയ്ക്കുവാ, ഒന്നുറങ്ങാൻ വിടോ…?”

 

“ഉറങ്ങിക്കോ, ഉറങ്ങിക്കോ…! നിനക്കുറങ്ങാൻ വയ്യാത്തത് എന്താ…? വിശന്നിട്ടെനിക്ക്… എനിക്കുറക്കം വരുന്നില്ലേ…! ഞാനിപ്പോ ചാവുവേ…! അല്ലാ, ഇതൊക്കെ ഞാനാരോട് പറയാനാ…? ആര് കേക്കാനാ…?”

 

ബ്ലാക്ക് മെയിൽ അതവൾക്ക് പുത്തരിയുള്ള കാര്യമല്ല…!

 

“എന്താ പറ…!”

 

“ഒന്നൂല്ല…! ഉറക്കം പോയെന്റെ ദേഷ്യം കാണുന്നുണ്ട്. എനിക്കൊന്നും വേണ്ട. ഞാനെല്ലാം സഹിച്ചോളാം…!”

 

ചേച്ചി ദേ പിന്നേം…!

 

“എന്റെ ചക്കര, തേങ്ങ പുണ്ണാക്ക് വാവാച്ചിയല്ലേ…? പറയ്യ്., എന്താ എന്റെ പൊന്നൂന് വേണ്ടേ…?”

 

“വാവക്ക് വിശക്കുവാ പൊന്നുവേ…!”

 

“എന്റെ വാവാച്ചി ഇപ്പഴല്ലേ ഒരു ചട്ടി ചോറ് തിന്നേ…?”

 

“കണ്ണിടല്ലേ പൊന്നു, ഇപ്പൊ ഞാൻ മാത്രല്ലല്ലോ ഉള്ളേ…? നമ്മിടെ കുഞ്ഞൂസ്സിനും വിശക്കൂലേ, അതും ഞാനല്ലേ കഴിക്കണ്ടേ…!”

 

Oops…!

 

“ഇപ്പൊ ആർക്കാ വിശപ്പ്…? കുഞ്ഞൂസ്സിനോ… എന്റെ വാവാച്ചിക്കോ…?”

 

“രണ്ടാൾക്കും…! മസാല ദോശ തിന്നണം പോലുണ്ട്…!”

 

2 am. മസാല ദോശ…! kidding me…?

 

“വാവേ…, മണി രണ്ടായി…! ഈ നേരത്ത് മസാല ദോശ…?”

 

“വേണ്ട…, എനിക്കൊന്നും വേണ്ട…! ഞാനും കുഞ്ഞും പട്ടിണി കിടന്നോളാം…!”

 

“വേണ്ട വേണ്ട ഞാൻ ദേ ഇറങ്ങി…!”

 

ഭഗവാനെ ഇതെന്തര് പരീക്ഷണം ഇത്…! Season 1 ൽ ഉപദ്രവങ്ങൾ മാത്രം സഹിച്ചാൽ മതിയായിരുന്നു, ഇതിപ്പോ ഓരോ പരീക്ഷണങ്ങളും സഹിക്കണം… ഇങ്ങനെ ആണേൽ season 3 തുടങ്ങുമ്പോ തന്നെ ഞാൻ വടിയായേക്കും.

 

happy end ൽ നിർത്തണം എന്ന് അവനോട് പലയാവർത്തി പറഞ്ഞതാണ്., അപ്പൊ ആ പുല്ലൻ പറഞ്ഞു, season 3 ല് നിർത്താന്ന്. 🤪 മണ്ടമറിയാൻ…!

 

 

“പൊന്നൂ…”

 

“ന്താ വാവേ…?”

 

“പൊറോട്ടയും ചിക്കനും…!”

 

കരയണോ ചിരിക്കണോ…? അതിനൊന്നും ഇപ്പൊ നേരമില്ല… വയറും വാടകക്ക് എടുത്ത് ഒരുത്തി കിടപ്പുണ്ട്., വൈകി കഴിഞ്ഞാൽ എന്നെ എടുത്ത് വിഴുങ്ങാൻ പോലും അവള് മടിക്കില്ല…!

 

“ഇപ്പൊ വാങ്ങീട്ട് വരാമേ…!”

 

“മ്മ്…”

 

മൂപ്പരുടെ ഒരു ചിരിയുണ്ട്., അതാ എന്നെ പേടിപ്പിക്കണേ…!

 

മസാല ദോശ വയറ്റിലോട്ട് ചെന്നിട്ട് ഒരു മണിക്കൂർ ആവുന്നേയുള്ളൂ… ഇവൾക്ക് കൊക്കോ പുഴുവിന്റെ അല്ല, കൊക്കോ ആനയുടെ അസുഖമാണെന്നാ തോന്നണേ…!