💘 സ്വർഗ്ഗം 💘 4[ꫝ𝚓𝚎𝚎𝚜𝚑] 39

“…ഈറന്‍ മേഘം പൂവും കൊണ്ടേ

പൂജയ്ക്കായ് ക്ഷേത്രത്തില്‍ പോകുമ്പോള്‍

പൂങ്കാറ്റും സോപാനം പാടുമ്പോള്‍

പൂക്കാരി നിന്നെ കണ്ടു ഞാന്‍…

 

മഴ കാത്തു കഴിയുന്ന മനസ്സിന്റെ വേഴാമ്പല്‍

ഒരു മാരിമുകിലിനെ പ്രണയിച്ചു പോയ്

പൂവമ്പനമ്പലത്തില്‍ പൂജയ്ക്കു പോകുമ്പോള്‍

പൊന്നും മിന്നും നിന്നെ അണിയിക്കും ഞാന്‍…

ആ..ആ..ആ..ആ…. ആ..

വാനിടം മംഗളം ആലപിക്കേ..

ഓമനേ നിന്നെ ഞാന്‍ സ്വന്തമാക്കും…

 

ഈറന്‍ മേഘം പൂവും കൊണ്ടേ

പൂജയ്ക്കായ് ക്ഷേത്രത്തില്‍ പോകുമ്പോള്‍

പൂങ്കാറ്റും സോപാനം പാടുമ്പോള്‍

പൂക്കാരി നിന്നെ കണ്ടു ഞാന്‍…

 

വെണ്‍‌മേഘ ഹംസങ്ങള്‍ തൊഴുതു വലംവെച്ചു

സിന്ദൂരം വാങ്ങുന്ന ഈ സന്ധ്യയില്‍..

നെറ്റിയില്‍ ചന്ദനവും ചാര്‍ത്തി നീ അണയുമ്പോള്‍

മുത്തം കൊണ്ടു കുറിചാര്‍ത്തിയ്ക്കും ഞാന്‍..

ആ..ആ..ആ..ആ.. ആ..

വേളിക്കു ചൂടുവാന്‍ പൂ പോരാതെ

മാനത്തും പിച്ചകപ്പൂ വിരിഞ്ഞു…

 

ഈറന്‍ മേഘം പൂവും കൊണ്ടേ

പൂജയ്ക്കായ് ക്ഷേത്രത്തില്‍ പോകുമ്പോള്‍

പൂങ്കാറ്റും സോപാനം പാടുമ്പോള്‍

പൂക്കാരി നിന്നെ കണ്ടു ഞാന്‍… ”

 

“ഓഹ് പാട്ട് ഓഫ് ചെയ്യടി…!”

 

“അതിന് ഞാൻ പാട്ടൊന്നും ഇട്ടിട്ടില്ലടാ…!”

 

ഇറങ്ങി കിടന്ന തലയെ, വീണ്ടും എടുത്തവൾ എന്റെ നെഞ്ചിലേക്ക് തന്നെ വച്ചിരുന്നു. നഗ്നമായ തുടയെ, എന്റെ വയറ്റിലേക്കും…!

 

പാട്ടിട്ടത് അവളല്ലേൽ, പിന്നെ ആ അയൽക്കാരൻ തെണ്ടി രാഘവൻ ആയിരിക്കും., അവന് എന്നെ കാണുമ്പോ അല്ലേലേ ചൊരുക്ക് കൂടുതലാ. പട്ടി…! എന്തായാലും നല്ലൊരുറമായിരുന്നു, നശിപ്പിച്ചു…!

 

“നീങ്ങി കിടക്ക് അങ്ങോട്ട്…”

 

അവളേ കുറച്ചല്പം അങ്ങ് നീക്കി കിടത്തി, പുതപ്പിച്ച് ഞാനെഴുന്നേറ്റു…!

 

എന്താപ്പോ ചെയ്യാ…? അഹ്., പോയി ചായ ഇട്ടേക്കാം, എന്നും അവളല്ലേ ഇതൊക്കെ ചെയ്യണേ പാവം…!

 

ഇന്നലെപ്പഴോ അവൾക്ക് ഭ്രാന്ത് പിടിച്ചെന്റെ ബനിയനും നിക്കറുമൊക്കെ ഊരി എവിടൊക്കെയോ എരിഞ്ഞതാണ്., അതില് ബനിയൻ കിട്ടിട്ടുണ്ട്, but നിക്കർ…! Where are you, iam here…

 

ഇച്ചിരി പാട് പെട്ടെങ്കിലെന്താ, ഫാനിന്റെ ലീഫിൽ നിന്ന് എന്റെ നിക്കർ കിട്ടിയല്ലോ…! പിന്നതും എടുത്തിട്ട് അടുക്കളയിലോട്ട് ഓടി…!

 

ഒരു ചായ ഇട്ടപ്പോഴേക്കും വിയർത്ത് ഒരു പരുവമായിരുന്നു… ഇട്ടിരുന്ന ബനിയന്, വെള്ളം നനഞ്ഞ അവസ്ഥയായിരുന്നു. അല്പം വിയർത്തെങ്കിൽ പോലും, ചായ ready…!

 

“കീത്തൂ…കീത്തുവേ…”

 

“അഹ്…”

 

“എണീക്ക്…”

 

“സമയം എന്തായി…?”

 

“മണി ആറര…!”

 

“അര മണിക്കൂറൂടെ കിടന്നോട്ടെ പൊന്നാ…”

 

“ശ്ശോ, ഇതറിഞ്ഞിരുന്നേൽ ഞാൻ ചായ ഇടില്ലായിരുന്നല്ലോ…!”

 

“ഏഹ് നീ ചായ ഇട്ടോ…?”

 

“അഹ്…!”

 

ആ കണ്ണുകൾ നിറയെ അത്ഭുതം ആയിരുന്നു…!

 

“എന്താടി…? ദേ പിടിച്ചേ…!”

 

അവളോടൊപ്പം ഇരുന്ന് കുടിച്ചു., ദോഷം പറയരുത്, അസാധ്യ കാപ്പി ആയിരുന്നു…!

 

“നല്ല കാപ്പി പൊന്നുവേ…!”

 

“thnks ടി…!”

 

ചായയിൽ ആണ് തുടങ്ങിയത്, എന്നാ കാപ്പി ആയി പോയെന്ന് ഇപ്പഴാ ശെരിക്കും മനസ്സിലാവണേ…!

 

“പൊന്നൂ…”

 

“മ്മ്…”

 

“നിനക്ക് പനി വന്നപ്പോ വാങ്ങിയ ഗുളിക ഉണ്ടോടാ…?”

 

“അതൊക്കെ അന്നേ തീർന്നില്ലേ…? എന്താടി…?”

 

“ചെറിയൊരു പനി പോലെ…!”

 

“പനി പോലെയോ., എവിടെ നോക്കട്ടെ…”

 

നെറ്റിയിലും കഴുത്തിലുമൊക്കെ തൊട്ട് നോക്കി, ചെറിയൊരു ചൂടേയുള്ളൂ.

 

“ഇനിയിപ്പോ കുളിക്കാനൊന്നും നിക്കണ്ട, ഹോസ്പിറ്റലിലേക്ക് അല്ലേ പോണേ., അവിടുന്ന് എടുത്ത് കഴിക്ക്…”

 

എന്നിട്ടുമൊരു ഉത്സാഹം കാണുന്നില്ല, സാധാരണ ഈ നേരത്തൊക്കെ എന്റെ മണ്ടേൽ കുതിര കേറിയിരുന്ന പെണ്ണാ…

 

“നീ ഇങ്ങനെ ഇരിക്കല്ലേ കീത്തുവേ… നീ ഇന്ന് ലീവ് എടുക്ക്., ഞാൻ പുറത്ത് പോയി പോയി ഗുളിക വാങ്ങീട്ടും വരാം…!”

 

“വേണ്ട, വേണ്ട… ആകെ കൂടെ ഇന്നലൊരു ദിവസാ പോയേ… മാറ്, ഞാൻ പോയി കഴിക്കാൻ ഉണ്ടാക്കട്ടെ…”

 

“വയ്യെങ്കിൽ പിന്നെ ഉണ്ടാക്കാൻ നിക്കണ്ടടി…”

 

“സാരല്ല…!”

 

ഭൂമി കുലുങ്ങിയാലും, സുനാമി വന്നാലും സാരല്ല…!

 

“പൊന്നുവേ ഞാനിറങ്ങുവാ… ഉച്ചക്ക് അങ്ങ് വന്നേക്കണേ…”

 

“ഓഹ്…!”

 

“ദാ ഇത് വച്ചോ…!”

 

നൂറ് രൂപം ഒരു കുഞ്ഞ് മുത്തവും തന്നവൾ ഇറങ്ങാൻ ധൃതി കാട്ടി…!

 

“ദേ, ചെന്നുടനെ ഗുളിക കഴിക്കണേ…”

 

പിന്നാലെ ഓർമിപ്പിച്ചിരുന്നു… അതിന് മറുപടി ചിരിയായിരുന്നു, കഴിക്കുമോ ആവോ…!

 

 

ഇന്ന് വല്ലാത്ത വിശപ്പ് പോലൊക്കെ തോന്നുന്നു, സമയം ആണേൽ 11.30 ആവുന്നതേയുള്ളൂ… ഇപ്പോഴേ പോയാ അവളെന്ത്‌ വിചാരിക്കും…, കുറച്ചൂടെ കഴിയട്ടെ…!

 

എന്നാലങ്ങനെ ചിന്തിച്ച് ഇരിക്കുമ്പോഴാണ്, എന്റെ മനസ്സ് അറിഞ്ഞത് പോൽ കീത്തു പെണ്ണ് ഇങ്ങോട്ട് വിളിക്കണേ…!

 

 

“ഹലോ പൊന്നുവേ…”

 

മുക്കും വലിച്ച് അടഞ്ഞ് പോയിരുന്ന ശബ്ദത്തെ പോലും അവഗണിച്ച് അവൾ നീട്ടി വിളിച്ചു… രംഗം പന്തിയല്ല…!

 

“എന്താടി…? എന്താ ശബ്ദമൊക്കെ വല്ലാണ്ട്…? എന്താ കീത്തുവേ…?”

 

ഒരു ചോദ്യത്തിൽ നിർത്തേണ്ടത് ആണ്, പക്ഷെ എന്ത് ചെയ്യാം., പാസമലർ husband ടാ 🔥😎

 

 

“ഒട്ടും വയ്യ പൊന്നുവേ…, ഒന്ന് ഇത്രേടം വരെ വരുവോ ടാ…? ഒറ്റക്ക് വരാൻ ആവൂല്ലടാ…!”

 

“വാവേ… ഞാൻ ദേ വരണ്… പോവണ്ടാന്ന് പറഞ്ഞാൽ കേക്കത്തുമില്ല…”

 

ഫോണും കട്ടാക്കി ഞാനിറങ്ങി… പനിയൊക്കെ പിടിച്ചപ്പോ കോവിലകത്തെ ഭാഷ വരെ എന്റെ കീത്തു പറഞ്ഞു… ഇത്രേടം വരെ…! ആ അവസ്ഥയിലും ചിരി വന്ന് പോയി…

 

ജല്ലജലാലൂ….

 

“ചേട്ടാ ഒന്ന് wait ചെയ്യണേ…!”

 

ഓട്ടോക്കാരനോട് അത്ര മാത്രം പറഞ്ഞ് ഞാൻ ഫാർമസിയിലേക്കോടി…

 

പാവം., തളർന്ന് വാടി ചെയറിൽ കാലിന് മുകളിൽ തലയും ചാച്ച് ഇരിക്കുന്നത് കണ്ട്, ഉള്ളൊന്ന് ആളിയിരുന്നു…

 

“കീത്തുവേ…”

 

എന്നെ കണ്ട് ചിരിക്കാൻ നോക്കിയെങ്കിലും പനി എന്ന കാലൻ ചുമയിലൂടെ അവളുടെ ചിരിയേ മറച്ചിരുന്നു…

 

“ദാ പൊന്നാ, പോയി വല്ലോം കഴിച്ചിട്ടും വായോ…!”

 

ഓഹ് പാസം മൂത്ത് നിക്കുവാ അവൾക്ക്., ആ അവസ്ഥയിലും ബാഗീന്ന് അഞ്ഞൂറിന്റെ നോട്ടെടുത്ത് എന്റെ നേരെ നീട്ടി.

 

“സമ്മതിച്ച്, നീ അംബാനിയുടെ മോള് തന്നെയാ…!”

 

”എന്താ…?”

 

“നീ ഇങ്ങോട്ട് വന്നേ… ഓട്ടോ അവിടെ wait ചെയ്യുവാ…”

 

“ഉച്ചക്കത്തേക്ക് ഒന്നും വീട്ടിൽ ഇരുപ്പില്ല പൊന്നാ… നിനക്ക് വല്ലോം കഴിക്കണ്ടേ…?”

 

“ദാണ്ട് പെണ്ണേ… ഹോസ്പിറ്റൽ ആണെന്നൊന്നും ഞാൻ നോക്കൂലാ, ഇങ്ങോട്ട് വന്നേ നീ…”

 

“അതേ ഡോക്ടർ എഴുതിയിരിക്കുന്ന ഗുളികയാണേ., കഞ്ഞി കൊടുത്തിട്ട് കഴിപ്പിച്ചേക്കണേ…!”

 

“അഹ്…!”

 

ഫാർമസിക്ക് അകത്ത് നിന്നും അതും വാങ്ങി, കീത്തുനേം പിടിച്ച് ഞാൻ ഓട്ടോക്ക് അടുത്തേക്ക് നടന്നൂ…

 

“വാ പയ്യെ കേറ്…!”

 

അവളേം ആദ്യം കേറ്റിയിരുത്തി ഞാനുമിരുന്നു. വീട് എത്തും മുന്നേ തന്നെ അടുത്തുള്ള കടയിൽ കേറി ഒരു കവറ് പൊടിയരിയും വാങ്ങിയിരുന്നു…!

 

“വാ കേറ്…”

 

ഓട്ടോക്കുള്ള പൈസയും കൊടുത്ത് അവളേം കൊണ്ട് അകത്തെ മുറിയിലേക്ക് പോയി.

 

“മര്യാദക്ക് ഞാൻ പറഞ്ഞതാ, ഇന്ന് ലീവ് എടുക്കെന്ന്… അതെങ്ങനെ പറഞ്ഞാ കേക്കണം…! മൂത്തവര് ചൊല്ലും ആനപുളിഞ്ചിക്ക, ആദ്യം പുളിക്കും പിന്നെ മധുരിക്കും…”

 

പിണക്കം നടിച്ച് ഞാൻ തിരിയുമ്പോ കണ്ടിരുന്നു, എന്റെ പരാക്രമങ്ങൾ ഒക്കെയും കണ്ടുള്ള അവളുടെ കുഞ്ഞു ചിരി…!

 

“കിടന്നോ കീത്തുവേ… ഞാൻ പോയി കഞ്ഞി ഉണ്ടാക്കാം…!”

 

“പൊന്നുവേ…”

 

“പേടിക്കണ്ട ടി… നീ ഉണ്ടാക്കും പോലെ രുചി ഉണ്ടാവോന്നറിയില്ല, എങ്കിലും വായില് വക്കാനൊക്കെ പറ്റും…!”

 

അവൾക്കുറപ്പും കൊടുത്താണ് അടുക്കളയിലോട്ട് കേറണേ… കീത്തുന് എന്നുമൊരു കൈ സഹായം ചെയ്യും എന്നത് അല്ലാതെ… എനിക്കീ പാചകം ഒന്നും തീരെ വശമില്ല…

 

എന്റെ അമ്മച്ചി… മിന്നിച്ചേക്കണേ…!

 

എന്റെ ചങ്ങായിമാരെ…, ഇന്നപ്പോ നമ്മക്കൊരു പൊടിയരി കഞ്ഞിയായാലോ…? ദേ നിസ്സാരമായി തയ്യാറാക്കാം… നമ്മടെ ചാനലിൽ ഇതിന്റെ ഫുൾ വീഡിയോ കിടപ്പുണ്ട്… കേറി കാണേന്റെ ചങ്ങായി…

 

കേറി കണ്ടു., കുറെയൊക്കെ മനസ്സിലായി. അതുവച്ച് അങ്ങ് പണിയാൻ തുടങ്ങി… അരിയിടാൻ വെള്ളം വച്ചത് മുതൽ, അവസാനം മുളകും പുളിയുമുടച്ച് ഒരു ചെറിയ ചമ്മന്തി ഉണ്ടാക്കിയത് വരെ അത്രയും ശ്രദ്ധയോടെ., കാരണം ഇതിന്റെ കീത്തുന് വേണ്ടിയാ…!

 

💘