💘 സ്വർഗ്ഗം 💘 [ꫝ𝚓𝚎𝚎𝚜𝚑] 245

 

മ്മ്., ഇന്നത്തെ ദിവസം ഫുള്ള് ഹാപ്പി തന്നായിരിക്കും. എന്റെ തെക്കുള്ളപ്പുപ്പാ, എന്നേ നിങ്ങള് തന്നെ കാത്തോണേ…!

 

“കീത്തുവേ…, ശെരി പിണങ്ങണ്ട, ഞാനുറങ്ങുന്നില്ല പോരെ…”

 

ദേഷ്യം ഉണ്ടേലും അത് കാണിക്കാൻ പറ്റോ, അവള് പച്ച മടല് വെട്ടി അറയും. അതുകൊണ്ട് വലിച്ചെറിഞ്ഞാ പുതപ്പിനോട് തന്നെ ഉള്ള ദേഷ്യം മൊത്തം പ്രകടിപ്പിച്ചു., അല്ല പിന്നെ…!

 

“ഇതൊന്നും അത്ര നല്ല ശീലം അല്ലെന്റെ പൊന്നുവേ…!”

 

കഴുത്തിലൂടെ കൈ ചുറ്റി, മൂക്കിന്മേൽ മൂക്കുരസ്സി, ചുണ്ടൊക്കെ പിളർത്തി പറയണ കേട്ടപ്പോ എനിക്കാണേൽ അന്നേരം ചിരിയാണ് പൊട്ടിയത്.

 

“എന്നാലേ ഇതുമത്ര നല്ല ശീലം അല്ലാ…!”

 

കടി കിട്ടിയ കവിളുഴിഞ്ഞ് ഞാനും ചുണ്ട് പിളർത്തുമ്പോ, ആ മുഖത്ത് കുസൃതിയാണ്. ഒരു നിമിഷം ഇളിച്ചവൾ കടി കിട്ടിയ ഭാഗത്ത് അമർത്തി ചുംബിച്ചു…!

 

“ആാാാ പോടി…”

 

ആ ചുംബനത്തിൽ ലയിച്ചിരിക്കാനുള്ള ഗ്യാപ്പ് പോലും തരാതെ അവള് വീണ്ടും എന്നെ കടിച്ചിട്ട് ഓടി…!

 

കൂടെയോടി രണ്ട് കൊടുക്കാൻ തീരുമാനിക്കുമ്പോ, പിടിച്ച് വച്ച പോലെ ഞാൻ നിന്നുപ്പോയി.

 

കേറി പോയ സ്ഥലം അടുക്കളയാണ്. ആയുധങ്ങൾ ഒരുപാട് ഉണ്ടാകും. വെറുതെ എന്തിനാ ആ അര വട്ടത്തിക്ക് മുഴു വട്ടാക്കണേ…! ഒന്നൊതുങ്ങാം…!

 

പിന്നെ ബാത്‌റൂമിൽ പോയി ഫ്രഷ് ആയിട്ടൊക്കെ ഇറങ്ങി.

 

“പൊന്നുവേ, ബൂസ്റ്റെടുത്ത് വച്ചിട്ടുണ്ടേ. മുഴുവൻ കുടിക്കണേ., അപ്പഴേക്കും ഞാൻ കുളിച്ചിട്ടും വരാം. രാവിലത്തേക്ക് ചപ്പാത്തി മതീലോ…!”

 

പറയലും ചോദിക്കലുമൊക്കെ സ്ഥിരം മുറ പോലെ തന്നെ നടന്നു. ചിരിയോടെ ഞാൻ ഹാളിലേക്ക് നടക്കുമ്പോ അവൾ ബാത്‌റൂമിലേക്കും കേറിയിരുന്നു.

 

“എന്താ ഇത്രക്ക് ആലോചിക്കണേ…?”

 

ജന്മം ചെയ്താലും ഒതുങ്ങി ഇരിക്കാത്ത എന്റെ മുടിയെ നേർച്ചകളും പ്രാർഥനകളുമായി എങ്ങനൊക്കെയോ ഒന്നൊതുക്കിയത് ആയിരുന്നു. പക്ഷെ ആ ഒതുക്കിയ മുടിയെ മൊത്തമായും പിരുത്തിട്ട് അവൾ കൂടെ ഇരുന്ന് കിണിക്കുമ്പോ എനിക്കെന്നെ തന്നെ ദേഷ്യത്തിൽ നഷ്ടപ്പെടുന്നത് പോലെ.

 

ആഞ്ജനേയ സ്വാമീ…!

 

കൂടെ ഇരുന്ന് അവലക്ഷണം കെട്ട വെടല ചിരിയും ചിരിച്ച് അവളെന്നെ നോക്കുവാണ്, ആദ്യമായി കാണുന്ന കൂട്ട്…!

 

“മ്മ് എന്തേ…?”

 

“പൊന്നൂനെ കാണാനിപ്പോ ബച്ചേട്ടനെ പോലുണ്ട്…!”

 

ഒരു കുത്തലോടെ അവൾ പറഞ്ഞ് നിർത്തി. പിന്നെന്നെ നോക്കി അടക്കി വച്ച പൊട്ടി ചിരിയും.

 

“ബച്ചന്റെ അച്ഛൻ, എണീച്ച് പോടി…”

 

പാതി മാത്രം കുടിച്ച ബൂസ്റ്റും അവിടെ വച്ച് ഞാനെഴുന്നേറ്റ് റൂമിലേക്ക് കേറി. വിചാരിച്ച പോൽ പിന്നാലെ തന്നെ കേൾക്കുന്നുണ്ട് കൊലുസ്സിന്റെ ശബ്ദം…!