?ഇണക്കുരുവികൾ? [ പ്രണയരാജ] 158

?ഇണക്കുരുവികൾ?

Enakkuruvikal | Author :

Pranaya Raja



എൻ്റെ പേര്  നവീൻ , ഇടത്തരം കുടുംബത്തിലെ ആൺതരി. അച്ഛൻ അമ്മ അനിയത്തി  അടങ്ങുന്ന ചെറിയ കുടുംബം. എൻ്റെ എല്ലാ കുട്ടിക്കളിക്കും കൂട്ടുനിൽക്കുന്ന അമ്മ, എന്നു വെച്ച് ദേഷ്യം വന്നാ നല്ല പെട കിട്ടും  അത് വേറെ കാര്യം. ഞാനും അമ്മയും  ചങ്കാണ്, എന്തു കാര്യം ഒരു കൂട്ടുകാരി എന്നപ്പോലെ ഞാൻ ഷെയർ ചെയ്യാറുണ്ട്, ഞാൻ അമ്മയോട് ഇമോഷണലി അറ്റാച്ച്ട് ആണ്. അതു ഞാൻ പുറത്തു  കാട്ടാറില്ലേലും അമ്മയുടെ വാക്കുകൾ ഞാൻ തട്ടാറില്ല. അതാണ്  എൻ്റെ ജീവിതം മാറ്റി മറിച്ചതും.  അതു ഞാൻ വഴിയേ പറയാം.

അച്ഛൻ അങ്ങേർക്കു ഞാൻ ജീവനാണ് എന്നാൽ അതു പുറത്തു കാണിക്കാത്ത പ്രകൃതം, ചീത്ത പറയാനാണ് കൂടുതൽ ഇഷ്ടം, എന്നാൽ കളിത്തമാശയിലും  കൂടും. എന്നോട് പ്രേമിച്ചോളാൻ ഒക്കെ മൂപ്പരു തന്നെ പറഞ്ഞിട്ടും ഉണ്ട്. ഇന്നത്തെ കാലത്ത് പെണ്ണു കിട്ടാൻ പാടാണു പോലും അതെനിക്കിട്ടു വെച്ചതാണെന്ന് പലപ്പോഴും തോന്നിയിട്ടുണ്ട്. നല്ല കഠിനാധ്വാനിയാണ് കക്ഷി, അതു കൊണ്ട് തന്നെ കാശിനു പഞ്ഞമില്ല എന്നാൽ അനാവിശ്യ ചിലവുകൾ അനുവദിക്കില്ല. ഫോൺ  ബൈക്ക് പോലുള്ളവ സ്വയം പണിയെടുത്ത് വാങ്ങണമെന്നാണ് മൂപ്പരുടെ പക്ഷം , അതു കൊണ്ട്  തന്നെ പണിയെടുത്തു തന്നെ ആണ് ഞാൻ ഫോൺ വാങ്ങിയത്

   എനിക്കുള്ളത് എൻ്റെ അനിയത്തി, വെരി  ഡേൻജർ ഐറ്റം,  എൻ്റെ ശത്രു, പാര എന്നൊക്കെ പറയാം . നേരിൽ കാണുമ്പോ  കീരിയും പാമ്പുമാണ് ഞങ്ങൾ . എന്നാൽ ജീവൻ്റെ ജീവൻ ആയ ഒരു  ആത്മബന്ധം ഞങ്ങൾക്കിടയിൽ ഉണ്ട്. എനിക്കൊനെന്നാൽ  അവർക്കു പൊള്ളും തിരിച്ച്  എനിക്കും അങ്ങനെ തന്നെയാണ് . കക്ഷിയുടെ  സേവിംഗ്സ്  എനിക്കായിട്ടാണ് ചിലവാക്ക കൂടുതലും

ഇവരുടെ ആരുടെയും പേരു പറഞ്ഞിട്ടില്ല അല്ലേ? പേരു പറയും മുന്നെ അവരെ ഒക്കെ അറിഞ്ഞിരിക്കാൻ വേണ്ടി പറഞ്ഞു എന്നെ ഉള്ളു.
അച്ഛൻ: രാമദാസൻ
അമ്മ: ശാലിനി
അനിയത്തി : നിത്യ