?️ഒരു ക്ലീഷേ ലവ് സ്റ്റോറി?️[Abhi] 117

»»FLASHBACK««

ശരിക്കും കഥ തുടങ്ങുന്നത് എന്റെ UP സ്കൂൾ കാലഘട്ടത്തിൽ ആണ്. പക്ഷേ അത് പ്രശനമാകുന്നത് പ്ലസ് ടു പഠിക്കുമ്പോഴും…

••••••••••

ഞാൻ ഏഴാം ക്ലാസിൽ പഠിക്കുന്ന സമയം..

ഇന്ന് സ്കൂൾ തുറപ്പാണ്. പുതിയ കുട്ടികൾ വരുന്ന ദിവസം. ഞങ്ങൾ അറിൽ നിന്നും ഏഴിലേക്ക് കേറിയ ദിവസം..

വർഷത്തെ ആദ്യ ദിവസം ആയതിനാൽ കുട്ടികൾ എല്ലാവരും കളർ ഡ്രസ്സ്‌ ആണ്..

ഞാനും എന്റെ കൂട്ടുകാരനായ ഹരിയും കൂടി വരാന്തയിൽ കുട്ടികൾ വരുന്നതും നോക്കി നിൽക്കുകയായിരുന്നു.

(ബൈ ദി ബൈ ഹരി ആണ് എന്റെ ചങ്ക് ബ്രോ. എന്ത് കാര്യത്തിനും അവൻ കൂടെ ഉണ്ടാകും.). വരുന്ന കുട്ടികളുടെ എണ്ണം എടുത്തു കൊണ്ടിരിക്കുമ്പോൾ ആണ് അവളെ എന്റെ ശ്രദ്ധയിൽ പെട്ടത്. നമ്മുടെ കഥാ നായിക.കുറച്ച് പെണ്പിള്ളേരുടെ കൂടെ നടന്നു പോകുന്ന ആ കൊച്ച് സുന്ദരിയിൽ എന്റെ കണ്ണുടക്കി… അവൾ ഏത് ക്ലാസിൽ ആണെന്ന് അറിയാൻ എന്റെ മനസ്സ് കൊതിച്ചു. ഇന്നെല്ലാവരും കളർ ഡ്രസ്സ്‌ ആയതിനാൽ അതും ഉറപ്പില്ല. യൂണിഫോം ഉണ്ടായിരുന്നു എങ്കിലും അവൾ അഞ്ചാം ക്ലാസിൽ അല്ല എന്ന് ഉറപ്പിക്കാമായിരുന്നു. കാരണം പുതുതായി വന്ന പിള്ളേർക്ക് യൂണിഫോം ആകുന്നതേ ഉള്ളു…