?️ഒരു ക്ലീഷേ ലവ് സ്റ്റോറി?️[Abhi] 117

ഇനി ഞാൻ ആരാണെന്ന് പറയാം..

എന്റെ പേര് അഭിലാഷ്.. പുത്തൻപുരക്കൽ സുരേന്ദ്രന്റെയും ഗീതയുടെയും ഏക പുത്രൻ.. അച്ഛന് സാധാ കൂലിപ്പണി ആയിരുന്നു അമ്മ ജോലിക്കൊന്നും പോയിരുന്നു ഇല്ല. എന്നിട്ടും വളരെ സന്തോഷത്തോടെ തന്നെ ആണ് ഞങ്ങൾ ജീവിക്കുന്നത്. അടുത്തിടെ ആണ് എനിക്ക് ജോലി കിട്ടിയത്.. ഞാൻ ചെന്നൈ ഉള്ള ഒരു it ബേസ്ഡ് കമ്പനിയിൽ ആണ് ജോലി ചെയ്യുന്നത്.എനിക്ക് ജോലി കിട്ടിയത്തോട് കൂടി അച്ഛനോട് പണിക്ക് പോകണ്ട എന്ന് ഏതൊരു മകനെ പോലെയും ഞാൻ പറഞ്ഞതാണ്.. പക്ഷേ ആര് കേൾക്കാൻ. അച്ഛൻ ഇപ്പോഴും പണിക്ക് പോകും നേരതത്തെ പോലെ ദിവസേന ഇല്ല. വല്ലപ്പോഴും മാത്രം…..

നമ്മൾ പറഞ്ഞു വന്നത് അതല്ലല്ലോ..

ഇന്ന് എന്റെ കല്യാണം ആയിരുന്നു….

എല്ലാവരും കൂടി എന്നെ first നൈറ്റ്‌ ആഘോഷിക്കാൻ ഉന്തിത്തള്ളി റൂമിൽ കേറ്റിയിരിക്കുകയാണ്…

അതിനിപ്പോ എന്താണ് ഇത്രക്ക് പ്രശ്നം എന്നായിരിക്കും നിങ്ങൾ ചിന്തിക്കുന്നത്. എന്നാൽ ഒരു പ്രശ്നം ഉണ്ട്‌!!ഒരു വലിയ പ്രശ്നം..

അത് എന്താണെന്ന് അറിയണമെങ്കിൽ നിങ്ങൾ അഞ്ചാറു വർഷങ്ങൾ പുറകോട്ട് പോകണം.. അതായത് എന്റെ ജീവിതത്തിലെ (എന്റെ മാത്രമല്ല എല്ലാവരുടെയും തന്നെ )മനോഹര കാലഘട്ടമായ പ്ലസ് ടു പഠിക്കുന്ന സമയം…