?️ഒരു ക്ലീഷേ ലവ് സ്റ്റോറി?️[Abhi] 117

അന്നും അവളുടെ പിറകെ ഒളിച്ചും പാത്തും നടക്കുമ്പോൾ ആണ് ഹരി വീണ്ടും ഓരോന്ന് പറഞ്ഞു എന്നെ എരികേറ്റിയത്… ആ വാശിക്ക് ഞാൻ അവളെ പ്രൊപ്പോസ് ചെയ്യാൻ പോയതാണ്… ഞാൻ അവളുടെ അടുത്തേക്ക് പോകാൻ ആയി നോക്കുമ്പോൾ അവളും കൊറേ കൂട്ടുകാരികളും കൂടി എന്തോ പറഞ്ഞു ചിരിക്കുന്നതാണ് കണ്ടത്.. അവരുടെ ആ ചിരിയും കളിയും കണ്ടതോടെ എന്റെ ഉള്ളിൽ ഉണ്ടായിരുന്ന ആകെക്കിട്ടിയ ധൈര്യം കൂടി ചോർന്നു പോയി..

പട്ടി ചന്തക്ക് പോയപോലെ ഉള്ള എന്റെ വരവ്ന്നും പറഞ്ഞു ആ തെണ്ടി ചങ്ക് ഇപ്പോഴും എന്നെ കളിയാക്കും..

ആ സംഭവത്തോടെ ഇഷ്ടം പറയൽ എന്ന പരിപാടി പിന്നെയും നീണ്ടുപോയി…

അങ്ങനെ ഞങ്ങളുടെ പത്താം ക്ലാസ്സ്‌ പഠനവും അവസാനിച്ചു….

എനിക്കും ഹരിക്കും നല്ല മാർക്കുണ്ടായിരുന്നു….

പ്ലസ് വണ്ണിന് ഞങ്ങൾ കുറച്ച് ദൂരെയുള്ള ഒരു സ്കൂളിൽ ആണ് കിട്ടിയത്. ഹരിക്ക് വേറെ സ്കൂളിൽ കിട്ടിയിട്ട് അവൻ അവിടെ നിന്നും എനിക്ക് കിട്ടിയ സ്കൂളിലേക്ക് മാറി വന്നു…

പ്ലസ് വണ്ണിന് ക്ലാസ്സ്‌ തുടങ്ങി കഴിഞ്ഞപ്പോൾ എനിക്ക് എന്തോ ഭയങ്കര മിസ്സിംഗ്‌ ആയിരുന്നു.. ദിവസവും അവളെ നോക്കി നിന്നു നിന്ന് അതൊരു ശീലമായി തീർന്നിരുന്നു.. പെട്ടെന്ന് അതില്ലാതെ ആയപ്പോൾ ആകെ ഒരു വിഷമം… പിന്നെ പുതിയ കൂട്ടുകാരും പുതിയ സ്കൂളും ഒക്കെ ആയി പൊരുത്തപ്പെട്ടു അത് പയ്യെ പയ്യെ മറന്നു. പക്ഷേ അശ്വതി ഇതിനോടകം എന്റെ മനസ്സിൽ പ്രതിഷ്ടിക്കപെട്ന്നു….