❤️ എന്റെ ചേച്ചിപെണ്ണ് 5 ❤️ [The_Wolverine] 1820

❤️ എന്റെ ചേച്ചിപെണ്ണ് 5 ❤️

Author : The_Wolverine

[Previous Parts]

 

 

ഈ പാർട്ട് ഇത്രയും ഡിലേയ് ആക്കിയതിന് ആദ്യമേ തന്നെ എല്ലാവരോടും ഞാൻ ക്ഷമ ചോദിക്കുന്നു… മനഃപൂർവം വൈകിപ്പിച്ചതല്ലട്ടോ ഓണം സീസൺ ആയതോണ്ട് ജോലിസംബന്ധമായി ഒത്തിരി തിരക്കുകൾ ഇണ്ടാർന്നു… എല്ലാവർക്കും അറിയാം എന്ന് വിശ്വസിക്കുന്നു… കഥ വായിക്കുന്നവർക്കും ഇഷ്ടപ്പെടുന്നവർക്കും ഒത്തിരി സ്നേഹം… ❤️❤️❤️

 

 

The_Wolverine

 

 

…ഒരു വർഷങ്ങൾക്ക് ശേഷമുള്ള ഒരു Valentine’s Day…

 

…രാവിലെ തന്നെ കുളിച്ച് ഫ്രഷായി ഒരു വൈറ്റ് ഷേർട്ടും ബ്ലാക്ക് ജീൻസ് പാന്റും ഇട്ട് ഇൻഷേർട്ടും ചെയ്ത് ഞാൻ പുറത്തേക്ക് ഇറങ്ങി…

 

…മിച്ചുവിനോടുള്ള എന്റെ ഇഷ്ടം തുറന്നുപറയാൻ ഞാൻ തീരുമാനിച്ച ദിവസം ആണ് ഇന്ന്…

 

…ഞാൻ എന്റെ RR 310 ബൈക്കും സ്റ്റാർട്ട് ചെയ്ത് നേരേ അവളുടെ ക്ലിനിക്കിലേക്ക് പറപ്പിച്ചു…

 

…ടൗണിലെ ഒരു ഫ്ലവർ ഷോപ്പിൽ നിന്ന് ഒരു സെറ്റ് ഫ്ലവറും ഒരു ഡയറി മിൽക്ക് സിൽക്കും ഞാൻ വാങ്ങിയിരുന്നു…

 

…ക്ലിനിക്കിന് മുമ്പിൽ തന്നെ മിച്ചൂസിന്റെ വൈറ്റ് കളർ സ്വിഫ്റ്റ് കാർ കിടക്കുന്നത് ഞാൻ കണ്ടിരുന്നു…

 

…അവളുടെ കാറിന് ഓപ്പോസിറ്റ് ആയി ഞാൻ ബൈക്ക് നിർത്തി ഇറങ്ങി നിന്നു…   എല്ലാം കൈയിൽ സെറ്റ് ആണ്…   അവൾ ഇറങ്ങിവരുമ്പോൾ തന്നെ അവൾക്ക് ഒരു സർപ്രൈസ് കൊടുക്കാനാണ് എന്റെ പ്ലാൻ…

 

…ഞാൻ ഫോൺ എടുത്ത് അവളെ വിളിച്ച് പുറത്തേക്ക് വരാൻ പറഞ്ഞു…

 

…അല്പസമയത്തിനുശേഷം അവൾ ക്ലിനിക്കിന് പുറത്തേക്ക് ഇറങ്ങിവരുന്നത് ഞാൻ കണ്ടു…   അവളെ കണ്ടപ്പോൾ ശെരിക്കും എന്റെ കണ്ണ് തള്ളിപ്പോയി…   ഒരു വൈറ്റ് അനാർക്കലി ചുരിദാറും ഇട്ട് സുന്ദരിയായി എന്റെ പെണ്ണ്…

 

…പെട്ടെന്ന് അവളുടെ മുന്നിലേക്ക് ഒരു ചെറുപ്പക്കാരൻ നടന്നുവരുന്നത് ഞാൻ ബൈക്കിനടുത്തുനിന്ന് കണ്ടു…   ഞാൻ അവനെ ഒന്ന് ശ്രദ്ധിച്ചു…   വെളുത്ത് താടിയൊക്കെ ഷേപ്പ് ചെയ്ത് വെച്ച് ഡീസന്റ് ആയി വസ്ത്രം ധരിച്ചിരിക്കുന്ന ഒരു പയ്യൻ…

 

…അവൻ മിച്ചുവിന്റെ മുന്നിലേക്ക് കേറിനിന്നിട്ട് അവന്റെ കൈയിൽ ഉണ്ടായിരുന്ന ഒരു റോസാപ്പൂവ് അവൾക്കുനേരേ നീട്ടിക്കൊണ്ട് പറയുന്നത് ഞാൻ കേട്ടു…

 

“I LOVE YOU മെർലിൻ…”

 

…എന്റെ ചങ്ക് ഒന്ന് പിടച്ചു…   ഞാൻ മിച്ചുവിനെ തന്നെ സൂക്ഷിച്ച് നോക്കി…

 

…പെട്ടെന്ന് അവൾ ഒരു പുഞ്ചിരിയോടെ അവന്റെ കൈയിൽ നിന്ന് ആ പൂവ് വാങ്ങി…

 

…അതുകണ്ട് എന്റെ ഹൃദയം നിലച്ചതുപോലെ എനിക്ക് തോന്നി…   എന്റെ കണ്ണുകൾ നിറഞ്ഞ് ഒഴുകാൻ തുടങ്ങി…

 

“ഞാൻ അവളെ ഇത്രയും അധികം സ്നേഹിച്ചിരുന്നോ…”

 

…എന്റെ മനസ്സ് എന്നോടുതന്നെ ചോദിച്ചു…

 

…അവൾ പറഞ്ഞ് തുടങ്ങി…

 

“Yes i’ll accept you in my life as my……….”

 

[തുടരുന്നു…]