❤️ദേവൻ❤️part 24 [Ijasahammad] 116

അവളെന്നെ ചേർത്തു പിടിച്ചു…

 

“കിടന്നോ ഒന്നുല്ലാ..

നീ വിചാരിച്ച പോലെ അല്ലാ കാര്യങ്ങൾ സംഭവിച്ചേ..

നീ അല്ല പ്ലാൻ ചെയ്തേ.. പ്രണവ് ആണ്.. നീ അവനേ അല്ല ഇല്ലാതെയാക്കാൻ നോക്കിയെ
. അവൻ നിന്നെയാണ്.. “”

ഒന്നും പറയാൻ പോലും കഴിയാതെ ഞാൻ അവളുടെ മടിയിൽ കിടന്നു..

ഭയം എന്നിൽ നിന്നും അപ്പോഴും വിട്ട് മാറിയിരുന്നില്ല..

 

“ഞാൻ..? കാവ്യാ അവൻ….!!!!”

 

ഞാൻ പെട്ടെന്ന് എഴുന്നേറ്റിരുന്നു കിതച്ചു..

നെറ്റിതടത്തിലെ വിയർപ്പ് തുള്ളികൾ തുടച്ചു കൊണ്ട് അവൾ പറഞ്ഞു..

“ഒന്നും പേടിക്കണ്ട..

അവനിനി പുറം ലോകം കാണില്ലാ..””

 

എന്താണ് പറയുന്നതെന്ന് മനസ്സിലാവാതെ ഞാൻ അവളുടെ കണ്ണിലേക്കു നോക്കി..

എന്തെക്കെയോ അവസാനിപ്പിച്ച ഒരു നിർവൃതി ആ കണ്ണുകളിൽ ഞാൻ കണ്ടു..

“കൊല്ലാൻ പോയ മൊതലാ.. കെടക്കണ കെടപ്പ് കണ്ടോ..??!”

പറഞ്ഞു തീർന്നതും അവളുടെ ഫോൺ റിങ് ചെയ്തു.

ഞാൻ നന്നായി തന്നെ ഒന്ന് ഞെട്ടി..

രണ്ട് റിങ്ങിനു ശേഷം അത് പെട്ടെന്ന് തന്നെ കട്ട്‌ ആവുകയും ചെയ്തു..

പെട്ടെന്ന് message നോട്ടിഫിക്കേഷൻ വന്നു..

ഫോൺ എടുത്തു കൊണ്ട് അവൾ തുറന്നതും
ഞാനുമതിലേക്ക് നോക്കി.. കണ്ണുകൾ കൂമ്പി അടയുന്നുണ്ടായിരുന്നു..

 

വ്യക്തമല്ലാത്ത രീതിയിൽ ഞാൻ അതിലെ മെസ്സേജ് കണ്ടു..

 

ഏതോ രണ്ട് ഫോട്ടോ..