❣️The Unique Man 10❣️[DK] 913

പറഞ്ഞിട്ട് കാര്യം ഇല്ലെന്നു അറിയാവുന്നതു കൊണ്ട്…….

 

ദേവു കാറും എടുത്തു കോളേജിലേക്ക് പോയി……..

 

എന്നാൽ കോളേജിൽ ദേവൂനെ കാത്തു റോഷനും,രാഹുലും കൂട്ടരും ഉണ്ടായിരുന്നു…….

 

ദേവു കോളജിൽ എത്തി പാർക്കിങ്ങിൽ കാർ പാർക്ക്‌ ചെയ്ത് ഇറങ്ങിയതും റോഷനും കൂട്ടരും ദേവൂനെ വളഞ്ഞു….

 

കോളജ് തുടങ്ങുന്ന സമയം ആയതിൽ തന്നെ അത് കണ്ടു കുട്ടികൾ എല്ലാരും അവരെ തന്നെ ഉറ്റു നോക്കി ഇരുന്നു…..

 

ദേവു അവരെ മൈൻഡ് ചെയ്യാതെ മുന്നോട്ടു നടന്നു……

 

അപ്പോൾ വീണ്ടും റോഷൻ ദേവൂന്റെ മുന്നിലേക്ക്‌ കേറി നിന്നിട്ടു പറഞ്ഞു

 

എന്താ മോളെ ഇത്ര ധൃതി……

നമുക്ക് കുറച്ചു കൊച്ചു വർത്താനം ഒക്കെ പറഞ്ഞിട്ട് പതിയെ പോവാം…..

 

ദേവു എന്നാൽ അതിനൊന്നും മറുപടി പറയാതെ വീണ്ടും അവരെ മറികടന്നു പോവാൻ ശ്രമിച്ചു……

 

അപ്പോൾ ആണ് രാഹുൽ ദേവൂന്റെ കൈയിൽ കയറി പിടിച്ചിട്ടു പറഞ്ഞത്

 

അങ്ങനെ അങ്ങ് പോയാലോ……

ചേട്ടൻ പറഞ്ഞത് കേട്ടില്ലേ

 

എന്നിട്ട് ഒരു മാതിരി ബാലൻ k നായർ ചിരിയും ചിരിച്ചു…….

 

ദേവു അത് കണ്ടു ഈർഷ്യയോടെ മുഖം വെട്ടിച്ചു കൈ വിടുവിക്കാൻ നോക്കി……

 

അപ്പോളേക്കും ദേവൂനെ തപ്പി വന്ന കാർത്തു അവിടെ എത്തി……

 

അവൾ ഓടി വന്നു ദേവൂന്റെ കൈയിലെ രാഹുലിന്റെ പിടുത്തം വിടുവിച്ചു അവളെ കാത്തുന്റെ പിന്നിൽ ആയി നിറുത്തിട്ട് ചോദിച്ചു…..

 

നിനക്കൊക്കെ എന്തിന്റെ സുക്കെടാഡാ…….

 

അത് കേട്ടു അവർ എല്ലാരും ഒരുമിച്ചു ചിരിച്ചു……

എന്നിട്ട് റോഷൻ ദേവൂനോട് ചോദിച്ചു……

 

ഹ അടുത്ത ബലിയാട് വന്നല്ലോ…….

ആദ്യത്തെ ആൾ എവിടെ ചത്തോ അതോ ജീവനോടെ ഉണ്ടോ……

 

അത് പറഞ്ഞു ആവർ വീണ്ടും ചിരി തുടങ്ങി..

 

അത് കേട്ടപ്പോൾ പെട്ടെന്ന് ദേവൂന് ദേഷ്യവും വിഷമവും എല്ലാം ഒരുപോലെ വന്നു അവളുടെ കണ്ണുകൾ നിറഞ്ഞു……

 

ദേവു പെട്ടെന്ന് കാർത്തുനെ പിടിച്ചു അവളുടെ പിന്നിൽ നിറുത്തിട്ട് കൈയിൽ മുറുകെ പിടിച്ചു…….