✨️ അതിരൻ ✨️ 5 [ VIRUS] 358

 

എന്നാൽ ഈ ദൃശ്യം രണ്ടുപേർക്കുമാത്രം സഹിക്കാൻ കഴിയുന്നതിലുമപ്പുറമായിരുന്നു….

 

അതിന്റെ പ്രതിഭലനമ്മെന്നോണം അവന്റെ ഫോണിലേക്കുടനൊരു മെസ്സേജുവന്നു…

 

Come to garage at 5 O’ clock….

 

ഫോൺ നോക്കി തിരികെ വെച്ചുകൊണ്ട് കാർത്തിക്ക് വീണ്ടും കഴിച്ചു തുടങ്ങി…

 

അന്ന് കാര്യമായി ജോലിയൊന്നുമവനില്ലായിരുന്നു…ശ്രീ അവരുടെ ഡിപ്പാർട്മെന്റിലുള്ളവരെ പരിചയപെടുത്തിയും മീറ്റിംങ്ങിൽ പറഞ്ഞ കാര്യങ്ങൾ ചർച്ച ചെയ്തും അതിനുള്ള പരിഹാരങ്ങൾ നോക്കിയും സമയം നീങ്ങി…

******

അഞ്ചുമണിക്ക് ഗരാഷിൽ കാർത്തിക്കുനേരെ മിനി കൂപ്പർ അലറിയടുത്ത്‌ ബ്രേക്കിട്ടുനിന്നു…കാർത്തി വേഗം ഡോർ തുറന്ന് അകത്തേക്കുകയറി സീറ്റ്‌ ബെൽറ്റ്‌ ഇട്ടതും മിനിയൊരു വെടിയുണ്ട കണക്കെ പുറത്തേക്ക് തെറിച്ചു…

 

മിനി മെയിൻ റോഡിൽ എത്തിയതും തന്റെയുള്ളിൽ നുരഞ്ഞു പൊന്തിയ ദേഷ്യം ഹെല തന്റെ കാലിലേക്ക് ആവാഹിച്ചതും നിമിഷനേരം കൊണ്ട് സ്പീഡോമീറ്ററിൽ നൂറെന്ന അക്കത്തിനപ്പുറം സൂചി കടന്നിരുന്നു…

 

ഹെല താൻ ന്താ കാണിക്കുന്നേ…???

 

ആർ യു മ്യാട്..???

 

സ്റ്റോപ്പ്‌ ദി കാർ…ഹെലൻ…

 

കാർത്തിയുടെ വാക്കുകളൊന്നും അവളുടെ ചെവിയിൽ വിഴുന്നുണ്ടായിരുന്നില്ല….

 

എന്നാൽ ഇതേ സമയം കാർത്തിയുടെ ക്ഷമയുടെ അതിർവരമ്പുകൾ മുറിഞ്ഞിരുന്നു….

 

നിർത്തടി വണ്ടി…പടക്കം പൊട്ടുന്നോച്ചയിൽ അവന്റെ വായിൽ നിന്നാശബ്ദം വന്നതും സ്വപ്നത്തിൽ

നിന്ന് ഞെട്ടിയുണർന്നത് പോലെ ഹെലൻ ബ്രേക്കിൽ കാലമർത്തി…ഒരലറി കരച്ചിലോടെ മിനി സഡൻ ബ്രേക്കിട്ട് നിന്നു…

 

ഒരു നിമിഷം അവന്റെ മിന്നിമറഞ്ഞ ഭാവം അവൾ അത് അന്ന് പാർക്കിൽ വെച്ചു കണ്ടതുപോലെയായിരുന്നു…

 

കാർ നിന്നതും കാർത്തി സീറ്റ്‌ ബെൽറ്റുരി വെളിയിലേക്കിറങ്ങി…

 

കാറിൽ നിന്ന് കാർത്തിയിറങ്ങിയതും ഹെല…ഒരു നിമിഷം എന്തുചെയ്യണമെന്ന് അറിയാതെ ഇരുന്നുപോയി…പിന്നെ എന്തോ ആലോചിച്ചുറപ്പിച്ച് മുഖത്തൊരു കുസൃതി ചിരിവരുത്തി കൊണ്ട്…ഡോർ തുറന്നിറങ്ങി…

 

കാർത്തി കയ്യ് കെട്ടി കാറിന്റെ ബൊണറ്റിൽ ചാരി എങ്ങോട്ടോ മിഴിനട്ടുനിൽപ്പര്ന്നു..

 

ഓ നിങ്ങളിങ്ങനെ ദേഷ്യം കാണിച്ചാലൊന്നും ന്റെ മനസ്സിൽ വീണാ കരടുപോവില്ല…സത്യം പറഞ്ഞോ…ആരാ അവൾ…ആ മെർലിൻ …???

നിങ്ങളും അവളും തമ്മിൽ എന്താ ബന്ധം…???…എനിക്കിപ്പോ അറിയണം…

 

തുടരും…

എന്റെതാട്ടുള്ള കുറച്ചു ബിസിനസ്‌ ഐഡിയസ് ആണ് എഴുതിയത് ഫുൾ മണ്ടത്തരം ആയിരിക്കും… വീണ്ടും ക്ഷമ ചോദിക്കുന്നു… ന്തേലും രണ്ടുവരി റിവ്യൂ എഴുതണേ…