✨️ അതിരൻ ✨️ 5 [ VIRUS] 358

 

മേഡം ഞാനെന്തിന് നിങ്ങളെ സഹായിക്കണം…??? നമ്മൾ തമ്മിൽ എന്താണ് ബന്ധം…???

 

എനിക്കുവേണ്ടി അസ്‌ലം ഒന്നും ചെയ്യണ്ട …കാർത്തിക്ക് അവനുവേണ്ടി ചെയ്താ മതി…

 

പലവെട്ടം ചോദിക്കണമെന്നുകരുതിയതാണ് എന്തിനാണ് നിങ്ങൾ അവന്റെ പുറകിൽ ഇങ്ങനെ നടക്കുന്നെ അവനു നിന്നോടൊരു താല്പര്യമില്ലത്തതല്ലേ…

 

അസ്‌ലമ്മിന് കാർത്തിക്കിനെ എത്ര നാളായി…അറിയാം.. അവന്റെ ചോദ്യത്തിന് ഒരു മറുചോദ്യമായിരുന്നു സ്വാതിയിൽനിന്നെത്തിയത്….

 

മൂന്ന് ഒട്ടും ആലോചിക്കാതെ അസ്‌ലം അതുപറയുമ്പോൾ…

 

സ്വാതിയിൽ ഒരു പുച്ഛച്ചിരി ഉയർന്നു…

 

എനിക്കവനെ പതിനഞ്ചുവർഷമായി അറിയാം…. ഒരുപക്ഷെ ആ ആക്‌സിഡന്റ് കാർത്തിയുടെ ഓർമകൾ കാർന്നുതിന്നില്ലായിരുനെങ്കിൽ അവൻ ഇന്നും എന്റൊപ്പം കണ്ടേനെ…അതുപ്പറയുമ്പോ അവളിൽ നിരാശയും വാശിയും കലർന്നൊരു ഭാവമായിരുന്നു…

 

നിങ്ങൾ പറയുന്നത് എനിക്കൊന്നും മനസ്സിലാവുന്നില്ല…എന്തേലും പറയാനുണ്ടേൽ തെളിച്ചു പറ…

 

ശെരിയാണ് ഞാൻ പറയാതെ അസ്‌ലം എങ്ങനെ അറിയാനാ …ഞാൻ പറയാം എല്ലാം പറയാം…

 

*********

ഉച്ചക്ക് ഒരുമണിയോടെ മീറ്റിങ് അവസാനിച്ചിറങ്ങിയതും…

 

കാർത്തിക്ക് താൻ ഫുഡ്‌ കൊണ്ടുവന്നിട്ടുണ്ടോ…???

 

ഇല്ലാ സാർ…

 

കാർത്തിക്ക് താൻ എന്നെ സാർ എന്ന് വിളിക്കണ്ട…ശ്രീയെന്ന് വിളിച്ചോ അതാണ് എനിക്കിഷ്ടം ഡൂ യു ഗെറ്റ് മി…

 

ശെരി ശ്രീ…

 

ഗുഡ് ബോയ്…വാ നമ്മുക്ക് ക്യാന്റീനിൽ പോയി കഴിക്കാം…

 

ക്യു നിന്ന് ടോക്കൺ വാങ്ങി…കൗണ്ടറിൽ കൊടുത്ത് ഫുഡ്‌ വാങ്ങി ഇരിക്കാനായി സഥലം നോക്കിത്തും, ഒരു ടേബിളിൽ മാത്രമേ ഒരാൾ മാത്രമായി ഉള്ളു ബാക്കിയൊക്കെ അൾമോസ്റ്റ് ഫുൾ ആയിരുന്നു….

 

ഞാൻ ആരെയും നോക്കാതെ അവിടെ ചെന്നിരുന്നു…

 

ശ്രീ ഫുഡ്‌ വാങ്ങി തിരിഞ്ഞതും കാർത്തിക്കിനെ കാണാനില്ല, അവിടെയാകമാനം അവന്റെ കണ്ണുകൾ പരതിയതും കാർത്തിയെ കണ്ടു എന്നാൽ അവനിരിക്കുന്ന ആരുടെ കൂടെയാണ് എന്നു കണ്ടതും അവനാകെ ഷോക്കായിപോയി…

 

ഹലോ മെർലിൻ തനിക്ക് ഓപ്പോസിറ്റിരുന്ന് ഫുഡ്‌ കഴിക്കുന്നവളേ

അവൻ വിളിച്ചു…

 

കഴിച്ചുകൊണ്ടിരുന്നവൾ ഒന്ന് തലയുയർത്തിയതും…കാർത്തിക്കിനെകണ്ടു എന്തോ പറയാൻ വന്നത് അവൾ നിർത്തിയിട്ട് അവനെ നോക്കി…ന്നിട്ട് ഒന്ന് ചുറ്റും നോക്കി അവരെ തന്നെ നോക്കിയിരുന്നവരൊക്കെ.. ആ നിമിഷം അവരിൽ നിന്ന് കണ്ണുകൾ വേറെങ്ങോ പറിച്ചു നട്ടു…

 

മെർലിൻ എപ്പോഴും തന്റെ സഹപ്രവർത്തകരിൽ നിന്നും ചെറിയൊരു അകലം പാലിച്ചിരുന്നു.. ഇന്നാ അദൃശ്യയ മതിൽ ഒരു നവാഗതാനുമ്മുന്നിൽ തകർന്നു വീണ ഷോക്കിലായിരുന്നു അവർ…