✨️അതിരൻ ✨️{VIRUS} 323

 

ഇത്രേം പറഞ്ഞു അവൾ ഫോൺ വച്ചു….. എന്നെ കൊണ്ട് ഒരു വാക്ക് പോലും മറുപടി പറയുവാൻ അവൾ സമ്മതിച്ചില്ല….. തിരിച്ചു വിളിച്ചെങ്കിലും അവൾ ഫോൺ എടുത്തതുമില്ല ….

 

 

കേട്ടപാതി കേൾക്കാത്ത പാതി മുണ്ട് മാറി അലമാരിയിൽ നിന്നും യുഎസ് പോളോയുടെ ഒരു ബ്ലാക്ക് പാന്റും ന്യക്കിന്റെ വൈറ്റ് ഷൂസും ഇട്ട് പുതിയ ബൈക്കിന്റെ ചാവിയും എടുത്ത് നിവ്യയുടെ വീട്ടിലേക്ക് പോകാൻ റൂമിൽ നിന്നും താഴേക്ക് ഇറങ്ങി.

 

 

“””” എവിടാ തെണ്ടാൻ പോകുവാട നല്ലയൊരു ദിവസമായിട്ട് …… “”””

 

നല്ല പരിചയം ഉള്ള ശബ്ദം…….ഞാൻ തിരിഞ്ഞ് നോക്കി….

 

“””” ഡി ചേച്ചി നീ വന്നോ “””””

 

ഞാൻ ഓടി ചെന്ന് അവളെ കെട്ടിപിടിച്ചു………

 

“””” വിഷ്ണു വന്നില്ലേ ഡി……..””””

 

“””” ഡാ…… “”””

 

അവൾ എന്നെ തല്ലാൻ കൈ ഓങ്ങി……..

 

“””” അല്ല അളിയൻ വന്നില്ലേ എന്നാ ചോദിച്ചേ നീ ഒന്ന് ക്ഷമി …….””””

 

“””” അല്ല ഊരുതെണ്ടി എങ്ങോട്ടോ പോകാൻ ഇറങ്ങിയേ …….””””

ചേച്ചി ചോദിച്ചു.

 

“””” അത് പാർക്ക്‌ വരെ ഇപ്പൊ വരാം ഒരു 5 മിനിറ്റ്….. “”””

 

“””” വേഗം പോയിട്ട് വായോ നിന്നോട് കുറച്ചു കാര്യങ്ങൾ പറയാനുണ്ട്……..”””

 

“””” ശെരി ചേച്ചി ഞാൻ വേഗം വരവേ…….””””

“””” ഡാ “”””

 

പെട്ടന്ന് ഒരു വിളി കേട്ടിട്ടാണ് ഞാൻ തിരിഞ്ഞ് നോക്കിയത്.

 

ദേ … നിൽക്കുന്നു എന്റെ മാതശ്രി…..

“”””‘ നീ എവിടെ പോകുന്നു “”””

 

“””” ഇപ്പോ വരാം അമ്മേ….””””

 

“”””പറ്റില്ല… ഇപ്പോ എങ്ങും പോവാൻ പറ്റില്ല “””””

 

“””” അമ്മ പ്ലീസ് ഒരു ഹാഫ് ആൻ ഹൗർ ഞാൻ ഇങ്ങു എത്തും …..””””

 

“””” നിന്നോട് പറഞ്ഞത് കേട്ടമതി കേറി പോടാ മുകളിൽ. “”””

 

അമ്മയെ എതിർത്ത് ഞാൻ ഇതുവരെ ഒന്നും ചെയ്തിട്ടില്ല….. അതുകൊണ്ട് അമ്മ കാണാതെ നിവ്യ പറഞ്ഞ സമയത്ത് പോകാം എന്ന് മനസ്സിൽ ഉറപ്പിച്ചു… നേരെ ന്റെ മുറിയിലോട്ട് പോയി.

 

എങ്ങനെ എങ്കിലും 3 മണി ആയാൽ മതി എന്നായിരുന്നു മനസ്സിൽ…

 

ഉച്ചക്ക് ഭക്ഷണം കഴിക്കാൻ ഇരുന്നിട്ട് ഒന്നും കഴിക്കാൻ പറ്റിയില്ല… എന്തിനാ അവൾ കാണാൻ വിളിച്ചത് എന്ന് മാത്രമായിരുന്നു….അത് കൊണ്ട് തന്നെ എന്തേലും കഴിച്ച് എന്ന് വരുത്തി ഞാൻ മുകളിലേക്ക് പോയി.

 

ഞാൻ റൂമിൽ ചെന്നു വെരുകിനെ പോലെ അങ്ങോട്ടും ഇങ്ങോട്ടും ചുമ്മാ നടന്നുകൊണ്ടിരിന്നു.

അപ്പോഴാണ് അളിയൻ അങ്ങോട്ട് വന്നത്

 

“”””കാർത്തി എന്താടാ… എന്തേലും പ്രശ്നം ഉണ്ടോ…. “””””

 

“””” ഒന്നുമില്ല അളിയാ “”””

 

“””” എന്നാലും എന്തൊ ഉണ്ടല്ലോ നീ കാര്യം പറയടാ “”””