✨️അതിരൻ ✨️{VIRUS} 323

 

അങ്ങനെ രണ്ട് വർഷത്തെ പഠനത്തിന് ശേഷം പ്രൊജക്റ്റും എക്സാം കഴിഞ്ഞ് ഞാൻ തിരികെ എന്റെ വീട്ടിൽ എത്തി .

 

ഒരു ദിവസം സുധീവ് അങ്കിളിന്റെ മകൾ നിവ്യയെ പിക്ക് ചെയ്യുവാൻ ഞാൻ ഡിഗ്രിക്ക് പഠിച്ചിരുന്ന കോളേജിൽ പോയത്. അവിടെ എത്തി ഞാൻ പഠിച്ചിരുന്ന സമയത്തെ സ്ഥിരം കടയിൽ പോയി ഒരു കിങ്‌സ് വാങ്ങി വലിച്ചോണ്ട് നിന്നപ്പോഴാണ് ഞാൻ അവളെ കാണുന്നത്. കൂട്ടുകാരികളോട് ഒപ്പം കോളേജ് കവാടം വഴി വെളിയിലെക്ക് നടന്നു വരുന്നവൾ……

 

ചന്ദനത്തിൽ കടഞ്ഞെടുത്ത പോലെയുള്ള അവളുടെ ആ മുഖം, കട്ടിയുള്ള ഇടതുർന്ന പിരുകങ്ങൾ….. വാലിട്ട് എഴുതിയ കരിംകുവള മിഴികൾ…….,ഏതോ ശില്പി കോത്തിവെച്ച പോലെയുള്ള നാസിക……,പനിനീർ പുഷ്പം പോലെയുള്ള അദരങ്ങൾ……,അവളുടെ സൗന്ദര്യം വർണിക്കുവാൻ എനിക്ക് വാക്കുകൾ ഇല്ല എന്നതാണ് സത്യം.

 

വെള്ള അനാർക്കലിയിൽ വാനിൽ നിന്നും പറന്നിറങ്ങിയ മാലാഖയെ പോലെയാണ് എനിക്ക് തോന്നിയത്….. കണ്ട നിമിഷം മുതൽ അവൾ എന്റെയാണ് എന്ന് ഉള്ളിൽ ഇരുന്ന് ആരോ പറയുംപോലെ….. അതെ അവൾ എന്റെയാണ്….. എന്റെ മാലാഖ….

 

അവളിൽ ലയിച്ചിരുന്ന എന്റെ തോളിൽ ആരോ തട്ടി, ആരാണെന്നു നോക്കാൻ തിരിഞ്ഞ എന്റെ വയറിൽ ശക്തമായ ഒരു ഇടി കിട്ടി.

ഒട്ടും പ്രതീക്ഷിക്കാതെ കിട്ടിയതായതിനാൽ ഒന്ന് ഞെട്ടി…. പതുക്കെ മുഖം ഉയർത്തി നോക്കിയപ്പോ ദേ മുമ്പിൽ നിൽക്കുന്നു നമ്മടെ ക്രൈം പാർട്ണർ നിവ്യ …….

” എന്താടാ വലിയ എം ബി എ ക്കാരൻ ആയിട്ടും നിന്റെ വായിനോട്ടത്തിന് ഒരു കുറവും ഇല്ലല്ലോ ” അവൾ ഒരു പരിഹാസ ചിരിയോടെ ചോദിച്ചു……

 

വേദന കാരണം നല്ല തെറിയാണ് ആദ്യം വായിൽ വന്നത് എങ്കിലും അവളുടെ കൈയിലെ നീളൻ നഖങ്ങൾ കണ്ണിലുടക്കിയതും ഞാൻ അതങ്ങു വിഴുങ്ങി.

 

“””” ഡി ഇത് അങ്ങനെ അല്ല ചുമ്മാ ഓരോ പിള്ളേരെ നോക്കുമായിരുന്നെങ്കിലും ആദ്യമായി ഒരുത്തിയെ പ്രണയിക്കണമെന്ന് തോന്നിയത് ഇപ്പോഴാണ്…. “”””

 

ഞാൻ പറയുന്നത് കേട്ടു നിവ്യ കണ്ണ് മിഴിച്ചു നിൽക്കുന്നത് കണ്ട് എനിക്ക് ചിരിയാണ് വന്നത്… ഞാൻ അവളെ തട്ടി വിളിച്ചു…..

 

“””” നീ എന്താടി ഒരുമാതിരി എന്തോ പോയ അണ്ണനെ പോലെ നിൽകുന്നെ “”””

 

“””” അപ്പൊ വിശ്വമിത്രന്റെ തപസ്സ് ഇളകി അല്ലെ….. ആട്ടെ ആരാ കക്ഷി…””””

 

സ്വബോധത്തിലെത്തിയ നിവ്യ ചോദിച്ചു.

 

ഞാൻ എന്റെ മാലാഖയെ അവൾക്ക് കാട്ടികൊടുത്തു.

 

“””” എന്റെ മോനെ എന്നാ സ്ട്രക്ചർ ആണ് കൊള്ളാല്ലോ നിന്റെ സെലക്ഷൻ, പക്ഷെ ഇതിനെ എങ്ങനെ വളക്കാനാണ് നിന്റെ പ്ലാൻ…. “”””

 

അവൾ ചോദിച്ചപ്പോഴാ അതിനെ കുറിച്ച് ഞാൻ ആലോചിക്കുന്നത് തന്നെ, മനസ്സിൽ വന്നത് നിവ്യയുടെ മുഖം തന്നെയായിരുന്നു. ഞാൻ ഒരു വളിച്ച ചിരിയോടെ നിവ്യ നോക്കി.