✨️അതിരൻ ✨️ 4{VIRUS} 388

 

അവൾ ദേഷ്യത്താൽ തന്റെ മുടിയിൽ വിരൽകോർത്തുവലിച്ചതും ഐപാഡിൽ നിന്നുമോരു ശബ്ദം ഉയർന്നതും ഒരുമിച്ചായിരുന്നു….

 

അതിലേക്ക് നോക്കിയ അവളുടെ കണ്ണുകൾ വിടർന്നു…താൻ ആ ബാഗിൽ വെച്ച മാലയവൻ അണിഞ്ഞിരിക്കുന്നു…അവന്റെ ബോഡി ടെമ്പറേച്ചറാൽ ലോക്കറ്റിനുള്ളിലെ ട്രാക്കറും ആക്റ്റീവ് ആയിട്ടുണ്ട്…അതുകൊണ്ടുതന്നെ അവനോരാപ്പത്തും വന്നിട്ടില്ലെന്നവാക്കു മനസ്സിലായതും ഉള്ളിൽ തിളച്ചുമറിഞ്ഞ അഗ്നിക്കുമേൽ പുതുമഴ പെയ്ത അനുഭൂതി അവളിൽ നിറഞ്ഞു.അവളുടെ മനസ്സിലെ വിങ്ങലിന് ഇത്തിരിയെങ്കിലും ശമനമുണ്ടായി…

 

ഐപാഡിലെ ദൃശ്യത്തിൽ നിന്നുമവൻ മൂവിമെന്റിലാണ് എന്നവൾ മനസ്സിലാക്കി, അവന്റെ സഞ്ചാരപതവും

മറ്റും നിരീക്ഷിച്ചതോടെ അവൻ പോയികൊണ്ടിരിക്കുന്ന സഥലമവൾ ഉറപ്പിച്ചു…അതിനു ശേഷം മേശമേലിരുന്ന തന്റെ ഫോൺ എടുത്തവൾ ആരെയോ വിളിച്ചു..

കോൾ അറ്റെന്റായതും…

 

ഹലോ അച്ഛാ….

 

എനിക്കൊരു ഹെല്പ് വേണം…

 

********

രാവിലെ എട്ടരയോടുകൂടി കൊച്ചുവേലി മൈസൂർ എക്സ്പ്രസ്സ്‌ ബാംഗ്ലൂർസിറ്റി സ്റ്റേഷനിൽ എത്തിചേർന്നു…ഞങ്ങളെ കാത്തവൾ ബുക്കുചെയ്ത യൂബർ സ്റ്റേഷന് വെളിയിൽ നിർത്തിയിരുന്നു…

 

കാര്യമായ ലഗേജില്ലത്തതിനാൽ ഉടൻ തന്നെ കാറിൽ കയറി യാത്ര തിരിച്ചു…

മെല്ലെ നീങ്ങിയ കാർ പതിയെ വേഗത കൈവരിച്ചു.. സൈഡ് വിൻഡോയിലൂടെ ഗാർഡൻ സിറ്റി ഓഫ് ഇന്ത്യ എന്നറിയപ്പെടുന്ന മഹാനഗരത്തെ നോക്കികണ്ടു…നഗരച്ചാരുത മിഴിവേകിയ കാഴ്ച്ചകൾക്ക് വിരാമമിട്ടു കൊണ്ട് കാർ നാഗരാതൃത്തി കടന്ന് കാർ മുന്നോട്ട് സഞ്ചരിച്ചു ഒറ്റപെട്ടുകിടന്ന ഒരു വീടിനു മുന്നിൽ കാർ വന്നുനിന്നു…

 

കാറിൽ നിന്നും വെളിയിലിറങ്ങിയ ഹെലൻ ചാവിയെടുത്ത്‌ ഗേറ്റു തുറന്നു.. അവളോടൊപ്പം അകത്തേക്കുകയറിയ ഞാനൊരുനിമിഷം അവിടെ തന്നെ നിന്നുപോയി…ആഡംബര രീതിയിൽ പണികഴിപ്പിച്ച ഒരു വില്ലയും പോർച്ചിലൊരു…ഐലൻഡ് ബ്ലൂ കളർ കൺവെർട്ടിബിൾ മിനി കൂപ്പർ കിടന്നിരുന്നു….

 

എന്താ മാഷേ അവിടെ തന്നെ നിക്കണേ..???

 

എന്നിൽ നിന്നൊരു അനക്കവുമില്ലാത്തതിലാവും അവൾ അടുത്തുവന്ന് മുഖത്തിന് കുറുകെ കൈവീശി…

 

സൊ യു ആർ റിച്ച്…ഞെട്ടി ഉണർന്ന ഞാൻ ചോദിച്ചു ..

 

നോ മൈ ഫാദർ വാസ് റിച്ച്

 

വാസ്…???

 

അതെ എന്റെ പപ്പാ മരിച്ചിട്ടു പത്തുകൊല്ലമായി….അതുപറയുമ്പോ അവളുടെ മുഖം സങ്കടത്താലും ദേഷ്യത്താലും മുഖം ചുവന്നു തുടുത്തു…എന്നാൽ കാർത്തിയത് ശ്രദ്ധിക്കും മുൻപ് അവൾ അവനിൽ നിന്നും മുഖം വെട്ടിച്ചിരുന്നു…

 

യാം സോറി…തിരിഞ്ഞു നിന്നിരുന്നവളുടെ തോളിൽ പിടിച്ചുകൊണ്ടു ഞാൻ പറഞ്ഞു…