✨️അതിരൻ ✨️ 4{VIRUS} 388

രാഹുൽ പറഞ്ഞത് കേട്ടതും വില്യംസിന് താനേറ്റ ജോലി എളുപ്പത്തിൽ ചെയ്യ്തു തിരക്കാൻ പറ്റിയ ഒന്നല്ല എന്ന് മനസ്സിലായി…പണിയറിയാവുന്ന ആരോ ഇതിന് പുറക്കിലുണ്ട്….

ഹലോ ഇച്ചായ…കേൾക്കുന്നുണ്ടോ മറുപടി ഒന്നും കിട്ടാതെ വന്നപ്പോ രാഹുൽ ചോദിച്ചു…

ഹ്മ്മ് നീ വേഗം തിരിച്ചു വാ അത്രയും പറഞ്ഞു വില്യംസ് ഫോൺ കട്ട്‌ ചെയ്യ്ത നിമിഷം തന്നെ വിദേശനമ്പറിൽ നിന്നും കോളുവന്നതും ഒരുമിച്ചായിരുന്നു…

*******

ഒരു മൂന്നരയോടുകൂടി ഞാനും ഹെലനുമിറങ്ങി റോഡിൽ അധികം തിരക്കില്ലാത്തതുകൊണ്ട് കൈകൊടുത്തുതന്നെയാണ് ബൈക്കോടിച്ചത്…ആലപ്പുഴവരെ ഒരു കുഴപ്പവുമില്ലാതെ പോയെങ്കിലും അതുകഴിഞ്ഞു മുടിഞ്ഞ ബ്ലോക്കുകരണം എട്ടുമണിക്കാണ് അവിടെ എത്തിയത്,സ്റ്റേഷനു വെളിയിൽ ഞങ്ങളെ കാത്ത് ഹെലന്റെ ഫ്രണ്ട് മരിയ നിന്നിരുന്നു..അവളെ കണ്ടുസംസാരിച്ചു വണ്ടിയുമെൽപ്പിച്ചു ഞങ്ങൾ ട്രെയിൻ കേറി…..

ലോവർ ബെർത്തിന്റെ രണ്ടുവിൻഡോ സീറ്റായിരുന്നു ഞങ്ങൾക്ക് കിട്ടിയത്.. വണ്ടി.. നീങ്ങി തുടങ്ങിയതും ഞാൻ വെളിയിലേക്കു കണ്ണും നട്ടിരുന്നു അതെ സമയം ഹെലൻ എയർപ്പോടുവെച്ചു പാട്ടുകേട്ടു തുടങ്ങി….

സമയം പതിന്നോന്നിനോട് അടുത്തതും ഹെല ഉൾപ്പടെ എല്ലാവരും പതിയെ മയക്കത്തിലേക്കു വീണിരുന്നു…അപ്പോഴേമെന്തോ എനിക്കുറക്കം വന്നില്ല, അപ്പോഴാ ജയിലിൽ നിന്നുകിട്ടിയ ബാഗിനെ പറ്റിയോർത്തത്, സീറ്റിനുതാഴെയിരുന്ന ബാഗുവലിച്ചു മുന്നിലേക്ക് വെച്ചു ഞാനത് തുറന്നുനോക്കി, ആദ്യം രണ്ടുമൂന്നു ഡ്രസ്സായിരുന്നേങ്കിൽ അതിനുതാഴെയൊരു ഗിഫ്റ്റ് ബോക്സ്‌ എന്റെ കണ്ണിലുടക്കിയത്…

അതെടുത്താഴിച്ചു നോക്കിത്തും ഒരു കുഞ്ഞുബോക്സ്സുകിട്ടി…അതിൽ ചെറുകല്ലുപതിച്ച നങ്കുരത്തിന്റെ ലോക്കറ്റോടുകുടിയ സ്വർണ്ണമാലയുണ്ട്.. അതിനുതാഴെയൊരു കുറിപ്പും

To My Dear Dearest Devil….

അതുവായിച്ചതും അവനിലൊരു പുഞ്ചിരി വിരിഞ്ഞു…അവനാ മാല തന്റെ കഴുത്തോട് ചേർത്തതും ഒരു ചെറുപ്രകാശമാ കല്ലിൽ മിന്നിയത് അവൻ കണ്ടില്ല…

******

തിരുവനന്തപുരം

സ്വാതി തന്റെ കോട്ടേഴ്സിൽ ഒരു മേശക്കുമേൽ തലവെച്ചു കിടക്കയാണ്…ഡ്യൂട്ടി കഴിഞ്ഞുവന്നിട്ടുമവൾ യൂണിഫോം മാറ്റാനോ ഒരുവറ്റിറക്കാനോ നിന്നില്ല, അവളുടെ വശ്യമാർന്ന മിഴികളിൽ ഇന്നാതിളക്കമില്ല കരഞ്ഞുകലങ്ങി ചുവപ്പുരാശി പടർന്ന മിഴികളും, കനം വെച്ച കൺപോളകളും, കാർത്തിക്കിനെപ്പറ്റി ഒന്നുമറിയാൻ സാധിക്കാത്തത്തിലുള്ള വിഷമവും, അവനെ തനിച്ചയച്ചത്തിലുള്ള വിശദവുമെല്ലാം കലർന്നിരുന്നു…

രാത്രി പതിനൊന്നുമണിയോട് അടുത്തിട്ടും അവൾക്കുറങ്ങാൻ സാധിച്ചില്ല ഇടക്ക് ഇടക്ക് ടേബിളിന് മുകളിരിക്കുന്ന ഐപാഡിലേക്ക് അവളുടെ കണ്ണുകൾ നീളും എന്നാൽ ഓരോ തവണയും നിരാശമാത്രമായിരുന്നു ഫലം…