ഹൃദയരാഗം 19 [Achu Siva] 771

വിനയ് താഴേക്ക് ഇറങ്ങി പോയി ….വീണ്ടും വാസുകി ഡോർ ചെറുതായി തുറന്നു നോക്കി …വിനയ് സ്റ്റെപ് ഇറങ്ങി പോകുന്നത് അവൾ കണ്ടു …

“ഹാവൂ,ഇപ്പഴാ സമാധാനം ആയത്” ..അവൾ ആശ്വാസത്തോടെ നെഞ്ചിൽ കൈ വെച്ചു ..

എന്റെ വാസുകി നാണം കൊണ്ടിരുന്നാൽ ഒന്നും കാര്യം നടക്കില്ല ..നല്ല തൊലിക്കട്ടി വേണം ,എന്നാലേ ആ കടുവയോടൊപ്പം പിടിച്ചു നിൽക്കാൻ പറ്റു …ഒന്നും നോക്കണ്ട വലിഞ്ഞു കേറി ചെന്നു അറ്റാക്ക് ചെയ്തേക്കു …അവളുടെ മനസ്സ് അവളെ ഉപദേശിച്ചു …

അവൾ പതിയെ താഴെക്കു ഇറങ്ങി …വിനയ് ടീവിയിൽ ന്യൂസ്‌ കണ്ടു ഇരിക്കുന്നു …

അവൾ പിറകിലായി വന്നു നിന്നു …

“വിനയേട്ടാ”… ,,അവൾ എല്ലാ ധൈര്യവും സംഭരിച്ചു വിളിച്ചു ..

അയാൾ അവളെ തിരിഞ്ഞു നോക്കി ….പഴയ പോലെ അത്ര ഗൗരവം നിറഞ്ഞട്ടില്ല …അവളെ  നോക്കാൻ വല്ലാതെ പാട് പെടുന്നുണ്ട് …അതിന്റെ എല്ലാ അസ്വസ്ഥതകളും ആ മുഖത്ത് നിറഞ്ഞു നിൽക്കുന്നു …

ഞാൻ ഫുഡ്‌ എടുത്ത് വയ്ക്കട്ടെ ?അവൾ വളരെ പതിഞ്ഞ സ്വരത്തിൽ ചോദിച്ചു …

“കുറച്ചു കഴിഞ്ഞു മതി “…അയാൾ ടീവിയിലേക്ക് നോക്കി മറുപടി പറഞ്ഞു ..

അയ്യോ അപ്പൊ വിശക്കില്ലേ ?

“ഇല്ല” ….വിനയ് അധികം സംസാരിക്കാൻ താല്പര്യമില്ലാത്ത പോലെ പറഞ്ഞു ..

അതിനു നിങ്ങടെ കാര്യം ആരു പറഞ്ഞു …ഞാൻ എന്റെ കാര്യാ പറഞ്ഞത് …വിശന്നിട്ട് പാടില്ല ….അവള് മനസ്സിൽ പിറുപിറുത്തു …

അവള് ദേഷ്യത്തോടെ മുന്നോട്ട് ചെന്നു വിനയ്ടെ കൈയിൽ നിന്നും റിമോട്ട് തട്ടി പറിച്ചു വാങ്ങി ടീവി ഓഫ്‌ ചെയ്തു ..