ഹൃദയരാഗം 19

Author : അച്ചു ശിവ | Previous Part

അവളുടെ ചുണ്ടിലും കഴുത്തിലുമെല്ലാം വെള്ള തുള്ളികൾ പറ്റി പിടിച്ചു ഇരിക്കുന്നു ….നനഞ്ഞ കുഞ്ഞു  മുടിയിഴകൾ മുഖത്തും തോളിലുമൊക്കെ അങ്ങിങ്ങായി പറ്റി പിടിച്ചിട്ടുണ്ട് …തണുത്തിട്ടെന്ന പോലെ അവളുടെ അധരങ്ങൾ വിറ കൊണ്ടു …വെണ്ണക്കൽ ശില്പം പോലെ തന്റെ മുന്നിൽ നിൽക്കുന്ന വാസുകിയുടെ സൗന്ദര്യത്തിലും മേനിയഴകിലും  ലയിച്ചു പോയ വിനയ് എല്ലാം മറന്നു അവളെ തന്നെ നോക്കി നിന്നു . 

==================================

വാസുകി എന്ത് ചെയ്യണമെന്ന് അറിയാതെ അതേ നിൽപ്പ് നിന്നു ..അവളറിയാതെ തന്നെ അവളുടെ തല താഴ്ന്നു പോയി ..വിനയ്ടെ കണ്ണുകൾ അവളുടെ ശരീരമാകെ ഓടി നടന്നു …ഒരു നിമിഷം അയാൾ തന്നേ  തന്നെ മറന്നു നിന്നു …വാസുകി പതിയെ തല ഉയർത്തി അയാളെ നോക്കി …നാണം കൊണ്ടു പിടയ്ക്കുന്ന അവളുടെ കണ്ണുകളിൽ അയാളുടെ മിഴികൾ ഉടക്കി ..വേഗം അയാൾ തന്റെ കണ്ണുകൾ പിൻവലിച്ചു  …മാറിന് കുറുകെ വെച്ചിരിക്കുന്ന അവളുടെ കൈകളിലേക്ക് അയാളുടെ നോട്ടം ചെന്നു നിന്നു …താൻ എന്താണ് ചെയ്തു കൊണ്ടിരിക്കുന്നത് എന്ന ബോധം അപ്പോഴാണ് അയാൾക്ക്‌ ഉണ്ടായത് …പെട്ടന്ന് തന്നെ വിനയ് അവൾക്കു പുറം തിരിഞ്ഞു നിന്നു ..

വിനയ്ടെ പ്രവൃത്തി കണ്ട വാസുകിയുടെ മുഖത്ത് അത് വരെ നിറഞ്ഞു നിന്നിരുന്ന നാണം എന്ന വികാരം മാറി ദേഷ്യവും നിരാശയും സ്ഥാനം പിടിച്ചു …അവൾ മാറിന് കുറുകെയായി വെച്ചിരുന്ന കൈകൾ ദേഷ്യത്തോടെ എടുത്ത് മാറ്റി …

“അല്ല ഞാൻ ആരാ ?ഇങ്ങേരുടെ ഭാര്യ അല്ലേ ?ഈ മനുഷ്യൻ എന്നെ മാന്യമായിട്ട് താലി കെട്ടി കൊണ്ടു വന്നതല്ലേ ഇങ്ങോട്ട് ..
എന്നിട്ട് അങ്ങേരു പുറം തിരിഞ്ഞു നിൽക്കുന്നു “…വാസു ദേഷ്യം കൊണ്ടു പല്ല് കടിച്ചു .

സ്വന്തം ഭാര്യ കുളി കഴിഞ്ഞു വരുന്ന കാഴ്ച്ച കണ്ടു പുറം തിരിഞ്ഞു നിൽക്കുന്ന ലോകത്തിലെ ആദ്യത്തെ ഭർത്താവ് ..അവള് ചുണ്ട് കോട്ടി കൊണ്ടു മനസ്സിൽ പറഞ്ഞു ..അല്ല ഞാൻ എന്താ അത്രയ്ക്ക് കാണാൻ കൊള്ളാത്ത വസ്തു വെല്ലതും  ആണോ? …

ഡീ …നീ ..നീയെന്താ ഇവിടെ ? ഇതിനൊന്നും നിന്റെ റൂമിൽ സൗകര്യമില്ലേ ?  അവളുടെ ചിന്തകളെ ഭേദിച്ച് കൊണ്ടു വിനയുടെ ശബ്ദം ആ റൂമിൽ നിറഞ്ഞു …

ആ..അവിടെ ബാത്‌റൂമിൽ  ചൂട് വെള്ളം വരുന്നില്ല   അപ്പൊ ഇവിടെ വന്നു  കുളിയ്ക്കാമെന്നു കരുതി …അവൾ ഒരു  ഒഴുക്കൻ മട്ടിൽ മറുപടി പറഞ്ഞു ….

ഓ ,തമ്പുരാട്ടി ചൂട് വെള്ളത്തിലെ കുളിക്കൂ …അല്ലേ ? അതും എന്റെ റൂമിൽ തന്നെ  ..നിനക്ക് താഴെ പൊയ്ക്കൂടാരുന്നോ …

നിങ്ങടെ റൂം എന്ന് എഴുതി വെച്ചിട്ടൊന്നുമില്ലല്ലോ …അതുമല്ല ഞാനിവിടെ വലിഞ്ഞു കേറി വന്നതൊന്നുമല്ല …എന്റെ ഭർത്താവിന്റെ റൂമിൽ കേറാൻ എനിക്ക് ആരുടേം അനുവാദം ഒന്നും വേണ്ട …അവളും വിട്ടു കൊടുത്തില്ല …