ഹൃദയരാഗം 17

Author : അച്ചു ശിവ | Previous Part

 
പിറ്റേന്ന് രാവിലെ ഹാളിൽ സോഫയിൽ ഒരു ചായ ഒക്കെ കുടിച്ചു  ഇരിക്കുകയായിരുന്നു വാസുകി. ഇന്നെന്തൊക്കെ കുരുത്തക്കേട് കാണിക്കാം എന്ന് കൂലങ്കക്ഷമായ ആലോചനയിലായിരുന്നു നമ്മുടെ ചേച്ചി …

വാസുകി ………………..

വിനയ്ടെ വിളി കേട്ട അവൾ അവിടെ നിന്നും എഴുനേറ്റു .

എന്താ വിനയേട്ടാ ?

അല്ല എന്താ നിന്റെ ഉദ്ദേശ്യം ?

അങ്ങനെ പ്രേത്യേകിച്ചു ഒന്നുമില്ല എന്നത്തേയും പോലൊക്കെ തന്നെ ….

നിനക്ക് കോളേജിൽ പോകണ്ടേ ?

ഹേയ് ..അതെങ്ങനെ ശരിയാകും …നിങ്ങളെ ഇവിടെ തനിച്ചാക്കി പോകാനോ ..എന്തെങ്കിലും ഒരു ആവശ്യം വന്നാലോ …?

എന്ത് ആവശ്യം ?ഞാൻ എന്താ ഇവിടെ ചാവാൻ കിടക്കുവാണോ ?

ദേ വേണ്ടാത്തത് പറയരുത് .അവൾ കുറച്ചു ദേഷ്യത്തോടെ പറഞ്ഞു കൊണ്ടു വിനയ്ടെ മുന്നിലേക്ക് വന്നു …അയാളുടെ മുഖത്തെ ഗൗരവം കണ്ടപ്പോ ആ ദേഷ്യം വന്ന പോലെ ചോർന്നു പോയി ..

എന്നാലും എനിക്കു വിനയേട്ടന്റെ കാര്യത്തിൽ ഒരു  ഉത്തരവാദിത്തം ഒക്കെ ഇല്ലേ …അവൾ ചെറിയ ഒരു പരുങ്ങലോടെ പറഞ്ഞു …

പിന്നേ ….നിന്റെ ഉത്തരവാദിത്തതിന്റെ കൂടുതൽ കൊണ്ടാണ് ഇന്ന് ഇവിടെ ഇങ്ങനെ ഇരിക്കേണ്ടി വന്നത് …നോക്ക് വാസുകി ഓരോരോ കോപ്രായങ്ങൾ കാണിച്ചു കൂട്ടാൻ വേണ്ടി വെറുതെ നീ ഇവിടെ നിൽക്കണമെന്നില്ല ..

ക്ലാസ്സ്‌ കളയാതെ പോകാൻ നോക്ക് …ചെല്ല് .വിനയ് തന്റെ ഗൗരവം ഒട്ടും കുറയ്ക്കാതെ അവളോടായി പറഞ്ഞു .

അടുത്ത ആഴ്ച തൊട്ട് പോയാൽ പോരെ ?

അയാൾ അവളുടെ അടുത്തേക്ക് ചെന്നു .