ഹൃദയരാഗം 17 [Achu Siva] 663

മോൾക്ക്‌  കഴിക്കാൻ എടുക്കട്ടെ ?

അയ്യോ വേഗം എടുക്കു അമ്മേ  .ഇന്ന് എനിക്കൊരു ഒരു ആനയെ തിന്നാനുള്ള വിശപ്പുണ്ട് …അതും പറഞ്ഞു വാസുകി കിച്ചൻ സ്ലാബിനു മുകളിലായി കയറി ഇരുന്നു …

ശാരദാമ്മ അവൾക്കു ദോശയും ചട്ണിയും കഴിക്കാൻ കൊടുത്തു …

വിനയേട്ടൻ ഇന്ന് കറക്റ്റ് സമയത്ത് ഫുഡും മെഡിസിനും ഒക്കെ കഴിച്ചോ അമ്മേ ?

അതൊക്കെ കറക്റ്റ് സമയത്ത് തന്നെ ഒരാള് നിർബന്ധിച്ചു കഴിപ്പിച്ചിട്ടുണ്ട് …

ഏ ? അതാരാ ഇപ്പൊ ? വാസുകി ആകാംഷയോടെ തിരക്കി …

അത് മോളെ ഇന്നിവിടെ ഒരു അതിഥി ഉണ്ടായിരുന്നു …വിനയ് മോന്റെ ഹോസ്പിറ്റലിലെ ഡോക്ടർ ആണ് ..മോളു കണ്ടിട്ടില്ലേ ? ദേവിക എന്നാണ് പേര് ..

ഇത് കേട്ട് വാസുകിയുടെ  മുഖത്തു അത് വരെ ഉണ്ടായിരുന്നു  സന്തോഷവും ചിരിയും പെട്ടന്ന് മാഞ്ഞു …അവൾ കൈയിലിരുന്ന പാത്രം അവിടെ വെച്ചിട്ടു താഴേക്ക് ഇറങ്ങി.

പിന്നെ ശാരദാമ്മയുടെ അടുത്തേക്ക് ചെന്നു .

അവൾ എന്തിനാ ഇവിടേയ്ക്ക് വന്നത്?

മോളെ …ആ കുട്ടി മോളേക്കാൾ വയസ്സിനു മൂത്തതാണ് .ചേച്ചിയാണ് കേട്ടോ ..

ഓ പിന്നേ അവൾ ശാരദാമ്മ കേൾക്കാതെ മനസ്സിൽ പറഞ്ഞു കൊണ്ടു മുഖം വെട്ടിച്ചു ..

ഇവിടുത്തെ സിദ്ധാർഥ്‌ മോന്റെ ബന്ധത്തിൽ പെട്ട കുട്ടിയാ മോളെ അത് …

ഏ? എന്ത് ബന്ധം ?അവൾ ആകാംക്ഷയോടെ തിരക്കി …

അമ്മ വഴിയുള്ള എന്തോ അകന്ന ബന്ധം ആണ് …എങ്കിലും അവർക്കൊക്കെ വല്യ കാര്യമാ …ഞാനും പറഞ്ഞു കേട്ടിട്ടേ ഉള്ളൂ …ഇന്നാ ആദ്യമായിട്ട് നേരിൽ കാണുന്നത് …

എപ്പഴാ വന്നത് ?

ഏകദേശം ഒരു 11 മണി ആയിട്ടുണ്ടാവും …പിന്നെ ഉച്ചക്ക് ഭക്ഷണം ഒക്കെ കഴിച്ചിട്ടാ പോയത് …പറയാതിരിക്കാൻ വയ്യ മോളെ ,നല്ലൊരു പാവം കുട്ടി …ഒരു ഡോക്ടർ ആണെന്നുള്ള ഒരു ഭാവവും അതിനില്ല …എന്നോട് എന്ത് സ്നേഹമായിട്ട പെരുമാറിയതെന്ന് അറിയുമോ ?

എല്ലാം അഭിനയം ആയരിക്കും …ഇവിടെ കയറി കൂടാനുള്ള അടവുകൾ …വാസു മനസ്സിൽ ഓർത്തു പല്ല് കടിച്ചു …

അവളും ..അല്ല ആ ഡോക്ടറും വിനയേട്ടന് ഒപ്പമാണോ ആഹാരം കഴിച്ചത് ?.